ضد او مع ............شلل البنات !

[Endless tears]

هل انته مع او ضد ؟؟؟؟؟؟؟
هل انته مؤيد او معارض؟؟؟ ............موضوع جديد ..تقدمه اندليس تيرز ..اختكم الكبيره ..
وستكون هناك عدت قضايا ...سأقوم ان شاء الله بطرحها عن قريب ..واليوم بندأ الحلقة الاولى ..

في يوم كنت انا اندليس تيرز في احد المراكز التجارية ..او مثل ما بعضكم يسميها مجمع تسوق ..المهم ..
كانت هناك مجموعه من الفتيات التي تتراوح اعمارهم بين 16 ..و 25 ..يمشون في المركز .. من دون ما يتبضعون او يشترون شي..بس مجرد كشته !! يدخلون المحلات و يطلعون ...ويا سلام كل وحده ضاربه بالزين كله ..و كل وحده احلى من الثانيه !! ..وطبعا شله كبيره مثل هذي ..تلقاها تنقسم الى قسمين ..حد منهم يحب ان يتم في الكوفي شوب ..ويشوفون الناس ...والبقيه يحبون يتنقلون من محل الى محل "؟؟؟؟؟؟؟؟؟؟؟؟؟؟

محور موضوع اليوم . .. هل انته مع ..او مؤيد وجود شلل من البنات التي تتجمع في المقهاي او المراكز التجاره ؟؟او انته ضد ؟؟؟؟؟؟؟؟؟؟؟ان كنت مع هذا الشي ..فلماذا .......وان كنت ضد هذا الشي .فلماذا ؟؟؟؟

تحياتي
اندليس تيرز

[Mr.Gravity]

انا مؤيد

[Endless tears]

اوكي يا هولي سموك ..انته مؤيد ..شي جميل ..
بس ما قلت لنا ليش انته مؤيد ...ممكن تعرض وجهت نظرك بصوره اكبر ...

وتحياتي
اندليس تيرز

[eternal-saudi]

أختي أندليس ممكن أسأل سؤال ؟؟

الشلل .... أي أنكي تقصدي أن يصبحوا مشلولين ... لصياعتهم ؟ .... ؟؟؟؟

[][~SaD^bOy~][]

التسوق للجميع يا اندليس تيرز يعني شو دراك انهم بس يتجمعون يعني داشين المركز جيه
بلا فائدة يعني شو اقول لج بس التجمع سواء كان في مراكز او اماكن عامة بدون فائدة
يعني الظاهرة هذي ماحد يحبذها هذا اللي قدرت اكتبه وشكرا

[سبيشل]

انا لا اؤيد هذه الشلل وضدها

لاان هذه الشلل هي الي تسبب الفتنه لدى الشباب فيحصل(المغازله)

..............
محبكم
سبيشل

[الوردة البيضاء]

من وجهة نظري ان التسوق لغرض التسوق ما فيه اي شي ولكن لغرض الإستهتار والتحرش بخلق الله هذا الي ما اايده

تحياتي
الودره البيضاء

[Endless tears]

تحياتي الى الجميع ..
اوكي انا بوضح اكثر ..شو قصدت بالشلل..يعني مجموعه من البنات ! مب لازم صيع !او من هذا الكلام ..و مب شرط يكونون في المراكز !! اي مكان عام ..لكن بس مجموعه كبيره تتألف من البنات الشابات ! و بس .........واشوف لين الحين هولي سموك ما وضح ليش هو مؤيد
وممكن نقول ان ساد بوي و الورده البيضاء و سبيشل من المعارضين ..

واكي نشوف رايك يا eternal-saudi

وتحياتي من جديد
اندليس تيرز

[eternal-saudi]

والله موضوع مثير .. والله كلام الأخوان صحيح ... وأنا أؤيد الأخ سبيشل ...

