مشاهدة النتائج 1 الى 7 من 7
  1. #1

    دردشـــــــــــــــــــــــــــــاتـ

    ظلم+ظلم=2ظلم


    حسيتي مرة انك ظلمتي نفسك؟
    اتخاذ القرار غير الصائب او الرجوع الى الآخرين ليتخذوا القرار بدلا عنا ...هذا ظلم للنفس
    اممم في بنات كثير لما يدرسون مجال معين مايدرسونه علشان نفسهم لا....يدرسونه لأنه سهل ومابياخذ منهم ذاك المجهود او رغبة اهلهم في هالمجال في كلتا الحالتين البنت تظلم نفسها يعني اللي درست علشان انه سهل وتتخرج من الجامعه ولاتسمع اهلها يقولون لها يالله متى بتتخرجين او حاولي ترفعي معدلك ومافكرت انها اذا دخلت هالمجال اللي ماوراه وظيفة ولامستقبل انها بعد أربع سنوات بتكون جالسة في البيت ايديها على خدها والبنت اللي دخلت عشان اهلها هذي عاد يمكن
    يكونوا اهلها غصبوها على هالشيء فأهلها هم اللي ظلموها معاهم.

    زواج ×زواج =زواج تربيع

    ليش البنت صار أهم شيء عندها تتزوج ؟
    وأنها اذا ماتزوجت فأن حياتها ناقصة!!
    مين قال الزواج هو كل شيء في الحياة ..ومين قال ان السعادة في الزواج ..
    طيب خلينا نفكر في المستقبل شوي ...
    مثلا نقول ندى دايما وهي تدرس حاطه في بالها انه متى يجي المملوح اللي يفكني وخلي عمري اله ؟؟ويجي المملوح ويقول لها لو سمحتي ياعمري اتركين الدراسة ابيك الي بس ..وهي تخق معه ..وتقول له ابشر اصلا انا من زمان ودي اتركها
    بعد سنتين يصير ظرف ما خلاف ..طلاق ..وفاة الزوج ..ماجبتي عيال أي شيء
    المهم رجعتي بيت أهلك ..وش بتسوين ؟؟لازوج ولاشهادة ولاوظيفة...بتستني المملوح الثاني يشلك من الفراغ اللي انتي فيه ؟؟
    بتقولون تكمل دراستها والله الي اعرفه انه الجامعات صارت ماتقبل الا اللي توه متخرج خاصة الجامعات اللي وراها مستقبل .

    ماما والندوات
    ماما صارت غريبة هاليومين ..يعني ذاك اليوم اقولها ماما احس بنوع من الاكتئاب تقول لي لايابنتي مافيك الا العافيه بس هذا عقلك اللاواعي يقول لك وتصدقيه ..قولي انا سعيدة وتصيرين سعيده
    صرت اخاف بكره اجي من الجامعة اقول لها ماما جوعانه تقولي لاجوعانة ولاشي هذا عقلك اللاواعي يقولك كذا ..روحي نامي بس
    تعرفون شيء في البرمجه العصبيه؟؟
    تؤمنون فيه ولاتحسونه ماش؟
    عندكم شيء من هالعلم ينفع القراء ؟

    الاتيكيت
    كلنا نعرفة صح؟

    في يوم من الايام كنت مره جوعانة وجالسة من النوم فرحت المطبخ والله وفقني اني لقيت صحن معكرونة من العشا ..اخذته وسخنته ورحت جنب اللاب توب قلت اقرأ واكل عشان اصحصح ..توني افتح موضوع اللي فية كلام يلوع الكبد من جد ..وصور أعظم..ماكملت اكلي
    عندي اخوي يحب مواضيع عالم الحيوان ودايما يشوف مواضيع على تي في تخصها فذاك اليوم قلت له ماعلية بس غير القناة على ماأكمل أكلي
    قال:ليش؟
    قلت:ماأدري بس احس اتقزز
    قال:والله ماشوف شيء يقزز واذا مو عاجبك روحي اكلي في مكان ثاني
    فكرتي يوم تسألي اللي بيخطبك اذا كان يحب عالم الحيوان اولا ؟؟

