شعر شعبي عراقي
رايح ماتجي معقوله يهواي
وانه العطش كله وشوفتك ماي
الله وياك اكلك رايد اتروح
واذا وياك الله ياهو الوياي
رايح جاشكلك لمن اتروح
غير اتروح وتردلي ابسلامه
حمامه الليله روحي اكبالك اتنوح
باجر لايجي اتموت الحمامة
وابدي منين اسولف حاير اوياك
اكرهك ردت اكرهك طلعت اهواك
ردت جلمه بكبر مابيه الك شوك
ولان ماحصلت هالكتلك انساك
واشد بجرح حبك واشتهي الكاك
واكول ارتاح لو مره نسيتك
نسيتك عود لحظه وكيفت بيك
واكف بالدمع عالخد لكيتك
وكلت ماحب بعد بس تالي حبيت
ومثل العبرت اوياك ظليت
اجيك بشوك عني اتخلي وتروح
اكللك تعال اتضيع البيت
واخيرا فكرت بيه اوتعنيت
عكب ماغارن اعيوني من الغياب
اعــــــــــــذرك ؟ تيهت مادلتك ناس
علي جا ماشفت عالحايط غراب
ذاك الباب بابي وذيج العيون
من خلص دمعهــــن صبن اتراب
وحسبالك صبغت الباب من جيت
فرح ولخاطرك عود انسه العتاب
اسود جان بابي بلون العيون
ومن كدمابجه صار ابيض الباب
وكلتلك من تجي مومن وره الباب
وشكلك هم اجه وتحسبهه جيـه
اريدك من تجي تلزك على الباب
والاثوب لوتجي وتلزك عليه
العنك سولفو ماسولفو زيـــــــــن
واوصافك غلط جابوهه اليه
ماشفتك كبل بس صافــــــن اعليك
شفتك اصفنت بجفوف اديه
واحبك من صدك مالازم اشهود
القضيه من تجي اتعرف القضية
الناس بلايه شوف تسودنت بيك
آنه اتسودنت ؟ ظلت عليه




اضافة رد مع اقتباس








المفضلات