جتني رفيدزتي عميشه قبل اسبوع ومير اشوف عليه فستانن يهبل,,
واقول له :وش ذا الفستان الزين يا عميشهسلفينن اياو لعرس ابوي عقب شهرين
قامت فصخت فستانه واثره لابستن تحته فستانن اخر وهي تشر عليه تقول ذا؟؟
قلت له : لالالا ذا الي فصختيه ... وانا اقول بنفسي (وش بلاه عميشه انهبلت لابسه فستانين فوق بعض).
قامت هي وكرتهاااااااااا ضحكه وانا طاريرتن بوهتي ووقفت ساكته انتظر منها تبرير منطقي .
قامت هي بعد ساعه الا ربع من الضحك : هذي يالهدره مهيب فستان هاذي عبايه .
وقلت له :هااااو اثره عبايه
قالت لي : لا والله ابي البس العبايه على الموضه اجل تبيني مثلك عبايتك كانها خيمه يام الخلاقين اصلا من درا ان اسمك وحيشه مارجى من وراك شي ( مدري وش تحسب اسمه رنا الظاهر )
ومير تلقط بشته وتظهر من باب بيتنا وانا اللي اقوم اجره من شيلته واهوشه : تبين يشوفونتس الجيران طالعتن من بيتنا وانتي شكلتس تسذا !!
وواقوم اجيبله خيمه قصدي عبايه من عندنا والبسه واشوته برى
.................................................. ......
زيدة الماضوع يالمسلمين وش تقولون بهالعبايات اللي ظاهرتن مديلات ماتعرف له تفصال ( وش فيني قمت اخربط )
وانتم يا اوليا الامور سواء من اب ولا رجل (يعني زوج) هل ترضون بهالسوات ؟؟؟
ووش حلولكم واقتراحاتكم للحد من تفشي الظاهره
وسلملم
اضافة رد مع اقتباس
اشوى انك مو ولية امري 
المفضلات