بما ان هذا اول موضوع لي لااااازم يكون غييير , , , , ( ما بعــد العيــــد )

[FLASH MIX]

هلاااااااا قايززز


بالله وش رايكم بموضوعي <<<< وهم قروه يا متنح


المهم بما ان هذا اول موضوع لي بهالقسم لازم يكون غييييييير




العنوان : ( مــا بعــد عيــــد الظحيـــه )



رؤوس اقلام

__________

الظحيه : أي الخورف الي بنذبحه بالعيد ( وفي روايه معناها هو الظحيه )

الخواجه : اي واحد احمر اعطر يا انه يصير اوربي ولا امريكي اهم شي هو نفسه الخواجه << من علمك الشرح انت

تكارنه : الخوال الي في ساحات الحرم يطرون وأصولهم تعود إلى ( نيجيريا )



القصه :



بعد ما فصخت توب العيد وعلقته عشان ما يتعفط للعيد الي بيجي الله يلحقنا خير كنت اركض في محلي من زوود الفرح يعني خلاص ماعاد فيه تبويس وينعفط وجهك من كثر معايدة خلق الله

ومن العايدين والفايزين الله لا يرزقك يا ملعون الاباليس << حاقد على العيد بهالسبه


هالحين برقد وأرتاح << يا محلاها من نومه بعد عناء عيد الظحيه وملاحقة الخرفان الي ينحاشون ,,,


وأنا الي أعانق مخدتي الي كلها بقع صفراء وانا على بالي يومي صغير ما تصير كذا الا بسبب اني اشخ بفراشي

وأسمي بالله واغط في سبات وتو النوم يحلو وبدا المخ يصفى وبدت رجلينك تليت



الا ابوي ذا قاعد يزاعق فلاش فلااااااااااااااش قم ود الظحايا


قم قامت عليك عصبك يا الثور قم يا هالخرب <<< كل طموحي اعرف معنى هالكلمه

وانا وقتها ودي بساطوره اسلفحها في طاقيته

بالله قد شفتو ابو ما سكه معه يغسل الحوش من دمان الخرفان وهو لابس فنيله وسروال وطاقيه ؟؟؟

ابي اعرف وش سنع الطاقيه ؟؟؟

وبعدين

يشوفني نايم ويقولي ود الظحايا << مسوي اسد قدامكم وهو دجاجه


واقول لأبوي سم آمر تدلل اوديها بس مهوب هالحين الين قمت الله يسلمك وأغمض عيوني واكمل النومه



واحلم ان وحده حلووووه مووووت بس سمينه طابه في بطني وانا اظحك وهي بعد ومستانسين << لازال في الحلم
ثمن شوي بدا يطلع لها شنب ولحيه وبدت تصلع ولبست طاقيه صغير كنها حقت افغاني وصوتها ذاك الناعم تحول الى صوت خشن والظحكه الي ماليه وجهها طلعت تزاعق وتلاغيني ( يعني بالعربي الحلم الحلو طلع كابوس )


وتوني بقول لها وش قلبتس كذا يا طخمتي الا هي تزنطني وتجيب لي كيس اسود فيه بقايا جثه وتقول لي ترا بتصير زي كذا


وانا طاقتني ام الركب ثمن وقفت على السرير وقامت تتفل بوجهي وتتفل وتتفل الين حسيت اني بغرق بسعابيلها

وامسح السوائل الي بوجهي
وأقوم من السرير الينه ابوي هو الي طاب في بطني وجايب في غرفتي الضحايا يبني اوزعها واقوم وانا اقول في نفسي اعوذ بالله حتى الاحلام ملاحقني فيها واخذ الظحايا والقى ملزق عليها اسامي الي بوزع لهم من عمات وعمان .......إلخ


والمشكله ان كل واحد في جهه يعني بمتر الرياض تمتير وأحملها في صندوق الددسن
وأدز وامشي وامشي ما دريت الا ذا الهيلكوبتر الي تهبط قدامي واكع فرامل الين بغا ضفري يحك في الزفلت


وانزل واقول وش بلاك يا الخواجه ليه معرض قدامي ولا يعني تحزبني كائن منقرض << مسوي ذيب

يوم قال هالخواجه كلام ما ينفهم بس اشوى على طول طلعت الترجمه تحت وصار يقول

( انت مجرم خطير سوف تعاقب يحق لك التزام الصمت وكل ما تقول سوف يستخدم ضدك ويحق لك تعيين محامي )


وراد عليه واقول وش دعوه يا خواجه نسينا ما كلينا ما كنك تعبي بنزين كل يوم ما كنك تشغل مصانعك بديزل وهذا من وين جاي من الشارع ؟؟؟


لا حبيبي هذا من بترولنا العزيز احترم نفسك بس قبل لا اسد ثمك بكليه من هالضحايا


وينزلون اثنين كانو راكبين معه تكارنه بغيت القط راس واحد منهم واحطه سفتي في الددسن


ويتيتوني ويكلبشوني ويركبوني ويطيرون بي ويربطون عيوني بخرقه وانا اصيح
واقول لهم يا ناس طيب كان خذتو الضحايا ابوي لو درى بيمصع وجهي تراها من السبايل




وانا ملاحظ من قلت ضحايا الخواجه نزلت دمعته وقال ولك وجه تقول ضحايا هذولي ضحاياكم صح انتم قتلتوهم
وين الانسانيه كيف بس تقدر تاخذ الخروف الصغير من امه وتذبحه بالسكين نحرآ وتاكله انت جاهل من بقايا العصور القديمه كيف تذبح الحيوانات وتاكلها يا الهمجي




والتفت عليه واقول وشهو ؟؟ تراني ما اسمع ؟ الظاهر نشف تفال ابوي الي يوم يتفل علي الين قمت وسد اذني ؟؟

يا حبيبي انت مخك مخور اجل وشلون انت تاخذني من اهلي وين الانسانيه تلقى القطاوه يتعازمون على الضحايا في صندوق الددسن


قال يجب على كل مجرم العقاب وانت انتهكت حقوق الحيوان

وحقوق الحيوانات هي :


1 - ما تقتلها عشان تاكلها
2 - ما تشرب من حليبها
3 - ما تاكل اكلها يمكن تخلصه وهي تجوع
4 - تسمعها اغاني ريلاكس عشان تهدى اعصاب الحيوانات





قلت هذي خرفانك يا الحبيبي ؟؟؟ وبعدين وش حارق رزك يا حماااااار <<< خربها

تبيني اهمز القطاوه واذبح نفسي للخرفان عشان ياكلوني واذا جعت وابي اكل اخلي الكلابه تاكل عشاي واذا خلصت كلت بقايا الاكل


سكت الخواجه وهز راسه يعني كنه يقول ( ايــــــه)



واطمر على قمرة القياده << يعني محل الطيار الي يسوق الهيلكوبتر

واسحب الجلنط والف الطاره يمين


وتزحف بنا الطياره في الجو واطمر من الهيلكوبتر واطيح بالأرض واشوف الطياره تتفجر


وامشي وانا كني بطل فلم

وأركب الددسن وانحاش احس ان فيه مويه تنقط على راسي



فجآه صرت اسمع اصوات ملخطبه والدنيا صارت سودا

بعدين احس ان واحد يسحبني بيدي واغمض عيونها وافتحها الين زحممممممه وبزارين مجتمعين علي


وابوي يقول قم بسم الله عليك , مسوي اسد على الخرفان إلين نطحت الخروف الأقشر هاهااهاهاه << ظحكة ابوي مع البزران الي متجمعين



واكتشفت ان الأمر


ان واحد من الخرفان القشران نطحني ودخت عليهم وجا كل التخيلات من الحلم بعد ما دخت ( دخت = اغمى علي )





النتائج



1 - بعج بالبطن من اثر نطحت الخروف لا بارك الله فيه من خروف

2 - ضفر رجلي مكسور مدري من ملاحق الخرفان ولا يوم اني اضغط فرامل و الهلكوبتر معرضه قدامي وحك بالأرض

3 - وجود كسرة بلكه في ثمي الظاهر الخروف يوم نطحني كلت لي شوي من الجدار , , مما تسبب بسقوط جميع اسناني ومنها ضرس الذهب الشهير





[Glow] THE END [/Glow]


ان شاء الله هالقصه الأرتجاليه الصغيره اضافة البسمه لوجيهم

ودمتم سالمين والموضوع هذا اهديه للمعرس مكسات الجديد مون والكر




تحياتي

FLASH MIX

[D o F F y ~]

السلام عليكم ......

من جد ياني ضحكت ضحك ............

بس اتخيل شكلك وانت

واطمر على قمرة القياده << يعني محل الطيار الي يسوق الهيلكوبتر

واسحب الجلنط والف الطاره يمين

ولا فان ديزل ماسوى زيك .....

بس من جد الله يعينكم على ملاحقة الأضحية .......

اخوي راح يربطه من اساعة 9 الضحى وماجا غير 3 الظهر .......

هذا كله عشان يربطة بالزريبة .........خخخخخخخخخخخخخخخخخخخ

لا ولابس جينز وبلوزة ........والله يانه نكته .....

واخرتها ..........

سلامتك ....تعيش واتخذ غيرها ...

العيد الجاي ان ربي اعطانا العمر

يسلموووووووووووووووووووووووووووو

[V З И U S]

السلام عليكم ورحمة الله وبركاتة

.:._.:._.:._.:._.:._.:._.:._.:._.:._.:.

