لاصِرتْ تسكنْ بـ [ روح‘ـي ] , أروح أنا عنك وين . . ؟

[رفيقة القمر]

ههه مدري كم يوم غبت بسبب امتحانات الميد تيرم .. مستمره للأسبوع الياي .. و اللي بعده xp ،
ماد سوا اكتساح ع للخاص ! ،

[رفيقة القمر]

مسابقة البرمجة .. ~

[رفيقة القمر]

[رفيقة القمر]

اليوم أكشن ،
أنفجر علينا التاير و نحن بنص الطريج للجامعه <_< ،
فاتتني محاضرة الفيزيا ،
اليوم علي محاضرة فيزيا و بريك ساعتين و بعدها الانتحار مع لاب الكيمستري للعصر xD
المهم دقيت ع أمي .. بعدها علطول سكرت .. قلت بتموت من الزيغه خل أدق لأبويه ..
دقيت عليه قلت له أبويه شحالك قال بخير .. ها شو أخبار الجامعه !
قلت له الحمدلله بخير أموري ماشيه مم انفجر الـتاير قال شوووو
قلت له بخييييييييير والله بخير <_< ،
قال شو السالفة قلت له مثل ما سمعت أنفجر التاير و ما شي اللي هو السامان حق يغيروونه ،
و كملت .. محاضرة الفيزيا بدت و علي تسليم أسايمنت و اليوم يمكن تبدا أشيا ثانية @_@ !
قال لحظة زين بتصل بقول لتاكسي أييج الحين قلت له أوك .. جان بعد حد بيتيمّل يفزعنا /: ،
قال برايج .. شوي دق إلا يقول تاكسي بييج ..
و أمي تدق 5 ميسد كول أنا أتشاور أرد و لا لا xD ،
سادس مكالمة رديت قالت ها ليش داقه ؟ تتخبررين عن نوره ؟ زفت ياهم الامتحان !
ضحكت قلت لها الفيزيا هو الفيزيا .. الله كريم زين بخليج أمي .. باي ،
سكرت مرت دقايق إلا ترد تدق و ليييش ما خبرتينيييي أبوج دق و خبرني xD
قلت لها أمي أدلج بتحاتين ، المهم أنهزبت !!
أنتي وين ؟! إلا فجأة السيارة تهتز ألتفت ع ورا ريّال واقف @@
قلت لها " مخاوي شما " يا و فزعنا بيي التكسي عقب شويه و بطلع للجامعه ،
قالت عيال لبلاد يارهم الله .. عيل أنا مشغوله ,
قلت لها أوك باي ..
تنقعت بالسيارة أربعين دقيقة .. ،
فج الباب الدريول قال ريم أنزل يلا التاكسي يجي قلت جاء الفرج ،
الريّال كان واقف ورا بعدهم يعابلون السيارة .. يوم نزلت راح جدام .. و ركبت التاكسي وصلت الجامعه ..
بالضبط المحاضِرة طالعه أنا داخله قالت وينك ! <_<
قلت لها دكتورة آسفة بس صار لي موقف عرقل طريقي للجامعه
فتحت سجل الحضور قالت أنتي ما عندج و لا غياب .. حطتني حضور
قلت لها شكرا دكتوره بس أبا أعرف الـ Office Hours عسب أييج تشرحين لي اللي فاتني و الأسايمنت عندي " جمن " سؤال ..
قالت تعالي لي الأثنين الجاي بعد المحاضرة مباشرة للساعه 2 أنا فاضية ..
قلت لها خير إن شاء الله شكرا ع التفهم أبتسمت ^^ و طلعت مع ششلة الأنس الجامعية
نطوا علي حظنوني و حاله أميروه قعدت تبكي و أمون تنازعني و تضرب أميروه xDD ،
ما سلمت من لسان أمون قالت أنتي شو ريم ! من شو مصنوعه أنا بيلس أصيح و بخلي أبويه أيي يشلني و برد البيت
قلت لها إنتاج إماراتي أصلي xD ، بعدين أبويه فبوظبي دوام و أمي بعيده بعد @@
قالت سمعت إشاعة قلت لها إشاعه .. شو ؟!
قالت لاب الكميستري أتلغى @@
قلت لها نعمممممممم و حق شووو أنا يااااايه و ضاررربه خط للجامعه
و مشينا ليما وصلنا للابات دخلت عند رئيسة القسم قلت لها دكتورة خديجة موجوده ؟
قالت لأي لاب ؟ قلت لها جينيرال الكميستري قالت طول هلأسبوع ملغاي .. إلا بكره ..
قلت لها مشكورة
و أمون أول ما طلعت حبتيييييييييييييييين تقولي xD
و طلعت الفون دقيت للتاكسي عن يبعد و رجعت البيت بالسلامه !! xDD

ناو راسي بينفججججججررررر من الصداع -_- !

