تسلم أخوي على الموضوع الحساس واللي بدأنا نشوفه بكثره هالأيام
والله باعتقادي كلامك صحيح المشكلة هي عدم مخالطة الرجال
يعني نقص هو حاس بنقص ويبغى يكمله فما لقى أحد يوقف معاه إلا البنات فصار مثلهم عشان يقدر يخالطهم ويشاركهم في تفكيرهم
بس مو دايم كذا يعني هذا سبب
أنا أذكر واحد في أيام المتوسطة والله كان راعي مشاكل يعني شخصيته كانت قوية وكان عنده أصدقاء كثار وهو من عائلة كبيرة عندنا في السعودية
على العموم لما صار بالثانوية ما ادري كيف صاحب واحد من هذا الجنس ومع الوقت صار مثله هو فوقي بسنة يعني أنا كنت وقتها بالمتوسطة وما شفته بس لما صرت في الثانوية وشفته والله تفاجأت !! كيف انقلبت شخصيته كذا!!!
يعني ١٨٠ درجة بشكل ما يصدق وبعدها ما صار عنده أصدقاء غير هذا الغريب
أنا ما ابغى أطلع عن الموضوع بس فيه مشكلة أكبر ومنتشره أكثر بكثير وهي العكس تقليد الأنثى للذكر
وبالعادة السبب يكون إنها مو واثقة بشكلها يعني مثلاً السمنة سبب تشوف نفسها بشعة فتطيح ثقتها بنفسها وتحسب إنه محد راح يحبها لأنه الأنثى بطبيعهتها تبغى الحنان فعشان تغطي على نفسها تقوم تقلد الرجال من قصة الشعر و التصرفات حتى تصل لدرجة إنها ما تقبل أحد يناديها إلا بصيغة الذكر
أنا ما ادري كيف تخلت عن أنوثتها لهذي الدرجة
والله لو ترجع لأنوثتها راح تحس بطعم أحلى وثاني وراح يتمناها مليون رجال ياخي بنات كثار تشوف نفسها بشعة بس في عيون زوجها ملكة جمال
والله مشكلة أنا خوفي مع الوقت يصير الرجل مرأة و المرأة رجل
لا إن شاء الله اللهم أصلح لنا شبابنا
المفضلات