اخواني الشباب
.....انتشرت في الاونة الاخيرة ان الولاد يعاكسوا البنات ويقولوا الفاظ وحركات بذيئة كما انتشرت العلاقات المحرمة ومش عاملين حساب ربهم للاسف وبعدين الشاب اللي بيعمل كده ده تيجي تساله يقوللك: هي اللي اغرتني وانا ماليش دعوة ...... وانا مش بدافع عن البنت بس انا بلاحظ ان البنت ممكن تنقتل والولد لاينوله سوى التوبيخ البسيط واحب اقول ان الولد اللي عمل كده مش هينجو من عقاب الله الذي لاتاخذه سنة ولانوم وان عقابه عند ربنا زي ماهتتعاقب البنت
يعني الولد ده مثلا مش يقدر يمسك نفسه او يحترم نفسه على الاقل ؟....انا حبيت امسك الموضوع ده لان الموضوع ده لايلقى اللوم الا على البنت بس والولد له توبيخ بسيط وده طبعا تقليل من شان الولد معنى كده انه كائن غبي بيجري ورا شهواته والبنت حسب تصرفاتها تقدر تتحكم فيه وهو عامل زي الاهبل كده .......وبعدين ياشباب الموضوع مش بس علاقات محرمة لا حتى في اللبس يعني لبس الشباب دلوقتي بقى اخر مسخرة (وكلامي موجه للاولاد مش البنات دلوقتي) هتقولولي ازاي؟ احنا مش بنات وماعندنا ش عورة لالا مثلا البنطلونات اللي تحسوا انها هتقع والبوديهات المحزقة اوي وتحس ان اللي لابسها بيتباهى بعضلاته واللي يمسكلك سيجارة كوووووووووووووول دي مش رجولة ومناظر مقززة وزي مالراجل في النهاية مش بيتجوز الا البنت المحترمة برضه البنت مش هتتجوز الا الراجل المحترم ولعلمكم انا مش عامل نفسي شيخ لا انا برضه كنت كده وكنت كلب اوي من سنتين وكنت شاب خرع وهزؤ اوي وكنت بنتهز ان قوامي حلو والبس لبس معفن والحمد لله يعني انا وسيم (مش بفخر) وعشان كده كنت ملفت لكن بعد كده عرفت ان كووووووول ده عيب وحرام وان الرجولة في التصرفات والاخلاق العليا وربنا يهدينا جميعا الى سواء السبيل واسف على الاطالة وارجوكم ماتطلعوش عليا(ابو مواضيع طويلة) والله انا بكتب عشان مصلحتكم وارجو من المخطئين في الموضوع ده يتوبوا لربنا
والسلام عليكم ورحمة الله وبركاته





اضافة رد مع اقتباس
المفضلات