.
.

الله كريم ~

[رفيقة القمر]

اليوووووووووووم شووو الاثنييين
أحم يوم ميلادي ،
16 / 12 / 1994 3> ،

اليوم كان مميز بصرراحه ،
و اللي حلّاه هم ربعي
سواء من النت أو الجامعة أو ربعي القدامى .. 3> ،

أحلى شي .. صارت أسماء القروبات بـ HBD Reem ،

و وصلتني التهاني ع البي بي إم كل البنات مطرشين كل عام و أنتي بخير عقبال 100 سنة .. عيوزنا كبرتي و إلخ xDD
و هربت عند قروب اللاين .. أشوف بعد يباركون و حاله xD ،

وصلتني هدايا ،

هدية غادوتي مميزة مسجلة لي صوتها تغني و تعزف هابي بيرث داي أموت في عزفها بصراحه ،

و بعد كانت ( حفلة ) حربي مميزة .. صوّر فيديو منفّخ بلونه و منسمنها و حطها ع الانستغرام هههههههههههههههههههههه عليه أفكار xDD ،
قسم بالله ضحكت لحد بطني عورني xDD ربي يسعدك يا حربيّه.. ،

و نسومه بعد حطت لي صورة ع الانستا فديتهاااااااااااااا الله لا يحرمني وجودها أبد الآبدين .. ،

جد جد مميّز هاليوم ربي يسعدكم كلكم .. شيكا كيوتي حربي مادينشي مانغو روكيا سنو كينج كلكمم .. ،

[رفيقة القمر]

و نززززززززززل جدووووووووول امتحانااااااااااااااتي ،
من الأسبوع الياي ببدا فاينلات .. الأحد ريدينق سكيل و الأربعا كميستري لاب
آخر يوم هو 7 / 1 كالكولاس .. و إن شاء الله ختامها مسك 3> xDD ،
بأجز أسبوعين :فيس يرقص: ، و الأسبوع الثالث سحب و إضافة بتشاور أداوم أو لا .. ،

و الصورتين الباجيات .. شسمه .. وحده لفون اللي بيموت و الثاني للابي @@ ،
قمت أنقل للهارديسك .. عسب ما أتعلوز خلااااااااااف ~__~ ،

[رفيقة القمر]

<sub>Please still my heart cause it's freaking out, it's freaking out, right now
Shining like stars cause we're beautiful, we're beautiful, right now
You're all I see in all these places
You're all I see in all these faces
So let's pretend we're running out of time, of time

Baby, when they look up at the sky
We'll be shooting stars just passing by
You'll be coming home with me tonight
And we'll be burning up like neon lights</sub>

اليوم ..
طاح مطر ~

ألتفت علي .. ريم !
ها ؟
ريم أدعي ..
أدعي !؟
هيه .. أول ما يطيح المطر الدعاء مستجاب !
" دعيت في خاطري "
ريم أدعي !
مم دعيت ..
أدعي بصوت ..
الله يطول لي بعمرج !
لا .. أدعي بعد ..
الله يرزقج الجنة ؟
آمين .. بس
بس شو ؟
ما تبين شي بهالدنيا ؟
هيه أبا ..
خلاص أدعي ..

أبتسمت لها ..
و نزلت ألعب تحت المطر ..
رغم البرد .. و أرررجف ..
يظل المطر .. مطر
و يظل .. حبي للسما و .. المطر هو الأكبر

..

تدري بشيْ ..
لو .. لو أبويه وافق ع القرار اللي أتخذته ..
راح تكون تجربة يديدة .. فحياتي ،

فتحت الموضوع مع أمي ..
أيّدتني .. بقوّه صدمتني !
هههههه
حتى قلت لها ترا من صدقي أرمس .. مب خرابيط !
قالت و أنا بعد .. خلي أبوج عليّه أنا برمسه ..
قلت لها ما بحط أمل .. بس خيرك يا رب !

أرد أقولها .. خيرك يا رب ..
اللي فيه الخير جدّمه لي يا رب ..

.
.

أشياء وايد براسي ..
أولها الدراسة ..
جدولي مب راضي يضبط أربع مواد بس سجّلت ..
أبا الخامسة و السادسة .. بس الشّعب مغلقة ..
فيزكس ون و لاب فيزيكس ون
كالكولاس تو فور إنجنيرينق
إنجلش فور أكاديميك بروبوز ..
و أضيف :
بروقرامينق ون و ديسكرايت ماث ..
حسبي الله ع من كان السبب في تأخيرنا ! -_- ،

ممم ..
لايعه جبدي من .. تجارب الكميستري لاب =]
غير حفظ المعادلات لازم نحفظ الخطوات و كم قطرة نضيف و شو هو المحلول بالضبط .. عشان الوقت ما يضيع علينا /: ،
و بعد .. امتحان الكتابي .. أربعين دقيقة .. و بعدها ساعتين ع التجارب ..
قالت ما في شي أختتياري كلّه كتابي يا مسائل يا تعاريف أو علل و هالأشياء خخخ ..
هو بالعربي يالله تتصفصف الكلمات جنب بعض .. جايتنا بالإنجليزي أكتبوا ههه الشكوى لله ! x'D ،
التعريف و الـ شي اللي أبا أوصفه بمخي يكون .. بس فجأة يعلّق مخي عند كلمة إيش بالإنجليزي إيش بالإنجليزي ! هه كش عليهم

بعد ما رجعت من عند خالاتي .. اليوم ،
بديت أذاكر .. ع الـ 8 لحد 10 و نص خلصت 3 تجارب ..
بس كـ توتال .. 8 تجارب من أصل 11 =] ،
باجر إن الله قدّرني .. بذاكر الـ 3 الباقيّات ..

وو باجر أهلي بيردون ..
الله يوصلهم بالسلامه ..

ممممم بعد .. أشيا وايد ..

.
.

ممممم
ع الساعه 9 ..
رحت لأمي .. أكلمها عن حوسة الجدول ..
فجأة .. شهقت
وقف قلبي
قلت لها شو أسوي تسكرت الشعب !!!!! ( علبالي بحصل لي هزبة عشاني سجلت 4 مواد )
قالت لاا قلت لها شو بااسسسم اللللله !
ريم دوواجج خذتيييه !
قلت لها أذكر أني تذكرت لازم آخذه .. أما أني أخذته فعلا ما أدري !!!!
رفعت إيدها للسما .. الله يتمم لج عقلللج x'DDDD
و يابته لي و بلعتهم ! ،
أنتي عليج ذاكرة في أشياء .. و في أشياء ثانية ما شي صفرررر /: !
قلت لها و عاااااااااااايششششيييييييييييين

.
.

ع الطاري ..
يب نحن عايشين صح ؟
عايشين من المعايشة ..
من التأقلم ..
ع كل شي أستجد علينا في الفترة الأخيرة ..
بس .. نحن " أنا و أنت " ما عمرنا .. " حيينا " .. بيوم بعدها .

.
.

That's It .l

[رفيقة القمر]

شي يضحك والله ..
قاعدة أتصفّح مواضيع ناس غالين هني ..
أضحك أتذكر إيييه صار كذا !

أشوف التاريخ .. 2012 / 2013 .. واه .. بعيد !
أقدر أقول مرت سنتين .. ثلاث ؟ و .. باجر تمر عشر !

أشخاص خسرناهم , بالأحرى خسرونا .. و أنكسرت وايد أشيا بينّا ،
و الرجعة .. لو رجعنا .. ترا مب نفسنا بنكون .. أنا تغيّرت .. بجوانب للأحسن .. و جوانب يمكن أخس !
بس اللي متأكده منّه .. أحبطت .. صح ، بس رجعت نفسي لي ..
منت ملزوم بحد .. و لا حد ملزوم بك !
و ما في مثل هالإحساس .. يغطي على كل شي ..

