قصه وقصيده بين بدوي وحضريه ..
السلام عليكم ورحمة الله وبركاته
عندي قصيده منقوله وودي اني اسمعكم هالقصيده وقصتهاا باختصار :
انه في بنت حضريه رايحه للبر مع السايق ( دريول ) وضيع السايق دربه
وهي عصبت عليه وهاوشته ( اشوى انها مو بدويه والا كان طاقته ومكمخته )
ولقت لها بدوي وهي طبعاا كاشفه وجهها واسالته عن طريقهاا اللي تبيه
ودلهاا على طريقهاا اخو النشامى ماقصر عز الله وهذي هي القصيده ,,,
( قصيده بين بدوي وحضريه )
الـــــــحـــــــضـــــــريــــــــه:
قلنا سلام الله يا راعي الرعيه ** وين الطريق اللي تودي للبلـد
معنا غشيم ما عرف قيمة خويه ** ضيعه بقفار ما فيهـا أحـد
الـــــــــــــــبـــــــــــــــدوي:
يا هلا ويا مرحبا بالنرجسيه ** أقلطـي فالـدار دارك والولـد
ذيك خيمتنا ولا أنتي بالخليه ** ولك أمان الله في يـوم الأحـد
الـــــــحـــــــضـــــــريــــــــه:
ما لنا مجلاس يا رجل الحميه ** مثلنا لا غـاب لحظـه يفتقـد
غير ذالهندي عساه اليوم حيه ** لا عرف درب ولا هو اللي نشد
الـــــــــــــــبـــــــــــــــدوي:
إن جلستوا مرحبا ضيوف عليه ** وإن تعذرتوا معك طير السعد
ما يجوز الغصب لك وأنتي بنيه ** لاكن العوده ولازم من وعـد
الـــــــحـــــــضـــــــريــــــــه:
إن عطاني الله عمر ولي بقيه ** لازم أرجع مع هلي لك يوم غد
وإن تفارقنا تذكرك المطيه ** وجعل يخلفنا على ديـارك رعـد
الـــــــــــــــبـــــــــــــــدوي:
ليتني هندي معك يا الغشمريه ** وإن ذا الهندي في المفلا قعـد
ليتني وياك نرعى بالرعيه ** أو ليت قلبي خبل لا رحتي هجـد
الـــــــحـــــــضـــــــريــــــــه:
الله يخليك ما ني ببدويه ** ما نقصنـي يـا ولـد هـم ونكـد
دلنا على الخط دام الشمس حيه ** لا دنانا الليل ذالهندي رقـد
الـــــــــــــــبـــــــــــــــدوي:
ذاك دربك من ورا ذيك الحويه ** وأستري وجهك ولا تبديه أبـد
وأن بغيتي تحطبي مالك لويه ** أجعلي بيديك حبل مـن مسـد
وسلامتـــــــــــــــــــــــــــــــــكم
اضافة رد مع اقتباس
المفضلات