    بابا والتكرار
    وه بس
    بابا عنده عادة سيئه يعني من يوم عرفته للحين وهو يكرر في هالقصص وكل مرة يقولهم يقوله كأنه اول مره نسمعهم
    وماما ياحليلها تحس وجها وهي تسمع السالفة تقول مستمتعه وش هالقصة اللي ماحد قالها قبلك تندمج معه ..
    في قصة دايما بابا يقولها وكل ماصار شيء سردها يعني يقول خذوا العظه وامنوا بالقضاء فهو خير لكم
    هالقصة قديمة تقول ان واحد كان ماعندة وظيفة وكل يوم يسحب نفسة من مكان للثاني لعل وعسى يتوظف ..في يوم من الأيام سمع ان في شركة اسمها ارامكو جديدة توظف الناس وتعطيهم رواتب حلوة ..الرجال حمل نفسة وتوكل على الله وراح لهم يقدم على وظيفة فراش استقبلة واحد وقال له ابشر انت بس احط ايميلك عندنا ونرد عليك.قال له والله ياولدي ماعندي ايميل ولاشيء ..فالموظف قال اجل آسف هذي قوانين الشركة .
    طلع الرجال وهو يدعي ربه انه يفتح له باب الخير ..والرجال طالع بسيارته وهو يمشي شاف ناس تبيع طماطم فسألهم عن سعرة استغرب الرجال رخيص مررة وحنا في ديرتنا أغلى بكثير فعجبته السالفة وصار كل يوم ماسك يشتري طماطم من هذيك الديرة ويبيعها في ديرته لين صار الرجال غني وفتح شركة وبعدين شركات وصار مليونير ..في يوم جت شركة أوربية تبي تساهم معه مدري ايش المهم بتوسع شركته اكثر هو الرجال انبسط
    قالوا له خلاص اعطينا ايميلك ونتفاهم على كل شيء
    قال لهم والله ماعندي ايميل ...فالأوربي استغرب واندهش الحين كل هالعز وماعندك ايميل اجل كيف لو عندك ايميل وش صرت ؟؟؟!!!!!!
    فالرجال قال لو عندي ايميل كان انا الحين فراش في ارامكو
    لاتقولون قديمه
    خليكم حبابين مثل الماما

    بابا والمجتمع الإسلامي (احسة موضوع في كتاب السلم)

    المهم ماعلينا
    في يوم من الأيام كنت انا وأختي العزيزة نسمع مقطع يوتيوب في اللاب توب ونضحك ونسوي للايميل forward ...وبابا يتفرج على التي في ...اللي فجأه سمعنا بابا يقول والله يابنات ماتوقعت اني ربيتكم على كذا ..احنا تغير وجهنا خيرررر
    وحسيت اختي بدت تتلعثم وشوي تقول كل شي مخبينه عل بابا وانا خفت خفت وقلبي يدق بسرعة ..
    اللي بابا يقول يعني الحين وانتوا تسوون فورورد الا هالرسايل ماخفتوا من ربكم .فهمت ان بابا سمع المقطع وحنا كنا نسمع مقطع لشيخ من مذهب اخر ..
    بابا:الحين تدرون انه هالمقاطع ماوراها الا الفتن ترى احنا نسبب الحروب الداخلية بينا وبين نفسنا وموب ناقصين مجازر..وبعدين انتوا ليش تضحكوا الحين الكلام اللي قاله موب خطأ
    استغربنااااااا
    بابا:ايه حتى احنا هذي المسأله فيها خلاف ارجعوا للكتب واثقفوا بعدين تعالوا ولا كل شيء سمعتوه صدقتوه ..
    المهم مع الكلام تذكرت مقالة قرأتها من زمن بعيد..كانت تحكي عن اختلاف الأديان وان كل دين يستهزأ بالدين الاخر فكان من ضمن المقال اقتباس من مقاله اجنبية تسخر على المسلمين وكيف هم كل سنه يتجمعون حول الكعبه طبعا الاجنبي قال حول مبنى صغير ويدورون حوله ويستهزأ على المسلمين كيف يرمون الحجر على شيء يسمونه ابليس ...الكلام كثير بس الواحد صعب ينطق فية بس بابا ذكرني فية وكيف اني عصبت وحتى المترجم حسيت ماله داعي يترجم هالكلام.
    الخلاصة :بابا يقول لكم موب كل شيء تسوون له فور ورد.
    اخر تعديل كان بواسطة » A65M W7DAH في يوم » 05-10-2009 عند الساعة » 04:27
    ab95f9d93adf50e5516b12f2a700d0ed


  2. ...

  3. #2
    يبدو الموضوع للجنس الناعم فقط ..

    لكني سأترك بصمتي هنا ..

