مشاهدة النتائج 1 الى 3 من 3
  1. #1

    بتركك ياحب وأخليك .. تسرح وتمرح بجراحك ~

    أنسي عيني طيفك بدمع يبكي العدوان .. وأجلس أنا ونوحي مثل الأخوان أحباب
    وأعزف الونات على فرقا الحبيب والهجران .. وألحِّن إحساسي بأعذب لحن خلاب
    وأسولف أنا والبحر عسى بس يرد لي جواب .. وأناظر للقمر وأسأله عن حبيبٍ ياترى مرتاح
    وأشوف طير يناظرني ويقول في خاطره وشــ هالحال .. وأنا في خاطري وشــ جاب هالطير بهالساع
    وأفكر لحظه .. وأقوله يا طيري .. لي طلب منك لا تردني وأنا بهالحال ..


    مالي غيرك من يوصل هالجواب.. ويطفي بداخلي بركان
    من حبيب وافي لحبيب خان العِشره ولا سأل بالحال .. وابتدي هالجواب والطير يستمع بنصات ..
    بكلمه حبيبي عسى تردك لي ظميان ... ترى في بُعدك كسرت قلبي وماعاد يقوى على فرقاك
    وأنا بَعدك مظهري بس إنسان حي بأنفاس .. وأنا عايش في جسد ميت وحيد من الخلان
    وأكفكف بدموعي كل جرح مدفون .. حتى الروح خانتني وهي أقرب موجود..
    تعال طيِّب خاطري بكل كلمه ترد الروح .. وتأكد لمسه منك ترجع كل مفقود
    وصدِّقني : كل من شافني قال انصبت أنا بجنان .. أو نظره صابتني من عين الحسَّاد..
    قلبتني وقلبت حالتي بسكات
    بعد ماكان حبي يبهر العذال... وكان تراها في زمن ماضي وراح
    وبعلمك حب من طرف واحد كأنه حب ماكان
    ومشكله هالحب كل يوم يزداد .. رغم طول البعاد.. ورغم انك إنسان خوّان ..
    ورغم حبك كان لعبه واستهوان
    وبعت كل مشاعري برخص التراب .. ورغم كل هذا باقي غلاك ما راح
    وأناجيك يمكن ترد لي أيام زمان .. أو تشوف لي حل أقوى على فرقاك



    وفجأة يهيج فيني طيري بكلام صحاني من نومي.. وافتتح كلامه بعتذار آسف .. رسالتك طويلة .. وما عجبني محتواها من كلام
    فيها جراح وأنت المجروح وخاضع لكل جرح يبكي فيها
    وين كبريائك يالإنسان تجي وتتفاخر بغرورك .. ونت بلحظه حب خانك انكسرت كل مجاديفك
    بس اسمع كلامي وليتك تحطه في بالك .. تراني ماشي وعسى الله يعدل أحوالك
    ولا تقول هذا كلام طير ما همني مرادك .. يمكن الطير أرأف عليك من بني آدم
    بسألك سؤال يحيّر الخاطر .. ليه الغلا موجود لإنسان باع إحساسك
    خذها نصيحه مني .. وسيّرها في درب خطاتك ..
    لا تبيع إحساسك لمن باعك وخانك .. وانتبه تراك انسان حساس وتستاهل من يقدر إحساسك
    ومنت أول من يخونه حب ولا آخر من حبيب يشكي جراحه
    وهذي الدنيا لازم تلقى من تعذب حاله .. ولا تذل نفسك لمن يستحق المذلة
    اصحى وشوف أحوالك وامسح كل ذرة حب ما تستاهل أفكارك


    وهجرني الطير وخلى هالفكر شارد .. بين هم سكن وسط احشاي .. وفرح تنبيه زلزل كياني
    حسافه ياحب ما ظنيتك قاسي .. ولا ظنيتك تذبح أيامي .. بعد ما ظنيت بعزتي تناشد ..
    تضحك وتستلذ بجراحي
    وتخلي هالبشر يقولون إني مبــ صاحي وأسولف مع طير بخيالي جاني
    بتركك يا حب وأخليك .. تسرح وتمرح بجراحك .. بس أحذرك واقولك بجي لك يوم وتعتذر
    وتعرف غلاوة جرح طعناتك .. وتخسر كل محبينك .. وتلقى الظلام يعيش أيامك ..

    تحياتي ...
    الله يرحمك


  2. ...

  3. #2

    أحرفٌ جميلة حملت أجمل المشاعر ..
    تجسدت بعزفاً راقياً ..
    تسلم الأنامل ..
    لروعة اختياركـ الجميل ..
    لا حرمنا الله عطاءكـ الرائع ..
    دمت ودام نوركـ مشرقاً في الاكوان ..
    تقبلي خالص الشكر والتقدير والاحترام ..

  4. #3
    إقتباس الرسالة الأصلية كتبت بواسطة بوح السحاب مشاهدة المشاركة

    أحرفٌ جميلة حملت أجمل المشاعر ..
    تجسدت بعزفاً راقياً ..
    تسلم الأنامل ..
    لروعة اختياركـ الجميل ..
    لا حرمنا الله عطاءكـ الرائع ..
    دمت ودام نوركـ مشرقاً في الاكوان ..
    تقبلي خالص الشكر والتقدير والاحترام ..
    الاجمل مروك

    قد انرتي صفحتي بتواجدك

    لك تحياتي

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter