الاربعه الكبار 2
مطارده في شوارع ميجا مكس
عند انتهاء الدون من قراءة الورقه ناظر عن يمينه وشماله ولم يجد البزر ولكنه لمحه يهرب على جهه اليمين فقفز الدون وبدأ يطارده الى ان مسكه وضربه على امل انه يعترف لكن الولد قال انه واحد اعطاه الورقه عشان يسلمها للدون ومواصفاته حسب كلام الولد بتنطبق على سوليداد
اللقاء
الورده البيضاء ماسكه في يدها فأر تجري عليه تجارب وتسمع صوت من الخلف يقول:السلام عليكم ..وردت هي : وعليكم السلام ..والله من زمان ولا احد شافك يا دون ..خير
الدون: كل خير ..اقرئي(ويناولها الورقه)
الورده البيضاء تواجه صعوبه في اخفاء ابتسامتها بسبب المكتوب في الورقه(لو تبي تعرف وش المكتوب ارجع للجزء الاول)
تقول الورده: مو معقول
الدون: الا معقول ..بعد سنه والان عادوا من جديد ..انتي ما وصلتك رساله مشابهه
الورده : ابدا
وهنا يدخل شخص ثالث الى المختبر ويقول: ههههه واوووووو ..انتوا هنا؟
كان هذا صوت الوسيم
الوسيم: كيفك دون؟
الدون: الحمدلله ..لازلت حيا ..كيفك انت ..هل دفعت الغرامه ولا لسه؟
الوسيم: دفعتها من زمان
الورده تناول الوسيم الورقه ويقرأها ويبدأ يضحك من المكتوب فيها يسأل الدون مين اللي ارسلها ويرد الدون :سوليداد
وفي هذه اللحظه يناظر الدون لساعته ويجدها الساعه 5 فيقرر الانصراف ويقول : يلا سلام
الوسيم: على وين ؟
الدون : عندي مشوار لازم اقضيه
سجن ابو زعبل ...قسم النساء
مضاربه(مشاجره) بين ورده الصحراء واحدى السجينات ..ورده الصحراء تضرب بدون اي رحمه (انا قلت في الجزء الاول لو شفتوها اهربوا ..بس ما حد سمع كلامي) بينما السجينه الثانيه ..يا عيني عليها ..اتبرشم وجهها من كثر الضرب
وبعد طول عناء تتدخل المشرفات في السجن ويفضون النزاع ويتم نقلها الى المديره (علما بأن المديره تعودت على مشاكل ورده الصحراء وبالنسبه لها صارت يوميات)
المديره تستعد لتوبيخ ورده الصحراء الا ان احدى المشرفات تدخل وتكلم المديره في اذنها ..وبعدين تقول المديره :غريبه ياورده ..عندك زياره
زياره لورده الصحراء
وتدخل ورده الى غرفه الزيارات وتجد شخص يتعذر عليها رؤيه ملامح وجهه ..وتقول ورده: مين انتا؟
ويرفع وجهه ويقول: بهاذي السرعه نسيتيني
ورده : ما اتوقعت انك تجي وتزورني يا دون ..وش تبي
دون: ابي سلامتك وابيك تساعديني
ورده تضحك وتقول: انا اساعدك ؟!!
دون: الاربعه الكبار يعيدون تنظيم صفوفهم ....من غيرك
تتفاجأ ورده الصحراء
دون: نعم لا تتفاجأي ..خذي واقرئي
وتقرأ ورده الصحراء الورقه وما تمنع نفسها من الضحك
دون: هل عندك فكره فين يكونوا موجودين؟
ورده: انت تضيع وقتك معي ..انا ما اعرف شي ...وفي هذه الحاله اتمنى لك حظ سعيد في العثور عليهم
دون: انا ممكن اساعد في تخفيف حكم سجنك
ورده: فيك الخير ...بس انا ماني محتاجه شي منك
دون : اوكي ..الظاهر اننا ما حنوصل لنتيجه ..سلام ..بس عموما هذا كرتي وفيه كل ارقامي في حال غيرتي رأيك
ويغادر الدون الدون السجن بينما ورده الصحراء تمسك بالكرت
اليوم الثاني
الدون خارج من شقته وينتظر الاسانسير(المصعد) ويقف بجانبه جاره العميد
العميد: شفت مباراه الاتي يوم امس
الدون : لا ..ما تابع مباريات كثير
العميد: اها..ما تتابع التيليفيزيون؟
الدون: الا بس مو كثير
العميد : طبعا اكيد شفت اللي صار في 11 سبتمبر السنه الماضيه
الدون: لا ما شفته
يتفاجأ العميد ..مين في الدنيا ما شاف احداث 11 سبتمبر
ويدخل الاثنين المصعد وينزللوا الى الدور السفلي..وبعدين يخرج الدون من المبنى في يزم جميل ومشرق ولما وصل لسيارته وجد رساله فتحها وقرأ "الاربعه الكبار" امسك الدون بالرساله وركب سيرته وانطلق
حوار في السجن
ورده الصحراء تتجول في الساحه وتلمح احدى السجينات المعروفات بإسم محبه فادي
تقترب منها ورده ويبدأو بالكلام
محبه فادي: واو واو واو ..سمعت انه في شخص زارك امس هنا ..هل هو صديق؟
ورده الصحراء: هههه لا ..ما هو صديق ولا عدو بس اعطاني خبر عن عوده المنظمه
محبه فادي: وش حتعملي ...حتسترجعي منصبك؟
ورده الصحراء: اللي عملوه كان خيانه ..انا كل اللي شاغلني هو تدمير المنظمه .بس اولا لازم اهرب
محبه فادي : في خطه جاري العمل عليها للهروب..وحتتنفذ اليوم
ورده: اليوم!!
محبه فادي: ايوا اليوم ..اثناء وجبه العشاء ..نجتمع وراء المصلى ..اوكي ...بس ها ما نبي نلفت انتباه
ورده: اوكي
مصرقعه
اثنين غرباء يدخلو قسم شرطه قديم على طريق صحراوي ..ومن غير اي تفاهم يطلقون النار على الحارسين والضابط ويخلعوا نظاراتهم ويكشفوا عن نفسهم فاذا هم :سوليداد وليوناردوا
ويفتحوا زنزانه ويدخلوا للسجينه مصرقعه واللي صار لها سنه في زنزانتها من غير ماحد يدري عنها ويخرجوا ويركبوا السياره ويفجروا القسم
عضو المنظمه الجديد/
سوليداد : كفاره يا مصرقعه
مصرقعه : الله يخليك
سوليداد : اذا الان باجتماعنا اعلن رسميا بعوده الاربع الكبار
مصرقعه : اربعه !!! بس حنا ثلاث ...اها ..ورده الصحراء ..هي وينها وحشتني موت
سوليداد : لا مش ورده الصحراء: لدينا زعيم رابع احب اعرفك عليه يا ما قتل وعذب وسرق ونهب وهو الان تحت الرقابه المشدده من قبل الجنرال باد قاي
واحب اعرفكم ....اليكم العميد
ويدخل العميد الى غرفه الاجتماع بشيء من الابتسام متوسط الطول ويأخد مقعده في الجلسه
سول : الان لازم نتخلص من عثرات الماضي لنضمن نجاح المستقبل
العميد: وش تقصد يا كابتن
سول : هناك ثلاث اعضاء من مكتب ستارز اسمهم الدون كورليوني والورده البيضاء والوسيم
العميد : الدون كورليوني ...جاري ..اعرفه
سول وليو ومصرقعه : جارك!!!
