خداته.....
حبيبي أنا خداته... قتلي شويا وبعدين تلفتت عليا و مارداته, نسحابها تبصر خليته يمشي و بالبسمة شفتها لقاته, مادرت في بالي يخليني بعد التقة اللي عاطياته, دورة لقيته خاين وهيا راغباته, حرت فيهم...هيا اللي قبل نساته, كيف توا بكلمة منها رداته؟؟؟؟
يحبها تاريته حتى لما كانت فايتاته, معايا كان لكن بحبها عامياته,ماشافش غيرها معاي ونسي اللي فيه داراته, تي كيف صار هذا كله بعد من حياتها محاته؟؟؟ جايه بين يوم وليلة وخداته, خطبها ونساني ونسي اللي بصدق عاشقاته, فهموني يا ناس كيف وامتى هذا كله صار و جاباته..... حاره الكلمة لكن هذا الحق اللي كارهاته, مش ليا... تاريته بايع اللي شراته, فاش تفرق عليا شن فيها زايد بيه فاتناته؟؟؟ ليش ما حبنيش لما عن حياتها بعداته؟؟؟ معقوله ينسى ألو حبيبة عمره اللي حباته؟؟؟ ينسى ألو اللي اسمه بالدم كاتباته؟؟؟ اللي هواه هوا بس تنفساته؟؟؟
مستحيل ينسى اللي في زعله قبل فرحه مراعياته, ماتجيش ينسى اللي قال عليها مراته وصايناته, باهي علاش خطبها ومسح اللي كنت عليه معوداته؟؟؟ نبي نفهم علاش يا ربي... تي من الأول كانت راكناته, و وقت خطرلها من تاني طيحاته, لكن هادي مش زي كل مره.... معاها نسي مراته, نسي أن أني الوحيدة اللي فاهماته, واللي نعرف شن يبي بلا كلام حاساته, أنا اللي رخصها و هيا باعت الدنيا وبالغالي شراته, أنا اللي كنت نتمنى معاه ليله بس صافيه و نوريه بشن واداته....
أنا بنيه كان قلها حموده مانبيش عقلك راهي رماته, أنا بنيه قالت للناس كلها إنها حباته, أنا ألو اللي سيبها حموده ومشي لإيمان اللي قبل خاناته, هذا كلام قداش ليا في قلبي داساته....لكن ماعاش ينفع بعد إيمان دبلته لبستها و على أسلوبها حفظاته....
ياربي زعما مريحاته؟؟؟ زعما متهني معاها ومفرحاته؟؟؟ زعما كيف على كلمة نحبك معوداته؟؟؟ زعما ساكن قلبها و قلبه ساكناته؟؟؟ باهي كيف يضحكو عيونها لو شافاته؟؟؟ كيف يدق قلبها لو صوته سمعاته؟؟؟ زعما وقت كشخ عليها تحملاته؟؟؟ باهي كيف في حضوره وغيابه احترماته؟؟ باهي وهيا معاه مستاحشاته؟؟؟ باهي و هيا معاه ادير زيي!!!... تشوف في روحها في عويناته؟؟؟ زعما تهورت في مره وباساته؟؟؟ زعما وقت ضايقاته الدنيا ضماته بقوه و حضناته؟؟؟
زعما علاش حباته؟؟؟ لأن قلبها دق و إلا لأنا فرصه!!!! ولد بيتيه وفلوس و شهاده و عيله متأصله رباته, تي أكيد أصلا حموده أحسن واحد في حياتها راته, معقوله ينسى ألو حبيبة عمره اللي حباته!!!! سحراته؟؟؟ قالو أمها تونسية ملسنة وباللسان جاباته, خلينا من هذا كله , دمعتي!!!! دمعتي معقوله ما وجعاته؟؟؟ باهي الذكرى اللي بينا ما ضايقاته؟؟؟
فهموني علاش هيا مني أنا خداته!!!!!!!!!!!!![]()







اضافة رد مع اقتباس



المفضلات