بالله وش رايكم بموضوعي <<<< وهم قروه يا متنح

أكيـــــــــــد حلوو لأنه من flash mix

العنوان : ( مــا بعــد عيــــد الظحيـــه )

آسفه
لكن حبيت أصحح
(مابعد عيد الضحيه)

ومن العايدين والفايزين الله لا يرزقك يا ملعون الاباليس << حاقد على العيد بهالسبه

ههههههههههه
وربي أنت فلللللله
يمكن أقولها اليوم <<< داخله على صبح الله في العيد
لكن اذا زعلت أمي أنت المسؤول

هالحين برقد وأرتاح << يا محلاها من نومه بعد عناء عيد الظحيه وملاحقة الخرفان الي ينحاشون ,,,

حرام عليك ...مافيه أحد ينام بهالوقت .... كل الوناسه بهالوقت

قم قامت عليك عصبك يا الثور قم يا هالخرب <<< كل طموحي اعرف معنى هالكلمه

ههههههههههه
عااادي
أنا أسمع كلام ولا أفهم منه شئ
خذ هذه مثلاً :
قم ..قامت عليك عصبك ... وتحنت ركبك
كل ما أسئل بنت أبوها ... تقول لي : هذا كلام كبار أنتِ ماتفهمينه <<< المصيبه أنها أصغر مني

واحلم ان وحده حلووووه مووووت بس سمينه طابه في بطني وانا اظحك وهي بعد ومستانسين << لازال في الحلم ثمن شوي بدا يطلع لها شنب ولحيه وبدت تصلع ولبست طاقيه صغير كنها حقت افغاني وصوتها ذاك الناعم تحول الى صوت خشن والظحكه الي ماليه وجهها طلعت تزاعق وتلاغيني ( يعني بالعربي الحلم الحلو طلع كابوس )

ههههههههههههههههههه

وتوني بقول لها وش قلبتس كذا يا طخمتي الا هي تزنطني وتجيب لي كيس اسود فيه بقايا جثه وتقول لي ترا بتصير زي كذا

أنا نفسي أعرف معنى كلمه * أزنط *
أسمعها دوووم ... لكن ما أعرف معناها
وكل ما أسئل .. يطنشوني

وانزل واقول وش بلاك يا الخواجه ليه معرض قدامي ولا يعني تحزبني كائن منقرض << مسوي ذيب

هههههههههههه
فلاش ...
تحزبني ..تكتب ..تحسب أنِ <<< الأخت مصحح إملائي

( انت مجرم خطير سوف تعاقب يحق لك التزام الصمت وكل ما تقول سوف يستخدم ضدك ويحق لك تعيين محامي )

هذا شكله يتكلم من جد
أنت ايش عامل يا فلاش
أعترف أحسن لك .... الإعتراف بالحق فضيله .... وبعدين عشان يخفف عليك الحكم

وراد عليه واقول وش دعوه يا خواجه نسينا ما كلينا ما كنك تعبي بنزين كل يوم ما كنك تشغل مصانعك بديزل وهذا من وين جاي من الشارع ؟؟؟

ايوه كده ...خليك واد جدعنه

والتفت عليه واقول وشهو ؟؟ تراني ما اسمع ؟ الظاهر نشف تفال ابوي الي يوم يتفل علي الين قمت وسد اذني ؟؟

هههههههههههههههههههههههههههههههههههههههههههههههههه هههههههههههههههههههههه

قال يجب على كل مجرم العقاب وانت انتهكت حقوق الحيوان

وحقوق الحيوانات هي :


1 - ما تقتلها عشان تاكلها
2 - ما تشرب من حليبها
3 - ما تاكل اكلها يمكن تخلصه وهي تجوع
4 - تسمعها اغاني ريلاكس عشان تهدى اعصاب الحيوانات

لا ياشيخ

وايش هي حقوق الإنسان عندهم بالله

ان واحد من الخرفان القشران نطحني ودخت عليهم وجا كل التخيلات من الحلم بعد ما دخت ( دخت = اغمى علي )

دحين كل هذا حلم << انصدمت الأخت


وحلوووووه النتائج


8
8
8
8
قريت ردي أكثر من مره ...أخاف يطلع فيه خطأ إملائي

.:._.:._.:._.:._.:._.:._.:._.:._.:._.:.

على العموم

مشكووور خيو فلاش على هالموضوع الحلوووو

وأول موضوع لك هنا جنااا اان

وآسفه جداً على الإطاله

مع خالص حبي

نجمة

[*Ba6ah Girl*]

اقـــــــــــــــــــــــــــــول flash mixمو حــــاس ان عنوان الموضوع فيـــــه ثقه زيـــاده عن اللزوم

بس الصــــــــــراحه تستاهل هالثقه لان الموضوع مـــــــــــــــــــــــــــــــــــــــــــره حــــــــــــــــــــلوه



ويـــسـلمـــــــــــــــــــــــــــــــــــــــــ ـــو على القصه

[MOONWALKER]

كنت اركض في محلي

حطيت ملح في عيني , ثم رجعت اقراها أبي افهمها ماقدرت رحت وحكيت ظهري بعفريته كابرس برضو مافهمتها رحت ونقعت راسي في طشت الهنود حق غسيل السيارات برضو ماجت معي مظبوط