أتذكر نفسي في الثانويّة ..
و الحين سنة ثانية هندسة ،
صقلتني الجامعة .. بكل من فيها !
بكل التجارب اللي مريت فيها .. بكل الإحباطات .. بكل الإنجازات ..
بكل الأشخاص اللي قابلتهم فيها ! .. بكل البنات اللي شفت ..
نوعيات أشكال ..
نفسيات ! مرحات ! دووافير !
أنا اشوف و أسكت .. أياما ما أقدر أمسك لساني ..
قمت أعلّق .. كيف ؟
مب ع ويوهن .. أنتقدت .. في البيبي في الجمعات بينّا نحن ..
وحدة تقولي ريم .. عااادي مووضة ! بنسوي و ننسى ..
قلتلها سوّي .. لكن ما طرحت هالمشكلة إلا لأني أبا مصلحتج أنتي !
أنا نصحت و واجبي سويته الباقي عليج أنتي و اللي تشوفينه صح !
تدرون شو اللي يفرّح ؟
اللي يفرح لما تلقاها باليوم الثاني .. مب لابسة عباة كأنها " ستارة " !
تقولي شوفي قلتلها هي أنتي جي حررمة !

جت كمان موضة .. العباة بدون أزرار ..
بس تمسكها بيدها الثانيةو الأولى كتبها
كأنها " روب حمّام " ! (:
أقول فنفسي .. يا شيييخه إيش له هالعذاب كلّه !
مجرد أشوفها .. أحس يدي تعورني .. << نفر كسول و ما فيه طاقة لشي ..

ع طاري الكسل ..
جتني عقدة أنا ..
لما أقرر أسوي رجيم .. و أبدأ رياضة .. وو أصير صاحبة القوام الرشيق ..
يصير فيني شي !
بالصيف قلت يالله .. " نيّة " بس نيّة ،
طحت مريضة ! .. مريضة .. لدرجة والله ما أجذب " أشوف الموت بعيوني "
تتخيلون أحساس الحمّى توصل 40 ؟ تمسككم أسبوع كامل ؟
ما تفجّك ! !
إن فجّتك كانت بسبب مخفضات الحرارة عبر الوريد ، خذتها مرتين صبح و مسا و مغذي صبح و مسا !
مصيبة مع المخفضات توصل 37.5 (: و لو وصلت .3 نعمممة !
قدر أقوم أتحرك .. بس أرجع أنام .. أرجع أهذي !
أسبوع كامل و العلاج ما نفع ؟ الحمى هي هي ، و الصوت أختفى .. كحّة .. ضيق موت .. أبا هوا ! والله أبا أعيش ! .. حيلي أنهد !
حتى جفني ما كنت أقدر أفتحه ..
أمي طول هالأسبوع يا ريم قومي .. تنومي بالمشفى ! سحبي ع الصيفي !
قلتلها صيفي مب ساحبه .. و تنوّيمه ما بتنوم .. ماحب المستشفى !!
وصلت الموضوع .. لدرجة " عناد " ،
لين ما جا أبويه و ركبني السيارة غصب عنّي .. و وداني مستشفى بعييييييييييييييييييييييييدددد
كنت أتعالج بعيادة خاصة قريبة ..
تتخيلون لما وصلت شقال الدكتور ؟
قال أنتي تتعالجين غلط ، محتاجة إبر في عبر الوريد .. لكن خلاص تهتّكت عروق يدج !
اللي في كان فيروسي .. و الدكتورة تعالجني عن شي بكتيري !
قلتله دوّر يا دكتور أنا خلاص تعبت ماعاد في الحيل حيل .. أنت سبب و الباقي ع الله !
قلت هالجملة .. أمي صاحت xD ، قالت بنتي ربيتج 19 سنة .. و بتروحين عني غمضة .. ؟
أوووييييللللي أميييي للاا ما بموت أنا .. خلاص تصابوا ع العلاج ! مب تقولين عرف السبب بطل العجب ؟ ،
الله يهديج ترا كلنا ميتين ! .. شو بتقولين عيل للي مصابين بالسرطان و أمراض مالها علاج ! جت ع هذي ترا أمرها هيّن .. و لهاعلاج ! ،
ما بموت أمّاه .. يالسه عندج .. ، شلها ابويه و خلوني مع الدكتور .. و اشرح الأعراض و متي حسيت و شو أسامي الأدوية ... الخ ،
والله 2 نيرسات وحدة ماسكه يدي اليمين و الثانية اليسار و يدوّرن ..
حصلوا عرج الحمدلله و حطوه في يدي ، و لأن صار ما في مكان غيره .. خلوا الإبرة فيدي ،
أي نعم .. أداوم بإبرة المغذي ،
سبحان الله .. العلاج من أول جرعة ياااخ ! حسسسيييت أني رجعت !!!
رجعن خدودي حمرا .. رجع اللون بوجهي .. xDDDDD ،
أستمريت معاهم .. مدة ، و الحمدلله ! رجعت بخير ! .
راحت الحمى ، راحت الحساسية ، راح التهاب الرئة ، راح التهاب الجهاز التنفسي ! .. و أخيرا رجعت أسمع طبيعي !
رجعت اسمع طبيعي ؟ ليه إيش فيني أنا ؟ .. بما أن التهب الجهاز التنفسي فعمل التهاب بأذني .. نقّص السمع 40% بوحدة و الثانية .. 35% ،
الحمدلله رجعت أسمع طبيعي ، طبعا الخاطب الكريم اللي يقرا كلامي الحين .. بيطلب خصم ع المهر لأني مش فُل أوبشن ،ههههههههههه ،
هذي الحادثة الأولى ،
أيوه صح ! ، أتذكر أني حلمت بلوفي و الطاقم كانت عاصفة و بنغرق ،
لما فزيت من النوم .. الله لا يوريكم الفراش بصوب و أنا بصوب و المخدة عند راس أختي مرميّه
كيف ؟ مدررري ! xD

