كل حب وأنتم بعشق :> عيد الحب

**adil84** · 14-02-2005, 19:57

السلام عليكم ورحمة الله وبركاته

الاهداء .... لعيد الحب

ورأفت ... الملقب بــــــــــ ولعه

...
..

قهوه مره .......... حيل مره

حيـــــــــــــــــــل مره

تشبه اللوعه بسايق

مالقى شغله سوى انه ........ يوصل ( ......... ) للسهره

.

قهوه مره ...

حيل مره

مثل جندى ( بقصر دسمان ) دوامه .... وبيته بالجهره

قهوه مره ....

حيل مره

مثل واحد مسك ( ريموت ) يدور رقص ( مشكلنى )

طلعله ............ محمد الدره

.

.

الا قولى .... انت اسمك صج ( ولـــــعه )

ولا هالغربه وسنينك

غيروا فيك الاسامى

وصار يدلعونك يـــــــــــــــ ولعه

.

والله بينى وبينك .... احسن

ولعه - ولعه

يعنى هى تفرق معاك

هذا انت الكل يبيك .....

شايل الجمر بيدينك .... وكلنا ننادى عليك

مايهمك ... نحترق ... نحيا ... نموت

مايهمك يرتفع سعر الزقاير

توقف قروض البيوت

لا فتحت حساب ( دانه )

ولا اشتريت بيوم ( شوت )

( ولسه ) عايش

الا قولى ... شنهو حلم العمر عندك

انت عندك حلم اصلا ...!!!

انت اصلا ليش عايش ....!!!

يعنى من قله الموت ...؟.؟؟

.

.

تدرى ... ياولعه ..... ياطيب

ان تسريحه ( حليمه )

امس ......... عن اربع رواتب

...... شنهو طيب .....!!!!

طيب اسمع ... تدرى كم حصل ( رونادو )

فى حياته بالملاعب ..

يالله نحسب .... فبرشلونه كان ياخذ 9 مليون ... وبعدها

راح للأنتر بعشره ..

ومن ثلاث سنين ياخذ .... بكل شهر ... مليون ......

طيب ...!!!

صار خمسه وعشرين ... وعندك اربعه ... وباليد واحد ...

لايسيدى ماهو طيب ....

ماهو اصلك منتا فاهم

يعنى معناالحسبه ( ديا )

ان سعر ( الشوته ) عنده

تشغلك ( ولعه ) بريجنسى

سبعه وعشرين ..... عام

بذمتك .... ماهو حرام ...!!!

.

.

.

صج بقولك .....

تدرى ان اليوم عيد

لا يااااااعمى .... ذاك خلـًـص

هذااسمه عيد حب ....

عيد بس بلا عيادى ....

عيد هادى

عيد يامسكين ... عادى ....

لايولعه ... ماهو عادى

عيد رومانسى ... وحالم

عيد ماحس بوجودى

عيد يهمنى حيل لكن .... مااهمه .... باعتقادى

.

اى ضحيه ...؟؟؟؟

ياخى افهم ....... هذا غير

هذا يعنى ورده حمرا ...

و( هوت شوكلت ) بالمرينا

وبنت حلوه ... بكل برائه

تفتح الاف الرسايل

كل سنه وانتى بخير

.

هذا غير

يعنى واحد ..... بيده ورده

ينتظر ... بشواقه .... وحده

من تجى تمسك يدينه

كل سنه وانته بخير

كل سنه وانتى بخير

.....

وقلت يالله ... ليش ماانطر مثلهم

ماهو عيد الحب ... يعنى

عيد ولكل البشر

وآنا مثل ماتدرى ... بشر ..!!!!

يعنى من حقى احتفل

وبالفعل .... رحت احتفل

.

كانت الساعه ثمان ....

صارت الساعه اثــنعــش ....

امتلا بحزنى المكان

وصارت الورده ...... نعش

.

ذبلت الورده بدينى

قمت احس الناس كلهم .... يلمحون الهم فينى

رحت امشى

امشى ..... امشى

اخفى عيونى ونظرها

تونى اتذكر ........ تصدق

انى مالى اى حبيبه

اى حبيبه ............ انتظرها ..َََ!!!!!!

.

.

.

شفت ياولعه .... طموحى

بعد مانا اكنت احلم

بيوم وياها اعيشه

صار مالى الا اكمل

باقى السهره بـــــــ شيشه

.

.

لاتاخذ فبالك كلامى

هاتلى وياك قهوه

ولا اقولك ........

دام هذا اليوم غير

ودى ان الليله اسهر

مثل سهرة اى كبيــــر
مثل سهرة اى وزيـــــــــر
مثل سهرة اى اميــــــــــــــر

.

.

.

شيل هذى القهوه عنى

.

هاتلى سبعه عصير