يقطع ابليسك والله لو أنك هذاك اللي يقول بيب بيب , لو بطنك مكينه BMW ماسويت كذا


أما أنا صارت لي سالفه ,

اول شي مانمت الا متاخر البارح لابارك الله في هالمكسات اكاديمي , كل شوي واحد من الجماهير جايينك عند البوابه , واولهم الخبله D,R Evil , وهات ياطلبات , ,, الله يخليك نبي نقابل محبوبنا عااشق توباك , والثاني يبي فنليه bma والثالث يبي ياخذ علبه الببسي الفاضيه اللي شرب منها واحد من الشباب ,,,

احووووووووووووووول يالبلشه , والمشكله ان الاعضا اللي في الاكاديميه شفت اثنين منهم طالعين فوق السطح , وأطمر ابي اكفشهم , وابي اعرف منهم , قام واحد منهم وسوا حاله بيختنق / هوا أبي هوا ارجوكم , كح كح ققققحححخخخخخ <=== ماادري وشلون سواها أرجوكم خلوني اشم شويه هوا , ريحه بلاك ليجيند فايحه وععععععععععع , والثاني ماسكه من ورى (( لاتفهمون غلط )) ويقول / ياحرام خذ شويه هوا خذ نفس عميق , ارفع راسك فوق وخذ نفس ,,, أي أي أي أح , راسي , وش ذا ؟؟ أي يؤ

من اللي يرجم

<=== انا قاعد أرجمهم بحصى وقزاز وحجارة ريموت كنترول (( لاتسألوني من وين جت ))

ادخل انت وياه جاكم البلا , من جد مايصلح لكم لا اكاديمي ولا حتى ابتدائيه يلا ادخلوا


(((((((بليز لااحد من الاعضا اللي في الاكاديميه يزعل , ترى الدعوى مزح, ))


أقولك /

وش كنت أقول ؟؟؟؟


ايه ايه تذكرت نمت متاخر البارح ,


ومادريت الا



قم قام عصبك , قم عساك ماتقوم أبد

وأرفع راسي , واطالع ولاه أخوي الكبير ,

وامعطه بسؤال عشان يتعب فيه (( ماعنده مخ , امي تقول يوم كان صغير كان فيه شق في راسه من ورى ونشوف المخ يسرب من راسه لين خلص ))

قلت له \ طيب وشلون تقولي :قم , وبعدين تقول عساك ماتقوم ؟؟؟؟

انت ايهن تبي ؟؟؟

طبعا هو طالع على عماني , وانا طالع على خوالي , هو جثه ,اللمسافه اللي بين كتوفه مسيره شهر , وانا المسافه اللي بين كتوفي ماتوقف عليها ذبانه من صغر كتوفي , لا وبعد الذبانه اذا مااتمسكت مظبوط تزلق

طالع فيني , وقال / يعني لازم اسوي فيك مثل كل عيد ؟؟؟ لازم أخلي لك شنب اخضر ؟؟


الدب ناوي يسحبني على وجهي بحديقه البيت , فهمتوا ليش قال بيسويلي شنب اخضر

والله واقوم , وألبس , ملابسي ,


فجأه حسيت بكتمه , ماقدرت اتنفس , والدنيا ظلمت ,


من طفى النور ...؟؟ بدر يالدب , ولع النور يالتيس


والله ومادريت الا البقس على كليتي (( مايضرب على البطن , لا على الكليه يووووووه انواع الزنقه ))

سلطان يالطعس , انت لابس سروالك فوق وفنيلتك تحت ,



يؤ ؟؟؟؟؟ من جد اشوف الدنيا من ورى برررررررد


واخذ ربع ساعه وانا البس , واظبط عمري , واطمر لغرفه الخدامه واسرق من عندها سجنال 2 , واحط منه شوي على خدودي , <== العيد لازم يتكشخ قدام ابو المدام

ويووووووووووووووووم نزلت , والا اللي يستقبلني بكف

عضيت الجدار من قوه الكف

أثره ابوي , وينك يالسربوت , وشلون بكره بتحي العيد في بيتك , بكره لامنك تزوجت ماني موجود لك انا واخوك عشان نفزع لك , (( نفزع : مأخوذه من فزع الشئ اذا فزع افزاعا , بمعنى ان تقوم بالمساعده دون معرفه السبب , أتحداكي يانجمه تلقين غلطه علي ))

طبعا اخوي واقف ورى ابوي , وقاعد يضحك ضحكة الشر , تعرفونها ,,, ؟ دايما اشوفها بالافلام واتذكر اخوي


المهم , كل كشختي وماكياجي راحت في مؤخرة النعجه (( النعجه : حيوان بري أليف , يكره البشر , والبشر يحبونه , يرفسهم وياكلونه , وطبعا قبل مايموت الورعان يلعنون سنسفيله ,))

شيل النعجه يالتيس ........ حاااااااااااضر ان شاالله

نزل النعجه عند الطباخ يالتيس ,,,,,,,,,,, حااااااضر ان شاالله

تعال ود اللحمه لخالتك ام دحيم يالتيس ,,,,,, حاااااااضر ان شاالله

رح لمحل الاواني وجيب فناجيل ودله واباريق وصحون يالتيس ....... حاضر ان شاالله

طبعا اللي يامر ويخانق أبوي , والتيس = انا

, عاد انا استحمل كل شي الا تعليق أخوي , يوم نزلت النعجه عند الطباخ قال لي / انتبه لايمسك واحد ويخمك لسوق الغنم , يبيعك ,,,, اصلا حتى لو يبيعك ماراح تجيب له سعر ,


الا اذا باع النعجه , وانت هديه فوق البيعه




بس , خلاص , كفايه , خلك قوي , وشديد ,,, لازم تروح للسياره الحين وتطمر في حلقه ولاتفكه لين يودونك للدكتور الربيعه , يسوي فصل بين يدك ورقبته خلك قوي , خل عندك شخصيه , لاتكون تيس مثل ماقالوا عنك وأقرب للسياره , واطالع في اخوي بكل حقد واقعد اقول / عمممممممممم !!!! همف


طراااااااااااااااااااااخ يااااااااوه وش ذا ؟؟

مادريت الا ابوي لافني بكف على علباتي , ماركبت السياره للحين يالتيس

حاضر ان شاالله

بس يايبه تكفون بدون كفوف , والله ملامح وجهي اختفت من كثر الكفوف والطراقات , الحين ماادري هذي عيني او اذني ,؟؟؟ وااااااااااااااااااااااااااااااااااااااااااااااااا ااااااع <=== دقيت لهم فلم هندي انواع الدموع اربع اربع اثنين اثنين

كراااااااااااع <== كراع , ترى المره ذي رحمني ماضربني بيده صفقني بشي ثاني الى الان ماادري وشو



حبيب قلبي فلاش , ألف شكر على الاهدأ , والله انك منتب صاحي , وخل الاقلاع وزاحف,,, يندمون انهم خسروك , وحنا نفرح بالعيد معك , ونفرح بوجودك ,

(( وش ذا القطعه اللي مالها داعي , بتكمل قصتك او لا ؟؟؟؟؟ ))

قصتي باختصار ان الغدا كان عندنا وكان لازم استعد نفسيا وجسمانيا

لكن انا ملاحظ ان اللي يجون يسلمون على بعض وهم بينهم مشاكل , وقضايا بالمحاكم , ولما يشوفون بعض هات ياتعليق على بعض , وطبعا ترتفع حرارتهم , ومايلقون شي يطفي الحره الا القهوه ,

اما يدي اليوم راحت وطي من ذا الدله الحين لو اشوف دله قدامي خلاص على مستشفى شهار للمجانين على طول


لااااااااااااااااا دله

خالي جا الان وهذا اللي خلاني اقطع الرد بشكل غبي , سامحوني


وألف ألف ألف ألف مليون شكر على الاهدأ يافلوش , والله لايحرم منتدى المرح من مواضيعك ياقائد عرابجه مكسات ,

فلاش والله اني مااعرفك شخصيا , وودي اتشرف بالشي هذا ,
واني احلى الساعات اللي في المنتدى في الايام هذي الساعات اللي اقضيها معك اما هنا او بالمسانجر

دم سالما لمحبك والمفتون بشخصيتك (( مو شكلك يالسبيكه )) وان شاالله تشوف شي يسرك منا في قادم الايام

[عاشقه الدجتال]

مشكور اخوي على الموضوع ومن جد موتني ضحك

[MOONWALKER]

وينك يافلاش , يااخي وش تبي أكثر من كلمه شكرا

[Anastasia]

هههههههههههههههههههههههههههههههههههههههههههههههههه ههههه

مره مره تضحــــــــك ههههههههههههههههههههههههههههههههههههههه

حرام عليك كم مره قتلتني من الضحك ههههههههههههههههههههههههههه

انت و مون ووكر ثنائي كوميدي راااااااااائع ^-^

أخواني قتلوا الخرفان في مزرعتنا ... قرفونا بريحة الدم

بس أخوي ما توقعت إنه خكري ما يذبح بنفسه ههههههههااااي .. يقول ضميري يأنبني

أنا و البنات تهزينا فيه لين قلنا بس و صورناه بكاميرا الفيديو و نقول له (و الكاميرا تسجل ) : ها قتلت الخروف ؟؟

قال : ايـــه دغدغته لين مات << يا أبضاااااااااي

أنا : ايه أنت سفاح على البشر مو الحيوانات

و أخو نودي جا يذبح ... قال أخوي الخكري : ذا العربجي

أنا : ما شاء الله عليه شهــــــــم مو زيك

أحرجناه و فشلناه خخخخخخخخخخخخخ

و أخوي اللي أصغر منه ما شاء الله أمتلى بنطلونه دم << أبضااااااااي .. بس لحقني بيده اللي فيها دم ياااااع ... بس الحمد الله طلعت سليمه ما جاني دم

في هذاك اليوم ما كلت معهم لحم << مادري ليه .. يمكن عشاني شفت اللحم و هو ني

ثانــــــــــكس

بايووووووووووووووووووو

[FLASH MIX]

اهلا اهلا اهلااااااااااااااااا بهالأعضاء السنعين الحقيقه زادني شرف وجود نكاتكم الكريمه بموضوعي القليل المستوى



نبدآ فيكم


tattoogirl


هلاااااا والله فيك اختي ياتو وما تدرين قد ايش فرحت بردك

اخوي راح يربطه من اساعة 9 الضحى وماجا غير 3 الظهر .......

هذا كله عشان يربطة بالزريبة .........خخخخخخخخخخخخخخخخخخخ

هههههههههههههههههههههههههه

الله يستر احس الخورف هو الي ربط اخوك

لا ولابس جينز وبلوزة ........والله يانه نكته .....

بعااااد

بس بيني وبينك في هالوقت ما ينفع تقابل الخرفان بثوبك

يا انك تفصخ الثوب وتتمشى بفنيله وسروال ولا البس اقدم لبس عندك وانزل للخرفان

يسلموووووووووووووووووووووووووووو

الله مير يسلمك ويعافيه والله يعطيك العافيه على هيك رد بيوسع الصدر



- - - - -- - - -- - -- - - - - -



نجمة








إقتباس »
بالله وش رايكم بموضوعي <<<< وهم قروه يا متنح

أكيـــــــــــد حلوو لأنه من flash mix

آسفه
لكن حبيت أصحح
(مابعد عيد الضحيه)

الله لا يبارك بمدرس الأملاء

اجل واحد دارس اكثر من 13 سنه ما يعرف يفرق بين الـ ( ظ , ض )






إقتباس »
ومن العايدين والفايزين الله لا يرزقك يا ملعون الاباليس << حاقد على العيد بهالسبه

لكن اذا زعلت أمي أنت المسؤول

لا تقولين اذا زعلت امي


قولي اذا انجلدت الين يحت شعر راسي من امي انت المسؤول

حرام عليك ...مافيه أحد ينام بهالوقت .... كل الوناسه بهالوقت

حبيت اصحح لك فهمك واقول تذكري العنوان وشهو ( ما بعد عيد الضحيه ) يعني بعد ما ينتهي العيد مهوب في وقت كتابة الموضوع


الي كتبته بعد ما طلعت من الحلاق بوقت الفجر

أنا نفسي أعرف معنى كلمه * أزنط *
أسمعها دوووم ... لكن ما أعرف معناها
وكل ما أسئل .. يطنشوني

ازنط اختلف المعربون فيها << وعائد الضمير للي يعربون الكلام


منهم من قال ( الزنط , هو وضع كلتا اليدين في رقبة المزنوط والضغط الين تطلع عيونه )

ومنهم من قال ( زنط , هو وضع اليد المين واليد السيار في الحلق وضغط الرقبه الين تطلع عروق المزنوط بجبهته )

والقول الأخير هو ( الزنط تأتي من كلمة ( زن , وحرف الطاء جاي عشان يخدم فعل " الشرط " , , مثلآ واحد يبي يسرق شخص بريء يخنقه ويقول (( ترا بزنطك ولا عطني فلوسك ) فا يعرف المخنوق بهالوقت ان بيجيه فعل الـ (زن ) مختلط مع الشرط الي هو الفلوس وختصار الشرط هو حرف الطاء فتجتمع الكلمه وتكون ((( زنط )) وبس )


^
^
^
جعل من علمك الشرح يموت يا التكروني

تحزبني ..تكتب ..تحسب أنِ <<< الأخت مصحح إملائي

كل السبه جدتي طرفه

وبعدين كلمة ((( تحسب أن . . تكتب تحسب أني )) << يعني ما حطيتي ياء المتكلم << مصحح املائي على المصححه

هذا شكله يتكلم من جد
أنت ايش عامل يا فلاش
أعترف أحسن لك .... الإعتراف بالحق فضيله .... وبعدين عشان يخفف عليك الحكم

يا ناس كل الي سويته للخرفان اني موكلهم (( مرقوق )) حرام باقي المرقوق يكب بالزباله قلة الخرفان اولى به


ملاحظه : المرقوق هذي اكله كنها مرق ( يعني ايدام ) بس تجي خاثره نصها كوسه وجزر اذا اخذت لك لقمه السوائل الموجوده بهالأكله تطلع من يدك وتوصل كوعك , واغرب ما فيها ان اصابع يدك تعرعر )

قريت ردي أكثر من مره ...أخاف يطلع فيه خطأ إملائي

بس نسيتي ياء المتكلم <<< نشبه





اختي نجمه الله يعطيك العافيه على ردك الي يوسع الصدر فعلآ امتعني جدآ


ولك كل الشكر والتقدير





*Ba6ah Girl*

اقـــول flash mixمو حــاس ان عنوان الموضوع فيـــــه ثقه زيـــاده عن اللزوم

الا حاس بهالشي

بس الصــــــــــراحه تستاهل هالثقه لان الموضوع مـــــــره حـــــلوه

تشكراااااااااااااااااات على ردك ولو اني ما استاهل




بطه هانم اله يعطيك العافيه على ردك




MOONWALKER



هلاااااا بالمعرس

حطيت ملح في عيني , ثم رجعت اقراها أبي افهمها ماقدرت رحت وحكيت ظهري بعفريته كابرس برضو مافهمتها رحت ونقعت راسي في طشت الهنود حق غسيل السيارات برضو ماجت معي مظبوط

رح لأميمتك وخلها تمرخ راسك بزيت زيتون وتشوف الفقاقيع وين تطلع معه لأن راسك فيه تنسيم

وقلها اذا عرفت محل الخفس الي براسك تسده بتمره ولا عليك صعرور << يعني لبان

يقطع ابليسك والله لو أنك هذاك اللي يقول بيب بيب , لو بطنك مكينه BMW ماسويت كذا

انت ماقد جاك وقت حلووو لدرجه انك تطامر بمحله وتفصخ فنيلتك من غير وعيك
وتسوي اشياء ما اتدري عنها مثل انه تمص مصبع رجلك الدبي وانت بأبتسامه عريضه

شفت اثنين منهم طالعين فوق السطح , وأطمر ابي اكفشهم , وابي اعرف منهم , قام واحد منهم وسوا حاله بيختنق / هوا أبي هوا ارجوكم , كح كح ققققحححخخخخخ <=== ماادري وشلون سواها أرجوكم خلوني اشم شويه هوا , ريحه بلاك ليجيند فايحه وععععععععععع ,

الله يلوم الي يلومه انت شفت ابط بلاك ليجند ياخي يطلع دخااان من ابطه ما ادري وش ذا التفاعلات الي تصير

لدرجه انهم يسمونه في الحاره الفليت المتنقل لدرجة ان الشاشه الي قدامه تتلطم من ريحته

والثاني ماسكه من ورى (( لاتفهمون غلط )) ويقول / ياحرام خذ شويه هوا خذ نفس عميق , ارفع راسك فوق وخذ نفس ,,, أي أي أي أح , راسي , وش ذا ؟؟ أي يؤ

هههههههههههههههههههههههههههههه
ههههههههههههههههههههههههههههههههههههههههه


شكله من زماااان وهو ماسكه من وراه بدليل ان المختنق مسكين فجآه انكتم وهذا دليل انه مسكه بقوه

وامعطه بسؤال عشان يتعب فيه (( ماعنده مخ , امي تقول يوم كان صغير كان فيه شق في راسه من ورى ونشوف المخ يسرب من راسه لين خلص ))

ههههههههههههههههههههههه اما بتمعطه بسؤال

حسيت انك بتسأله عن النظريه النسبيه لتناطح الألكترونات وقت تمدد النواة الداخليه في وقت دخول مأثر خارجي << افقلني ان كانك فاهم وش اقول <<< احم احم تخصص كيمياء

فجأه حسيت بكتمه , ماقدرت اتنفس , والدنيا ظلمت ,


من طفى النور ...؟؟ بدر يالدب , ولع النور يالتيس


والله ومادريت الا البقس على كليتي (( مايضرب على البطن , لا على الكليه يووووووه انواع الزنقه ))

هذا الشعور يذكرني بشعور انك تلعب بأستراحه بعز البرد وفجأه تمنزع بأذنك بكوره جلد متفوخه بفليت ولا تسمع الا صوت صفييييييييييييييييييير

ويووووووووووووووووم نزلت , والا اللي يستقبلني بكف

عضيت الجدار من قوه الكف

انت حياتك كفوف بكفوف ياخي ما ادري ليه احس ان وجهك صاير ورقه من كثر الكفوف الي تجيك

المهم , كل كشختي وماكياجي راحت في مؤخرة النعجه (( النعجه : حيوان بري أليف , يكره البشر , والبشر يحبونه , يرفسهم وياكلونه , وطبعا قبل مايموت الورعان يلعنون سنسفيله ,))

وبعد ما يذبحنه انا وياك ننظف مصارينه

مادريت الا ابوي لافني بكف على علباتي , ماركبت السياره للحين يالتيس

برضو كف ياخي ودي اصير يد ابوك , ,, , تدري ليه يا عومري

كل ماذبني ابوك لخدك بقصد انه يلزخك بكف ( ابوس خدك ) <<<< اسألك بالله يمديك على الغزل

حبيب قلبي فلاش , ألف شكر على الاهدأ , والله انك منتب صاحي , وخل الاقلاع وزاحف,,, يندمون انهم خسروك , وحنا نفرح بالعيد معك , ونفرح بوجودك ,

الله يسلمك ويخليك وصدقيني . . ... ولا تدري اسمع وحده من ابياتي الشهيره


يفرحون الناس بعدين في كل سنه ..... وانا افرح بعيدي كل يوم

لا لااااح وجه مون وهو لابس السنه ..... افرح واقول جعل هالعيد دوم

اما يدي اليوم راحت وطي من ذا الدله الحين لو اشوف دله قدامي خلاص على مستشفى شهار للمجانين على طول

لااااااااااااااااا دله

دله وتقول دله انا حمار اذا تعيدت مع اهلي السنه الجايه جاني المرض من الدلال

عندنا شياب تحس ان فيه طاقه زايده ما يدري وين يطلعها


اجل بالله قد شفت شايب وهو يسولف وانا قاعد اصب له الفنجال , فجآه سمعت زعقه

يقول (( لا تكسررررر الفنجااااااااااااااال )) انا بلمت شوي وقلت سم يا عم وش اكسر

قال انت ما تعرف علوم المرجله انت وذا الثوب الي يسحب لا تكسر الفجال يعني لا تملااه



وقتها يا سلطان ودي افتح غطا الدله واكبها براسه واذا زاعق رجمته بالفناجيل الله يلعن ابو شيطانه << والله ياني حاقد عليه من جد (( وترا هالسالفه صدق بس ما صارت بالعيد ))

فلاش والله اني مااعرفك شخصيا , وودي اتشرف بالشي هذا ,

والله وانا ودي يا ولد الأجاويد وهذا اكبر شرف وفخر لي

واني احلى الساعات اللي في المنتدى في الايام هذي الساعات اللي اقضيها معك اما هنا او بالمسانجر

لا تجيب طاري الماسنجر دامنا حبايب


ياخي ابيك مره تطلع من الماسنجر بعد ما تقول فمان الله أرحمني ياخي

دم سالما لمحبك والمفتون بشخصيتك (( مو شكلك يالسبيكه )) وان شاالله تشوف شي يسرك منا في قادم الايام

ســــــالميـــــــن




[SIZE=5عاشقه الدجتال[/SIZE]

مشكور اخوي على الموضوع ومن جد موتني ضحك

حياك الله ودوم هالظحك ان شاء الله


MOONWALKER

وينك يافلاش , يااخي وش تبي أكثر من كلمه شكرا

لا ابي فلافل ومعصوب مشكل وكثر عسل


ياخي وش فيك ما الله كتب ادخل الموضوع أرد عليكم بسرعه


مستجعل يا هالفقمه <<< يا حبي لك يا موووون

[FLASH MIX]

Anastasia



هلااااااا بالمهابيل كلهم

انت و مون ووكر ثنائي كوميدي راااااااااائع ^-^

مون هذا واحد اختلف العلماء في تصنيفه

منهم من قال انه من النباتات

ومنهم من قال انه من القوارض

بس أخوي ما توقعت إنه خكري ما يذبح بنفسه ههههههههااااي .. يقول ضميري يأنبني

تصدقين من قوة اني خكري كديت ( يعني سرحت ) شعر الخروف قبل لا يذبحونه وحطيت له فونكه على شكل ورده وعطرته بطيب ليمون حق المغاسل الين مات الخروف قبل لا يذبحونه

قال : ايـــه دغدغته لين مات << يا أبضاااااااااي

ودك انه يدغدغ الخروف , الخروف قاعد يجتر

عشان الخروف اذا فطس من الظحك طرش بوجهه

و أخوي اللي أصغر منه ما شاء الله أمتلى بنطلونه دم << أبضااااااااي .. بس لحقني بيده اللي فيها دم ياااااع ... بس الحمد الله طلعت سليمه ما جاني دم

هههههههههههههههههههههههه

كل طموحي اشوفك شايله بنت صغيره مسويه فيها انك تحبين الصغار وتصير توها راضعه وتتغر وتطرش عليك

في هذاك اليوم ما كلت معهم لحم << مادري ليه .. يمكن عشاني شفت اللحم و هو ني

انا امي تلاحقني بصحن الحميس حامت تسبدي من ذا اللحم حسيت اني لو بكح بيطلع لحم من خشمي من كثر ما كلت

ثانــــــــــكس

For You

بايووووووووووووووووووو

Bye Bye

[V З И U S]

وبعدين كلمة ((( تحسب أن . . تكتب تحسب أني )) << يعني ما حطيتي ياء المتكلم << مصحح املائي على المصححه

هههههههههههه

أنا حطيت الكسره

أنت ماتشوف ..فتح عيونك زين

ومشكووور على التوضيح لكلمه ازنط

اختي نجمه الله يعطيك العافيه على ردك الي يوسع الصدر فعلآ امتعني جدآ

تسلم وربي ....كلك ذوق يا الغالي

بصراحه أنا أحسد أهلك عليك ...عندهم جيم كيري <<< وربي ماأعرف إذا كان يكتب اسمه كذا أو لا

على العموم

مشكوووووور مره ثانيه على الموضوع اللي يضحك من جد

كل ماتضايقت ومليت رحت وقريته

مع خالص حبي

[Glow]نجمة[/Glow]

[squal]

ههههههههههههههههههه
فلاااش....فقعت مرارتي من الضحك<<<اقتباس منكم يالسعوديين^____^

الله يرج عدوك خخخخخخخخ


انا صار فيني تهتك في العظام وتليف في الكبد وانفجار في الاثنى عشر مع شوية رضوض في الحجاب الحاجز من كثر الضحك


يسلموووو فلاشووو