ذكريات جميلة ع تعيسة !

أوكي نجي .. للحادثة الثانية ..
بديت رجيم .. و نقصت .. يمكن 7 كيلو ! واااه أنجااااااز ..
و فرحانه بنفسي ..
و كنت مدمنه شي أسمه ون بيس ، أتذكر فأسبوع بس خلصت حوالي ال100 حلقة ..
تعرفون أني قمت أقلل من ساعات نومي بس عشان لوووفي ؟
أي نعم ، لحس مخي !
دفعت الضريبة بإيش ؟ دفعتها بعيوني .. !
أنا ألبس نظارة كنت ، لكن مفيش فايدة .. لأنه وحده من عيوني 6 ع 6 ، الثانية ناقصة كثيييييييير ،
طبعا وصلت لسن .. ما في فايدة بالنظارة ،
المهم اللي 6ع 6 ما أشوف منها
يوووه ! اش اللي صار ؟
رحت لأمي ، و طبعا نازعتني كله من هالانمي !
أويلاه .. أمي حبي لا تجين صوب الأنمي ! هذا حياتي كلها الآن !
حجزت موعد و كذا
كل اللي ببالي بيصفون لي نظارة و بأطلع من الباب !
إلا أشوف أنهم جرّوني .. لفحوصات دم ، و أجهزة تصوير شبكية و مدري أيشششش !
جلسة وحدة خلصوا دمّي ، سحبوا منّي 9 عبوات صغيرة ! و لسان حالي يقول دممميييي أويلي يا دمي تعبت و أنا أنتج فييك ! < هاه !؟
أي نعم كسولة .. و هذا الدم تعبانه فيه ! يوه !! خلاياي تعبانه فيه !
طيّب ، حاولت بالدكتور .. ايش فيه ؟
قال ما بقولج لين ما تطلع الفحوصات ..
أنطبخنا أسبوع أعتقد .. ؟
ماذكر .. المفاجأة طلعت ..
أن اللي فيني " مرض مناعي ذاتي "
باختصار .. ماله علاج ، علاج قصير المدى ، بس أنه يجليه عنّي للأبد المؤؤبببد لا ما في !
تدرون أول شي جا ببالي .. ؟
تذكرت Last Prince ، لما كنت أقوله أنت ليه ما عندك مناعة .. أنت مناعتك صففففرررر !
أما أنا مناعتي قويّة جدا .. لدرجة تهاجم أي عضو فجسمي ! أختارت عيوني ،
دخلت بعلاج .. قوي جدا ، و كنت كارهه حياتي ..
بس تعال أنفخ بوجهي قسم بالله أبكي لك ! و أعمل مناحة مالها أول و لا تالي !
من أعراض الدوا أنه يخلي أنفعالاتي قويّة .. لو بفرح بفرح ع شي بسيط بس بدرجة مبالغ فيها !
و لو بنحبط .. بنحبط .. كأنّ حد غالي علي توفّى !
كنت أختصار لكلمة " نفسيّييييييييية "
محد يقرب صوبي .. نو لمسي ع قول .. مدري شسمه ذاك !
خلصت الجرعة كاملة من شهر و شوي الحمدلله ،
رجعت أشوف ..
طبيعي الحمدلله ،
مع ذلك .. مراجعاتي شهريّة .. لازم ، عشان لو رجع هالمرض نكتشفه بشكل مبكر .. مب متأخر ،
الدكتور يقولي
ريم عادي يرجع المرض بعد ساعة .. بعد نص ساعة ! ممكن يرجع لج بعد سنة .. سنتين عشر ! خمسييين سنة !
كل اللي عليج .. خذي موعد من الطوارئ و تعاليلي
ضحكت لما قال خمسين سنة ، قلتله ما أظن بعيش لين 50 سنة .. أو حتى أنت بتعيش !!!! ،
قال Who Knows ، قلتله God Knows !!
شكرته شكر كثير .. رغم أنه مش مسلم يعني .. لكن أدعي له الله يسخّر له كل اللي يباه و أحمد الله ..
لأن الدكتور سبب .. و علاجه سبب .. و لا الباقي كله ع الله !
ما تتصورون عيشة أنك تفتح عيونك الصبح .. ما تشوف ..
تحضر محاظراتك ما تشوف ..
تنتظر بس يبدا العلاج .. بمفعوله .. !