العميد : اكيد جاري ..لا انكر اني نكلمت معه في مواضيع سطحيه وتاخد من شكله انه انسان منطوي مخلص لعمله ..بس ما دام انه عدوكم فانا شخصيا حاتخلص منه
سول: هو من ناحيه مخلص فهو مخلص ..عموما انت اهتم بالامر
العميد والدون كورليوني في اليوم التالي :
ينتظر الاثنان وصول المصعد كالعاده
العميد : كيف حالك يا ....دون
الدون : الحمدلله ..كالعاده
ويقف الدون معطيا ظهره للعميد اي ان الدون يقف والعميد وقف خلفه ...فيستغل العميد اللحظه ويسحب سكين من جيبه وينوي يطعن الدون وهو غافل لكن فجأه توصل جارنهم الجديده ايومي المتحرية وهي متحرية في امور الجرائم والخطف وكل حاجه
ويبدوا ان لها مستقبل واعد في التحري ..هنا يلاحظها العميد ويرجع سكينه لجيبه ويستقبلها بحفاوه واقبال بينما الدون مطنش يفكر هل حيجد رساله اليوم ولا لا
ويدخل الثلاث الى المصعد ويجور الحديث
العميد : ايوا ياهلا بيكي بيننا
الدون ساكت وكأنه ماهو سامع وهذا ما ازعج ايومي
ايومي: ممكن اتعرف عليك ..الاسم الكريم؟
العميد : ايوا انا اسمي العميد
ايومي : اعرف ..بس انا اسأل الاستاد اللي واقف معنا
الدون : انا ..الدون ...دون كورليوني ..رئيس مكتب ستارز
العميد يقول في نفسه : بالطقاق عليكم يا شيخ
ايومي: دون كورليوني ..انت الدون كورليوني اللي قضى على الاربعه الكبار
الدون : يقولوا كدا
ويخرجوا من المصعد
وتقول ايومي : سررت بالتعرف عليك يا دون
الدون : الشرف لي
العميد : كان قريب مني اليوم وكنت على وشك طعنه لولا تدخل غير مقصود من جارتنا
سول : عادي ..اكيد من غير قصد ...المهم الان عندنا مهمه قادمه وانا وليو سننفذها
العميد : افا وانا
سول : انت ارتاح ..لازلت جديد عندنا
مصرقعه : متى حتنفذوها
سول : الاربعاء
نفس اليوم ..السجن
ورده الصحراء: على نفس الميعاد ..كيف حنهرب الان
محبه فادي: عن طريق الصرف الصحي
ورده: الصرف الصحي!!! يعوووو
محبه فادي: استحملي عاد ...وقبل لا نروح خذي هالورقه وستجدي فيها اسم لتاجره سلاح مشهوره وهي صديقتي وحتساعدك بكل سرور
ورده وهي تقرأ في الورقه : لؤلؤه مضيئه!!
محبه فادي: ايوا هي اسمها كدا
ورده : اوكي يلا بينا
وتخرج السجينتان عن طريق مسالك الصرف الصحي ويخرجوا من السجن ويهربوا لكن حارس السجن يشوفهم ويشغل الكشافات ويدق على جرس الانذار ويطلق الكلاب البوليسيه وراهم ...وتجري ورده الصحراء بكل ما عندها من قوه وتجري محبه فادي لكنها تتعثر وتسقط على الارض وتحاول ورده مساعدتها لكن محبه فادي تقول لها اكملي الطريق ولا تنتظريني وتهرب ورده الصحراء الى بر الامان
اليوم الثالث:
محبه فادي : انا عملت كل اللي طلبته مني واخرجتها من السجن واعطيتها العنوان اللي اعطيتني واللي بإسم لؤلؤه مضيئه...وش بقي تاني
دون: انتي عملتي اللي عليكي...شكرا..انا حاكلم المسؤلين عن قضيتك ..اي خدمه ثانيه
محبه فادي: ايوا ..يا ليت لو تطلب من اداره السجن تجيب لي فيديو وتلفزيون بالاضافه الى كل اجزاء مسلسلي المفضل "سلام دانك"
دون: اوكي ...في طلب تاني
محبه فادي : لا شكرا الدون: العفو
ستارز تيم:
الوسيم يدخل من الباب مسرع وينقل الخبر للدون والورده : ورده الصحراء حره في شوارع ميجا مكس
الورده: مو معقول
الدون : اعرف ..انا اللي اشرفت على هروبها
الورده : ليه؟
الدون: هي املنا الوحيد وقد طلبت منها تساعدنا ورفضت ..فاخترت اني اوهمها بأنها تهرب
الوسيم: وكيف حتفضل على اثرها
الدون: هي الان هربت ومعها عنوان تاجره سلاح اسمها لؤلؤوه مضيئه ..واللي حتعطيها السلاح والدخائر الكافيه للحاق بالمنظمه
وانا واثق تماما ان ورده الصحراء تسعى الى هدم المنظمه والانتقام ..فقررت اجعلها طرف في اللعبه وفي اللحظه اللي حتوصل فيها لهم حنقبض عليهم كلهم
اضافة رد مع اقتباس
لولو
المفضلات