السلام عليكم وبعد,
في الحقيقة القسم ده عاجبني جدا بس انا لما شاركت فيه الردود جاتلي مش اد كده زي موضوع الجن طلبت فيه حاجات والاخ ياقوت قاللي : (اذن فابشر بالحق) حق ايه اللي ابشر بيه معلش وبعدين ياحماعة انتوا مرجعي يعني ارجو ان تكون اجابتكم محددة ومفيدة لان ثقتي فيكم عمياء ولا هو لازم انزل مخصوص واشتري كتب ؟! والمعلومات اساسا في النت
بصوا ياجماعة ارجو انكم ماتزعلوش مني انا ماقلتش حاجة تزعل وبصراحة انا عايزكم في موضوع مهم جدا وهو السحر
ابن خالي انا حاسس انه مسحور بيتصرف تصرفات غريبة وياما اخدناه عند شيوخ مرة واحد يقول ده محسود ومرة واحد يقول معمول له عمل واللي يقرا عليه القران على طول ولكن لافائدة وبعد كده في واحد صاحبي قالي : اكيد معمول له حجاب او الحاجات اللي زي دي ولازم الحل هو فكها واكيد الشيوخ اللي انتوا رحتوا عندهم مش اد كده بدليل مفيش حد قدر يفسر اللي هو فيه ....ولان صاحبي ده مش متدين اوي الا اني حسيت ان كلامه صح فياريت تفيدوني في الموضوع ده وتقولولي حجاب السحر بيتعمل ازاي اصل انا عايز اعرف ايه اللي ممكن يتحط فيه عشان يبقى مؤثر كده وازاي نفكه .....ارجوكم فيدوني عشان مفيش حد عايز يقوللي بالاضافة ان معلوماتي قليلة في هذا الموضوع
المفضلات