مشاهدة النتائج 1 الى 17 من 17
  1. #1

    Talking ممدوح فرج هههههههههههه

    بسم الله الرحمن الرحيم

    بمناسبه كرهى الشديد لهذا الرجل ممدوح فرج بسبب ركاكه وضعف تعليقه الشديد جدا وجهله الجامد بما يجرى من احداث حوله وهو فى الطراوه -على فكره انا بشوفه بالصدفه- بالاضافه للاعلانات العقيمه والمكالمات الرزيله والطفوليه من المشاهدين اللى فاكرين المصارعه دى بجد والافلام دى بحق وحقيق
    واخر مثال لذلك فى حلقه الخميس 18/11/2005 اثناء ماتش جاريرو اللى مات بالسلامه وتربل اتش حينما دخل باتيستا وفلير وحينها قال الخبير ممدوح فرج بذكاء يحسد عليه
    (ياه لسه برضه بيحبوا الراجل ده!!!)
    يا اخ ممدوح اصحى بقى وفوق ده ماتش قدييييييييييم
    المهم نخش فى الموضوع وموضوعى هى مقاله قريتها فى جريده الدستور الاربعاء 16/11/2205 صفحه21
    وضحكتنى قوى لانها بتتريق عليه باسلوب ظريف جدا نخش بقى فى المقاله


    مصارعه المنحرفين كابتن منفوخ يقدم لكم مباراه الموسم..
    حيث الدم والضرب والجنازير متعه!!!

