][:: سوالف × سوالف (1) ::][

[RoYaL.StyLe]

::

وان شاء الله هالموضوع بيكون له عدة أجزاء ,,

نبدأ بسوالف الدهمــان يعني الســرحااان

بمعنى آخر يوم يسوي شيء وهو نايم بدون ما يحس

نبدأ بأول سالفه وهي سالفة خيو الصغيرون ,,

يوم ادرس ادرس فـ الحوي واخوي الصغير عندي اللي في صف 5 واللي اصغر عني بسنتين 3 اعدادي

يكونون عندي

فانا تعبت من الدراسه << نص السنه ,, فقلت برتاح شوي وكان امتحان احياء

يت الساعه 12 ليلاً << تسير الامتحان مواصله وترد ترقد لين الساعه 7 او 8 المغرب

واخر شي يابت نسبة 94,6 ,, ماعلينا

نكمل فقلت حق اخوي الصغيرون اللي صف 5 يقومني الساعه 1

وقومني قلتله الساعه 2 وقومني قلتله الساعه 2 : 30 قال انزين

سار هو حليله رقد فوق فـ الحوي << طبعاً انا رقدت في حجرتي

بس قبل لا يرقد خبر اخوي اللي فـ 3 ع يقومني وقومني قلتله الساعه 3

وقومني قلتله الساعه 3 : 30 حرج بو الشباب قال عليج احياء يلا نشي مب متفيج لج انا

انزين ,, ونشيت ونزلنا الحةي انا وياه ,, وهذيج الايام كان برد فـ الامارات

سرت يبتلي لحاف وغطيت عمري ,, ويالسه يمب اخوي اللي فـي صف 5

فقام بو الشباب يقولولي ,,

<<< م يدل على اني انا

م ما تجوفين القمر اللي فوق هو وبنته النجمه

اقوله هيه اجوفهم ,, هو حليلهم قاعدين يتمشون يبون يسيرون المطعم



م : هيه صح ,, اباه ينثبر ويرد يرقد

هو : حليلهم خلصوا من المطعم وهم رادين البيت الحين

م : هيه صح ارقد فديتك ,,

هو : القمر لقا بنته الثانيه

م : هيه صح

اخوي يا صوبنا شو بلاه

م : يهذي

اخوي (( 3 ع )) : شو رايك يا سـ << اسم خيو ,, نسير القمر

س : اوكي

ع << اخوي اللي في 3 ع : باجر اوكي

س : اوكي وحط راسه وفجأة رفعه

ابا اسير الحين

حرجت انا ,, دحيته دحه فوق راسه ,,

ووديته حجرته يرقد

لوع بجبدي هو والقمر وبنته

__________________________________


السالفه الثانيه

هي سالفة اخوي اللي اكبر مني واسمه ع (2) بعد

اول امتحان كان عليه رياضيات 3 ث (( ع ))

فقال ان الامتحان لا باس فيه

ع حدود الساعه 3 الفجر رقد وقالي قوميني الساعه 5 :30 او 6 :00

هالمره انا واخوي ع (1) تمينا ندرس

طبعاً ع 1 ما عليه امتحانات الحين بدأت يوم الثلاثاء او الاربعاء ونحن يوم السبت

فهو سار يرقد وانا تميت يالسه عند اخوي الراقد

وصلت الساعه 5 : 30 قومته ما طاع ووصلت الحين الساعه 6 :00

قومته جان يقوم م : دخليلج لا تحطين الاس فوق فـ امتحااان الرياضيات

قلتله شو تقول ,, هو : اقولج لا تحطين الاس فوق في امتحان الرياضيات

انا : انزين انزين بس قوم

هو : هيه وفي شي ثاني بعد

انا : شو

هو : لا تشوتين الكره بقوه مره ثانيه

انا : ان شاء الله بس قوم

وبعد المحايل كلها ما طاااع يقوم

___________________________________


الحين سالفة بنت عمي ش صف ( 6)

سرنا عندهم وانا تميت عندهم ورقدت وفي هذاك اليوم بنت عمتي بعد يت

يلسنا انا وبنت عمتي و ام ش نسولف في حجرة ش

حليلها نشت جيه فجأة وسارت الحمام وقعدت تصارخ

وبعدين سارت تركض صوب البلكونه عمتي هذيج الساعه نشت وزختها وخلتها ترقد<< خوف الام وما يسوي