أماّ عن رأي الخاص ..إختي أندليس حددت في موضوعها ... مكانين ... الأول مقاهي ... وأنا معارض لهذا .. جداً .... طبعاً في المقهى ضحك وكلام ومزح .... والصوت الجماعي أحياناً .... يسبب فتنة .... في المقهى ...

أمّا التسوّق ..... هذا شي راجع للبنت حسب مشيتها .. أو كلامها ... أو طريقة تسترها ..... لكن إذا كانوا ... مجموعة أكيد أيضاً معارض لأن الزحمة عامةً تسبب مشاكل .... فما بالك ... بنات وفي مكان عام ..؟؟؟ سوف يكون هناك عدد كثير من المشاكل .... وسوف يتحمّس الشباب لظهور فتيات من هذا النوع ....

[Endless tears]

يعني معارض ..
اشكرك لانك شارك في الوضوع ..وهو فعلا يمكن هذي الشلل تسبب بعض المشكلات !!

و تحياتي
اندليس تيرز

[eternal-saudi]

والله أختي أندليس أنا ليس معارض بشكل أساسي ... لكن .أنا أشوف وأقول الطريقة الأسلم ..... وشكراً

[Dangerous Mind]

انا مؤيدة !!

لأن البنات يمكن طفروا من قعدة البيت و يبون يتمشون<<اهي وحده منهم

فتطلع البنت و تروح المجمعات و اذا المشكلة ان يصير معاكسة او شي

فالشباب اهم المشكلة

[Blue Angel]

انا مؤيد ...

انه البنت لها الحق انه تطلع و تستانس مثل الشاب ... مو شرط انه تقعد بالبيت و ماتطلع ولا مكان جنها مقعدة ... مايصير جذي لازم الواحد يروح عن نفسه شوي ... و يشوف الناس و الناس يشوفونه ...

[*فارسة الفرسان*]

أمممممممممممم

أنا أقول انا البنت ما فيها شيئ لو طلعت وتمشت مع شلة بنات سواءً كانو من قريباتها أو صديقاتها

لكن بدون ما تتجاوز حدود حاجتها اذا كانت في السوق ولازم تتقيد بآداب ديننا الحنيف ... يعني الحياء

والحشمة وعدم رفع صوتها ..... لأن صوت البنت فتنة

وأما بالنسبة لأنها تكون عرضة للمعاكسات أنا رأيي انه هذا الشيئ يعتمد على مدى تستر

البنت وحشمتها وإحترامها لنفسها


شكراً اختي الحبيبة Endless tears
لعرضك هذا الموضوع النقاشي الشيق ^___~

[ALEメA]

بســــم الله الرحمن ارحيم
الموضوع وايد قديم ، اكثر حد للرد ع المواضيع اعتقد سنه

[Loola]

انه اعارض

صج يا اختي مثل هالبنات ما عندهم سالفه

رايحين بس حق المغازل اللي ما يستحون

طاقه ويهها بهالمكياج عشان تلقى لها واحد يغازلها ويقط عليها الرقم

واللي تبي تتكشت ترى البنت غير عن الولد

الولد عادي يظهر مع ربعه ويروح المجمعات من دون مراقبه

لكن البنت لازم معاها احد كبير يراقبها ويعطيها فلوس

عشان لا تطلع من محل وتدخل غيره من دون ما تشتري شي ^_^

والا شرايكم من شنو تصير هالمصايب والا غتصاب اللي قاعد يغزو مجتمعاتنا

كله والسبه هالبنت اهي اللي تسبب حق نفسها المصايب << الغبيه

سوري اذا طولت عليكم اوكي ^_*

سلااااااااااام

[.dode.]

اذا البنت مو قصدها تلفت الانظار لها فهذا شي عادي وانا اؤيده...............

اما لوكانت مستهتره (تضحك وتتكلم بصوت عالي او حاطه كيلو ماكياج ) فانا اعارضه!




شكرا على الموضوع