
اذا عندك هم فانا عندي من الهموم جبال
واذا ودك تواسيني لا تذكرني بالهموم


خل ارحل بنومي مع الاحلام مثل رحال
احلم واحلم وبحلمي اوصل حد النجوم


واذا يموت لي حلم اسهر لجل حلمي ليال
وما اشره على الدنيا مسيره ماعليها لوم


كل ليله اشعل بها شمعه وللكيف فنجال
لجل اواسي دمعتي وما انتهي من اليوم


اسلي نفسي بنفسي واضحك على جهال
واتفاءل بالفرح واقول عساه بدنيتي دوم


يسألوني ويسألوني والف فكره على البال
ياعالمي مهلكم الجواب بعيوني مفهوم


ماهو كل مافي القلب ينحكى و ينقال
والحب بزمنا لا والله ماهو اكبر الهموم


اذا تعيش بحضن الجد والعم والخال
كــنـك وحـــيد ومن المـحـبــه مــحـروم


اذا ما تساير الناس وتتبع ايش من قال
يرمونك بالتخلف وتصير من الحضاره معدوم


اذا ننادي بالاخوه وهي تبعد عنا اميال
اذا قدوتك يفطر جهـــار بشهر الــصـــــوم


اذا نودع وماهمنا من بكى خلفنا على الاطلال
نصد بضهرنا ونقول يازمان الوفا معدوم


وش باقي نحيا له ونعيش ونبني آمال
راح نرحل عن الدنيا وتارثنــا الهــمــوم


هذي ماهي كل الاجابه هذا مجرد مثال
وادري كل بني آدم عن الخطأ مو معصوم


لا تحسبوني شاعره وافرح بكثر الاقوال
لكني حالـمه وابي آصل حــدود ابن مكتوم


هذي كلمه بداخلي محبوسه ولازم تنقال
ضاقت بها الاوراق و القلب بحملها مضلوم


واعذروني ياهلي لونومي بيوم طال
لقيت بالنــوم تحقيق حلمي وماعــلي لوم
المفضلات