وبعد فتره نشت المينونه وقامت وتراكض صوب حجرة الكوي

وعمتي ركضت وراها وهي شغلت الكاويه وقعدت تكوي وعمتي هذيج الساعه حرجت عليها

سكت الكاويه وودتها السرير

وقعدنا نسولف عن هالمينونه

عمتي : ندمانه

انا : ليش

عمتي : جان خليت هالمينونه تكوي الملابس بدل الخدامه حليلها

خخخخخخخخخخخخ

___________________________________

سالفتي <<اخوي قالها حقي ما صدقت

كنت اشتغل ع الكمبيوتر وخلصت وظهرت منه وقفلت حجرة الكمبيوتر

وحطيت المفتاح تحت ملف اختي

وسرت رقدت

ع ( 2) : م وين المفتاح

م : مادري

ع ( 2) : وينه انتي اخر وحده اشتغلتي

م : مادري وبعدين شو تباه انته

ع ( 2) : ابا افتح الحجره واشتغل

م : انزين خلني اتذكر

وقعدت اتذكر وبو الشباب متنقع ورقدت انا

عصب هذيج الساعه م يلا قومي

وين المفتاح اقولج

م : تحت الثلجه في حجرة اختي << ابا اقول الملف ما ظهرت وياي

ع : احيد الثلج فـ الفريزر ,, وين المفتاح اقولج

م : اوهوووو انت ما تفهم اقولك تحت الثلجه

لا لا هب الثلجه تعرف الثلجه فوق

ع : اي ثلجه

م : انا ما قلت الثلجه قلت الثلاجه تحتها ولا فوقها واحد منها

ع : حمدلله والشكر وسار عني

_________________________________________


كنت قاعده أحلم في عمي اللي هو (( أحمــــد ))

يت بشكارتنا تقولي م يلا قومي << حق المدرسه

اقولها مابا

هي : بتسيرين بالباص ولا ويا ع << اخوي

انا : ويا احمد

هي : مين احمد يا مجرمه يلا قومي << وايد احبها

انا : احمد احمد ما في غيره

هي : انزين خلاص يلا قومي

انا : ما علي مدرسه اقلبي يوهج


<<عندنا رحله هذاك اليوم ولا ابا اسير الرحله

______________________________________


وان شاء في جزء آخر عن سوالف الدهمان

ترقبوا الجـــــــزء القــــــــــــــادم عن سوالــــــــف

الشيبــــــان

وان شاء الله يعيبكم الموضوع

::

[FRIEND]

محبه روجينا

تكفي كلمة موضوع رائع لتسدي الحاجه
وممتع ايضا

مشكووووووووووووووووووووووووووورة !

[MashaiL]

الـسـلامـ عـلـيـكـمـ ورحـمـة الـلّـه وبـركـاتــه

يسلمـوـوـو (محبة روجينا) على الموضوع الظريف ..


احلى شي سالفة القمر وبنته ..

دحيته دحه فوق راسه ,,

خخخخخخخخخخخخخخخخخ ..

وسالفة بنت عمج ..

عمتي : جان خليت هالمينونه تكوي الملابس بدل الخدامه حليلها

ههههههههههههههههههههههههههه

مشكووره على الموضوع الرائع ..
تــحــيــاتــي

[سويرة]

السلام عليكم ورحمة الله وبركااتة
مشكوررررررة على الموضوع محبة روجينا وانا عندي قصة
انشاء الله بقولها بعدين
سلام

[علوووووويه]

ثااااااااااااااااانكس على الموضوع والسوالف الروووووعه

[RoYaL.StyLe]

توقعت الموضوع بيعيبكم

بس ما علينا

ان شاء الله برد عسب ارد عليكم

[roro15]

شكررررررررررررا على السواليف التجنن ومررررررره حلوه فكرت الموضوع

[LYM]

المـوضوع حده روعـة & انا استانست على سوالفكم تونس هههه


ثـانكس روجينا لوفر ^__^

[ولد نجد]

الحقيقة الظاهر إن وأخوانك عائلة كوميدية أو مسلسل كوميدي لطيف وخفيف

[Hassansan]

كنت قاعده أحلم في عمي اللي هو (( أحمــــد ))
يت بشكارتنا تقولي م يلا قومي << حق المدرسه
اقولها مابا
هي : بتسيرين بالباص ولا ويا ع << اخوي
انا : ويا احمد
هي : مين احمد يا مجرمه يلا قومي << وايد احبها
انا : احمد احمد ما في غيره
هي : انزين خلاص يلا قومي
انا : ما علي مدرسه اقلبي يوهج
<<عندنا رحله هذاك اليوم ولا ابا اسير الرحله

ههههههه أتخيل موقفها أكيد انصدمت على أحمد
خخخ

موضوع والله حلو
وما شاء الله عليج عقلك كبير أشوف << مو مثلك مخك منقع في التصاميم ابتكر شيء جديد
لووووووول ما بقى إلا تسوين فيلم ومسلسلات بعد خخخخ << كل شيء جايز
أخيرا كل ما أقوله ثنكيووووو محبتوو على الموضوع الجميل وننتظر سوالفج الجاية
بس هالمرة نبغى شيء يحمس شوي <<< وين أحنا قاعدين في كرة ولا وشو
بتوفيق محبتووووو

[RoYaL.StyLe]

هااايو ^.^

زين يوم ان الموضوع عيبكم ^.^

وان شاء الله قريب برد عليكم وبنزل لكم الجزء اليديد

[ورد ذبلان]

ههههههههههههههااي
حليلج الا تنشرين الفضايح