هاي ياحتت من قلبي ؟! عاملين ايه؟ بصوا ياجماعة انا اعتبرتكم اخواتي اوي وعشان كده عايز اصارحكم بمشكلة
كل الناس بتعيب عليا اني مهتم بالكرتون والانيمي وبيقولوا عليا اهبل ومابشرفش حد لاني كبير والمفروض ان تكون اهتماماتي غير كده ليه؟ مش فاهم مع ان الانيمي مش للصغار بس ده بالعكس في كرتونات كتير اترجمت لافلام عالمية يشاهدها الكبار وبعدين الانيمي انا بعتبره احسن من هيفاء وهبي والولية الهبلة اللي اسمها روبي و..........و...........و........الخ مين الاحسن بالذمة؟ وبعدين انا بهتم برضه بالحاجات التانية بس الاهتمامات المفضلة هى الانيمي سبحان الله اعمل ايه يعني؟ وبعدين الحمد لله يعني انا شكلي حلو شعري اصفر وناعم وعيوني زرقا(انا لا اتباهى) واشبه ليوناردو دي كابريو كتير اوي (بس كان نفسي ابقى شبه توم كروز حبيبي) وبرغم كده الا ان الاولاد اللي في عيلتي واصحابي بيعيبوا عليا ويقولولي : (انت مفكر ليوناردو حلو؟ ده منغولي) لما عقدوني في عيشتي وبعدين لو اتكلمنا في أي موضوع يقولوا : (محدش يكلم الوله ده خليه في موكا موكا هاهاها) مين قال اني بحب موكاموكاالمتخلف؟؟؟مين؟
وبعدين يقولوا اني بقلد الكرتون وحاولت اني اغير ال style بتاع شكلي كذا مرة لكن دون جدوى وبقوا يشبهوني بالتنين الاصفر اللي في فرسان الارض ويدلعوني(تنتوناي) دلع تنين يعني اعمل ايه انا بقى ؟ كل شوية يحرجوني كل شوية يحرجوني كل شوية يحرجوني لما غاية ما لقيتكم انتوا ارجو انكم تقولولي حل وماتقولوش عليا هايف الله يخليكوا ومعلش عشان طولت اصلها مشكلة منيلة
المفضلات