لأغلى وطن مني سـلام وتحيـات =ونفديه بالأرواح وقـت المواجـه
حب أو ولاء ماهو كلام وعبارات = نرخص له الغالي ونحمي سياجـه
من بعدها للشعر فالصدر جولات= سواة بحر " تلتطـم بـه أمواجـه
يا هاجسي من بعد طول المغيبات= أخذت عشر شهور ما قلت حاجه
أمنول " لك عذر في قل الأبيـات =ولا فيه شيء" يستحـق أنتهاجـه
واليوم هات النادرات الفريـدات= اللي لها الخاطـر يزيـد ابتهاجـه
يا سيدي سلطان والف " سلامات= شده وتاليها يـا شيـخ انفراجـه
يا كثر ما هلت دموع " غزيرات= بالفتره اللي طولت فـي علاجـه
وياكثر ما ظاقت صدور " وسيعات= وكم واحد " ضاق وتعكر مزاجه
أنحسب الغيبه دقايـق وساعـات= واليوم يا ثقلـه وثقـل أندراجـه
ولي عهد الدار رجـل المهمـات= اللي لصعب الوضع حصل خراجه
يرسي كما ترسي جبال السروات= لا وصل الموضوع عنق الزجاجـه
وينصاه من صابه من الوقت ميلات= اللي زمانـه عـوده بأنزعاجـه
ومن مدته يملأ يديـن " خليـات= ومن يزرع المعروف يلقا انتاجـه
ياسيدي سلطان وختام الابيـات= يازين من بعد الغيـاب المواجـه






المفضلات