Hi
حبيت أكتب و أقرأ عن المواقف اللي صارت في الامتحانات
كل واحد يكتب موقف في الامتحانات >> صار معاه / أو شافه / أو حتى لو كان هو صاحبه / أو ... الخ
طبعا أنا أقصد المواقف المتحركة >> تضحك / تفشل / تبكي / ... الخ
ــــــــــــــــــــــــــــــــــــــــــــــــــ ــ
بدأت العكة >> أقصد أنا الآن في نص الامتحان.
كانت معايا كحة >> مريضة.
و الكحة هادي خلتني موضع شكك >> البنات يفتكروني أبى أغش.
و اللي جنبي تدقني بالمرسام >> و أنا ولا معبرة.
يا ربي أنا حتى ما أعرف شكلها.. طيب ليه ما قالت لي قبل الامتحان عشان نرتب ((إشارات الغش)).
ما أقدر أقرأ ورقتها بسرعة >> نموذجها غير عن نموذج امتحاني.
و تدقني برجلها >> و بعدها طوالي الكحة تجيني >> و البنت افتكرتها إشارة .
و أرجع أمثل أني مني فاهمة لعل و عسى تصدق.
و البنت ترجع تلعب و تدقدق بالمرسام على طاولتها.
أنا هنا خلاص أبغى أركز على امتحاني >> أبغى أنهي الموضوع.
رحت معطيتها ظهري >> و البنت ماهي راضية تفهم.
تدقدق و تدقدق >> و أنا زي الصنم.
بعدها.. أخذت شهيق و زفير طويل و رمت المرسام عليَ >> بس طلعت ما تعرف تصوب.
المرسام راح على البنت اللي في جنبي التاني >> جنب جنبها.
المرسام طار و خبط على راس البنت.
هنا ماني عارفة أضحك و لا أعمل فيها متضايقة و معصبة.
قررت أني أعمل نفسي ماني منتبهة أو مهتمة على اللي صار >> أظن أن الوحدة بعد كده تفهم صح.
خلاص كده ... لأ لـِــــــسه.
كنت على وشك أني أخلص الامتحان كان بقي لي سؤال أحاول أفتكر حله و بعدها مراجعة الورقة.
و هنا رجعت البنت و دقتني >> هنا أنا سلمت ورقتي و خرجت من القاعة.
تصدقوا أني حتى ما طالعت في وجهها>> بعد كده سمعت أنو بنت من قاعتي اتمشكلت مع المراقبة حقت الامتحان >> يمكن تكون هي >> مين عارف
ــــــــــــــــــــــــــــــــــــــــــــــــــ ـــــ
أوكي هادا أكثر موقف امتحان مسيطر على ذاكرتي
شوفوني مواقفكم
C U
المفضلات