    شكرا مع السلامة

  4. #3
    ظلم+ظلم=2ظلم
    يعني 1ظلم +1ظلم =2ظلم لكن
    ظلم +ظلم = ظلمينbiggrin

    يعني سبتي كل شي فى الظلم ووقفتى على الدراسة وبعدين مين دي الى بتدخل تخصص مشان احد تانى او لانو بس سهل
    انا اول ما دخلت قسم دخلتو لانى كنت معصبة من نتيجتي فى توجيهي الى ما دخلتنى القسم الى ابيه (لاسباب شخصية )فالى اختار القسم لى صديق للعيلة استشارو بابا (والسبب انو مطلوب ومهم ) ولمن دخلتو ما حبيتو وبعدين غيرتو (كمان لاسباب شخصية) المهم ما اشعر انو احد ظلمنى ولا انى ظلمت احد لكن شو يعني بس بتعرفى كثير بتلاقى الاهل صادقين ومعاهم حقtongue



    زواج ×زواج =زواج تربيع
    صحيح
    لكن ليش هاد النظرة السيئة
    يعني انتى معى انو الوحدة تخلص تعليمها وتتوظف وبعدين تشوف وتفكر بهيك امر tongue
    يعني مثل ما يقول بابا الشهادة سلاح
    فليش يعني ما تكون وتأمن مستقبها وتظمن نفسها مع انو برأى اصلا انها ما تتسرع فى الزواج وتفكر بكل شي
    لانو هاد حياة كاملة مو لعبة سنة سنتين حتى ما توصل المواصيل للانفصال اصلا(وحسبت ما اشوف انو بنات هالايام صغار وصغار كثير وانو لو كانت بنت جامعة وتفكر نفسها كبرت خلاص بتكون غلطانة لانها ما شافت من الدنيا غير بس دراستها ومشاكل الدراسةeek)بتعرفى اذا حسبناها بكلامك بتصير
    زواج ×زواج +انفصال تربيع هع هع


    ماما والندوات
    ههههههه والله حلوة دي ماما والندوات
    شوفي مرة رحت مع ماما على ندوة وكانت عبارة عن تعامل الامهات مع ابنائهم وحثهم على الدراسة الموهم ما اذكر بس اعتقد كدا الاسم الموهم تعالو شوفونى كل ما تحكى الدكتورة الى جايبينها افط وارفع ايدي بدون صوت(افكر نفسي بمحاضرة) وتقلى تفضلى (مع انها للامهات مو الى هع) وانا احكى شو لازم يسو واساعدها وكل ما تحكى الدكتورة نصيحة ماما تقلى اسمعتى افهمى مشان اتدرسي اخوانك (والله الى اعرفو بتقول للام مو للاخت هههههه بس مجبورة هههههههه) المهم بعد ما خلصو الدكتورة قالتى لو سمحتى تعالى (فكرتها بدها تقلى لا تيجي تانى مرة لانها معصبة ) وقالتلى انو اى سنة جامعة قلتلها لسة فصل اووووووووووووووول وفقالت لى اعتقد مستقبلك باهر ( المنحوسة لحتى الان وانا اعارك فى الجامعة مرة تضربني ومرة اضربها هع) بس احلى شي كان لمن روحنا ماما تقلى يلا سوي الى سمعتيه هههههههههه


    الاتيكيت
    قهرررررررررررر بس تعرفى انقهر من شي لمن اكون جالسة واخوية فاتح على المصارعة الحررررة بتصير معارك على الرمووووووووووت



    بابا والتكرار
    بابا ليس من طبعه التكرار

    لكن تستطيعين القول
    بابا والنظافة يموت فيها واكره شي يشوفنا جالسين ما ننظف mad

    بابا والمجتمع الإسلامي
    استطيع ان احول العبارة الى بابا والاحزاب الاسلامية
    هههههههه ممنوع منعا باتا انتساب احد الى حزب غير حزبه او حتى ذكر اسمه بس يستطيع احد المناقشة فقط دون التمسك بالراى (اذا فهمتى cool بكمل بس لانو ما فهمتى ما راح احكى غير مثل فريق الكورة عندكو wink)



    لكن نصيحة رائعة انا من النوع الى ما يسوي فور ورد لكن اسوي ديليت بسررررررررررررعة هع هع

    دردشة مريحة استمتعت بالقراءة
    لكن ملاحظة القصة الكررة عند باباكي قديمة ^^
    تقبلي دردشتي
    واعتذر لإطالتــــــــــــــــ الكبيرة ــــــــــــي

    sadmoon
    662f79d3a4548eb711530ffeee9afee3

    يســلموا صديقتي الغالية روح ورديه ♥

  5. #4
    مشكورييييييين ع الردو

    مافي طواله ابد
    حتى انا استمتعت بردكـbiggrin

  6. #5
    مشكوووورين للموضوع المتونســ واللي روعهـ كمانـ cool

  7. #6

  8. #7

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter