السلام عليكم ..
ربما لا اعرف من اين ابتدي ... وماذا سيكتب قلمي في اول مشاركة..
بعد طول تفكير ربما استمر سنوات .. فقررت ان تكون البداية من بعض ابياتي ..
واتمنى ان تحوز على اعجابكم ..
دربنا طول .. وضعنا في صغرنا يا غلاتي
راحت الفرحه وتهنا.. ما لقيناها سكينة
راح في دربه .. تركني! .. ليه ماتسمع وصاتي
قلت له ياريم انا كل شيء تحترينه
انا قلبك .. انا حبك .. قلتها في امسياتي
قلتها لك يا غلاتي .. والله انك تعشقينه
انا كلك وانت كلي وانت اجمل اغنياتي
وانت اهله كل اهله .. انتي صرتي والدينه
ريمتي انا حبيبك .. ريمتي انتي حياتي
ريمتي انا حبيبك .. كيف ممكن تتركينه ؟؟
ريمتي ان غبت عني روحكي صارت لهاتي
التهي في قربها مني وانا فاقد حنينه
انا في ايدينك طفل .. ماتبتسم لحظة لقاتي؟
ما نسيت كيف طفلك .. كيف كنتي تحضنينه
ترتبك لا شفتني مقبل .. وانتي امنياتي
احضنك وادفى بقربك .. والله انّا فاقدينه
انا تايه يا غلا .. وانتي تلمي هالشتاتي
احضنك وانا اشيلك .. وقتل العين الحزينه
تنبهر بي .. وانبهر بك .. كانت اللحظة صلاتي
واطبع القبلة براسك .. تضوي انوار المدينه
حتى في جفني بقيتي .. صورتك في ذكرياتي
وانا شاعركي .. اردد آه يا ماحلى سنينه
وآآه ليتك تذبحيني .. ليه ما أعلن وفاتي
صار حلمي مقتلي .. والموت صاير في ايدينه
والله ان الحب يولد في الصغر لين المماتي
وانتي قررتي نموت ثم اعلنتي ونينه
دربنا طول .. وضعنا في صغرنا يا غلاتي
راحت الفرحه ومتنا .. ما لقيناها سكينة
انتهت كما انتهى كل شيء جميل..



اضافة رد مع اقتباس



المفضلات