السلام عليكم ورحمة الله وبركاته
بينما كنتُ في جولةٍ .. في أعماق احساسي
اكتشفتُ انني كبرت !!
حقا @.@ .. ولكن المفاجأة الأكبر انني اكتشفتُ ان الذين من حولي
قد كبروا ايضا !
فاستطعتُ ان أفسر بعضا ً من آلامي
وكان التفسيرُ قصيدة !!
بين ايديكم يا اعضاء جديدي
قصيد بعنوان : ليتنا نصغر
اتمنى انها تنال على اعجابكم
أقول :
كبرنا يا زمان الهم وحـِـنـّا للأسف أطفال
كبرنا وْ ليتـِـنا نصغـر ولكن ّ الزمن يجري
تروح أيامنـــا الحلوه وْ يزيد الهم والغربال
تروح البسمه والضحكه وْ يزيد الغم في صدري
حسافه مرّت الأيـــام وكل ٍ لاهي ٍ في حال
نسينـــا أجمل اللحظات والأشواق من بدري
ألا ليت الزمان يـْعود مره وْ يستـريح البال
عشان يـْحس كل كـْبير بالذكرى وهي تطري
ترا صعبه نِشوف الوقت يمضي وْ قلبـِنا ما زال
يحاول دوم يتذكر زمَن قد مات وهــو يـدري
كبرنا واكتشفنــا الهم وهو حطـّم لنا الآمال
تحـَرينــا الكبـِر نعمه ولكنــّه ظهر شرّي
يليته ما مضى من سعـْـد لو هو ينشرى باموال
بـَيــَمـّع كل ما عندي وْ بقوللهم انـا أشري
نسينا يوم نتيمـّع على الألفـه وْ يـِطيب الفال
متى بيعـود ذاك الـيـوم لـنـّه ملـّني صبري
نسيـنا كيـف جمعتنا فيوم انها تـِهـِد جـْبال
ولا هم ٍ يفـَرقنـا ولا حتـى بكــى سطري
أنــا لا قلت وين انتوا ترا كان العـِـذِر أشغال
صحيـح انـّه عـِـذِر دايم ولكن ما جرى فطري
واذا إنتـــوا سألتـوني ترا باعيد هـالموّال
بـقوللكم أنــا مشغـول وجايز عذْركم عذري
حقيقـه ما لنا أعذار واضح هــالوَلـَه قـد زال
وانا مـدري إذا صادق لأنـّه تـاه بي فـكري
أنا مــا ظن بانّ الدمـْع لو هو بيدنا قد سال
ولا آحيـــد بان الشوق هو فقلوبنا جبري
ترا ما ينجبر شخص ٍ إذا في غيبتـَه قد طال
على العـوده إذا طوّل ترا في غيبتَه حـُـرّي
وانا مقدر على شوقي لأنـّه داخـِلي شلال
ولا أقدر ولا أقوى على تـأثيـره السحري
على فكره ترا مهمـا الدّمــِعْ فعيوننـا همـّال
تلاقي الورْد زاهي ما نـِقـَص من لونه الزهري
بعـَد ما يـْمر هذا العمـْر وحتى القلب يصير أطلال
بـَعـَد ما ينـْتهي وقتي بعـَد ما ينكـِسـِر ظهري
بـَعـَد ما تغـْمض عـْيوني بعد ما جثـّتي تنشال
بــعـَد ما رْحل بلا رجعه بعد ما ينـقضي دهري
بقـوللكم أنـــا هالحين لا وتـْأكدوا فـالحال
ترا حبي أنـــا العـذري نعم في داخـِلي يسري
بقلمي : خالد الشامسي







اضافة رد مع اقتباس







~




المفضلات