ليومكم هذا أفتح عيوني .. الصبح أنط ع الدريشة أرمي نظري لأببببببعععععد غافة ورا العراقيب ممكن أشوفها .. ! لأبعد سيارة ! لأبعد شي المفروض أشوفه لكن ما أقدر !
الحمدلله لك ياااارب ع نعمة الصصصحة ،
أنا مبلايه بصحتي .. ها اللي أقدر أقوله .. !
والله العظيم أني راضية يا رب ،
عسى كل اللي مريت به ، و اللي يمكن بمر فيه تكفير للذنوب ،

في النهاية بطّلت الرجيم xD ، و أمشي تقريبا يوميّا في الحوش .. و أقول أن الزين ما يكمممل .. أحم :$ ! ،

[رفيقة القمر]

لا أودّ بشيءٍ الآن ،
فقط قُل ..
أمازلت تتقصّى أخبارها ؟
أمازلت تُتابع خُطى فتاتك الصغّيرة ، التي ما فتِأت عنك ..
تبكي بين حناياك ،
كُلما خالط عالمها حُزن ؟
كُلما دُنّس مزاجها المُلوّن .. بسبب أو .. " بهكذا " فقط ؟

أخبرتها مرّة بأن لاتثق بشاعر !
عندما سألَتك لمَ ؟
أخبرتها بأن الشاعر يخُون !

و لم تُخبرها .. يومًا ، أنكَ كنت الشّاعر لعينيْها .. !
خُنتها .. مع قصيدتك .

رأيتها صحيح ؟
رأيتها و هي تُكمل ، كُل شيء بحياتها
جعلت له " نقطة " و أنهته ،
إلا أنت ،
فبعدكَ في نظرها .. " ما كان .. و ما سيكون " لا شيء .

و ما أوجع اللاشيء ، و ما أوجع أن يكون .. هو واقعها المرير ! .

حنين لك ، و حنين لأيّام كُنتَ أنتَ الرّغد فيها .
و حنين لبحّة الصوت ، تارةً تُنير الطريق ، و تارة تنثر الحيرة ،
حنين لروحكَ .. الطيّبة .. حنين لكَ أنتَ .. يا كُل شيء .

و إن كنت لا تعلم ،
فقد ضنانِي النّوى .

[رفيقة القمر]

^

باي ذا واي ،
رجعت لي الحالة هههههههههه ، الحمدلله ، ما في تحسن و لا استجابة للعلاج غير 0.01% وظل ثابت :قلب: ،
ياخي عايشه أهم شي أني أقعد عدال وحده ، و تنقلني النوتس :مغطية على عيونها: ،

الزبدة

هذا بوست مهم جدا جدا أحبببببببببببببببببببببببببببببببببببببببببببببه :قلوب:

http://idreamysoul.tumblr.com/post/112954060377

[رفيقة القمر]

بقي عام على تخرجي من الجامعة ، بلقلب " مُهندسة ! "
لست نادمة على جميع أخطائي ، هذا جل ما أود إخباركم به .