    الحلقه تبدا بالمقدم الهمام المنفوخ((مصارع سابق))وهو يبتسم بالنضاره اياها بتاعت كل مره وخلفه صور له وهو ايام شبابه الغض وهو يجندل ويشندل ابطال العالم فى المصارعه(صوره وهو بيضرب بس مش وهوا بينضرب ) وقدامه طبعا الحزام منفوخ زيه برضه
    يبتسم الكابتن منفوخ قائلا وهو بيعدل النضاره الروشه
    - مساء الخير واهلا بيكم فى برنامجكم المفضل مصارعه المنحرفين النهارده معانا حلقه طحن كلها دم وانحراف وضرب وكهربا وجنازير انا جبت لكم شريط اخرمباراه لكين مع اخوه الحانوتى بعد ماتعاركو مع بعض لما ابو كين طلق ام الحانوتى وطبعا الحانوتى ماعجبوش رميه امه فى الشارع فقرر يرد شرف امه على الحلبه ويضرب كين بعد ماخلع القناع زى تينا بتاعت جاد شويرى
    يقاطعه صوت التليفون فيرد كابتن منفوخ:
    - ومعاااايا احمد من القاهره .. ازيك يابو حميد عامل ايه؟
    - المشاهد ازيك انت ياكبتن منفوخ والنبى ياكابتن انا عايز اسال سوؤال محيرنى هو صحيح ((ريتا)) فرقعت ((ستراب الاتش)) وماشيه اليومين دول مع ابن المشمومه ده اللى اسمه(( الروك))؟؟
    وصحيح ان ستراب الاتش ظبطتهم نايمين فوق بعض وللا ايه؟؟ والنبى ياكابتن تجاوب على سؤالى اصل انا مش عارف انام الليل بسبب الموضوع ده!!
    - كابتن منفوخ: بص يابو حميد هو انا لما كلمت الروك فى الموضوع ده قاللى ان الموضوع اتفهم غلط لان ستراب الاتش لما دخل عليهم ولقاهم نايمين فوق بعض ماكنوش بيعملوا حاجه وحشه لا سمح الله ده كان(( الروك)) ساعتها عامل حركه دى دى تى من ورا ل ((ريتا)) وعلى خوانه والله ياجماعه .. لكن ستراب الاتش فهم الموضوع غلط وافتكر انهم ((استغفر الله العظيم)) ولما ريتا عرفت انه بيشك فيها كرامتها(( نقحت ))عليها وقررت تسيبه لانها مابتحبش حد يخونها او يشك فى سلوكها وعفتها لا سمح الله.. وبعدين يابو حميد دى اعراض ناس واحنا مابنحبش نجيب فى سيره الناس وهما مش موجودين.. عيب عليك ياخى دول ولايا برضه.. وربنا امر بالستر..
    - شكرا ياكابتن
    - مع السلامه يابو حميد ونرجع تانى للماتش اللى معانا بتاع كين والحانوتى ونقول ان ...
    يقا طعه صوت تليفون فيرد :
    - ومعااانا الحاجه(( بخاطرها)) من العباسيه ازيك ياحاجه
    - ازيك ياكابتن منفوخ .. والله احنا بنحبك قوى قوى ياكابتن وبنحب نشوفك منور الشاشه كده على طول وبنحب قوى الافلام الهندى اللى بتعرضها لنا فى برنامجك ده
    - ربنا يخليكى ياحاجه
    - معايا ابن بنت بنتى اسمه ((شمشون)) وهو بيحبك قوى ياكابتن وعايز يكلمك
    شمشون ياخد دوره
    -والنبى ياكابتن انا عايز اشوف الماتش بتاع(( البيج شوز)) لما ضرب ((كيرت انجل)) بالكرسى وكهربه وسيح دم اللى جابوه على الحلبه اصلى متغاظ قوى من كيرت انجل ده اللى مستصيع نفسه وشايف نفسه على الحلبه!
    - عينيه ليك يابو حميد
    -اسمى شمشون ياكابتن وفى كى جى وان
    - مع السلامه يابو حميد ونرجع تانى للماتش بتاع كين واخوه..... يقاطعه صوت التليفون فيرد:
    ومعانا الحج درديرى ابو باتيستا من الصعيد الجوانى.. ازيك يابو حميد!!!
    - والنبى يااستاذ ملووح كنت عايز اسالك سؤال ربنا مايوقعك فى ضيقه ياخال الواد ((هوجان)) ولد اختى البعيده الهى مايشوف يوم عدل فى حياته السوده قرا لى فى الجرنان ان(( باتيستا ))طلع اصلا من الصعيد وان اصل ابوه من عيله(( العجاينه)) اللى حدانا فى البلد واحنا كنا فاكرينه من العيله بتاعتنا ودلوقتى فى مشكله مولعه عندينا فى البلد.. ورجاله العيلتين نازلين فى بعض ((مانشيتات)) و((سوبليكسات)) و ((دىدىتى)) طول النهار وماحدش عارف يلمهم.. وامبارح الواد(( عوضين )) اللى من عيله العجاينه هددنى انه يعملى(( تثبيت اكتاف)) من الوضع راقدا لو ماعترفتش ان باتيستا من العيله بتاعتهم ومش عارفين نعمل ايه دلوقتى ؟! يعنى يرضيك انى اعمل له(( فينيش كين)) واخلص منه.. وفى الاخر قلنا نستشير حضرتك .. فشور علينا ياخال ربنا ياخدك انت والمصارعين اللى بتجيبهم لينا.
    - كابتن منفوخ(( بذكاء)) : الظاهر ان فيه عطل فى التليفون وقناه الافلام دخلت على قناه الرياضه .. وعموما انا حاتصل ببتيستا واشوف الموضوع ده ..
    ومعانا تليفون تانى من(( حسونة ابو جهل)) ونقوله ازيك يابو حميد!!
    - حسونه : والنبى ياكابتن فيه موضوع محيرنى..الناس بيقولوا ان الواد(( باتيستا)) اعلن اسلامه علشان لقى دراعه اليمين مكتوب عليه ((صلوا على النبي)) والدراع التانى مكتوب عليه((حصوه فى عين اللى مايصلى على النبى)) ايه حكايه الموضوع ده ياكابتن عشان محير الناس عندنا؟
    - كابتن ((منفوخ)) بزهق: ح ابقى اتصل بباتيستا ونشوف الموضوع ده مع بعض .. مع السلامه يابو حميد.. ودلوقتى اعزائى المشاهدين استعدوا للطحن كله.. ماتش كين والحانوتى .. كل واحد يجيب عياله وقرايبه وجيرانه عشان الكل يتفرج ويشوف الضرب على اصوله والدم وهو بيسيح ويجرى .. بس اللى معاه مطوه ياريت يخليها مؤقتا فى جيبه وما يطلعهاش وهوا بيتفرج.. يبقى يطلعها بعد الماتش .. ودلوقتى..
    http://www.shbab1.com/2minutes.htm
    HBK , The Show stopper , The main event , the leagued Shawn Michaels will always be missed 
    http://www.e-castig.com/index.php?r=K1T08
    [IMG]http://i44.************/11sp842.jpg[/IMG]


  2. ...

  3. #2
    يقاطعه جرس التليفون فيرد: ومعانا اخر تليفون قبل الماتش من الشيخ ((عبود..عبود..)) ..ازيك يابو جميد!!
    - المشاهد: لو سمحت ياكابتن(( شمروخ)) هو اللى يعمل حركه ((هاف سلام)) وهو متوضى يتنقض وضو وللا لا؟؟
    - السؤال ده تساله للشيخ ((عطوه حركات )) على القناه اللى جنبنا طوالى على ايدك الشمال ..مع 1000 سلامه ياعم الشيخ ربنا يسهلك..
    يواجه المشاهدين بابتسامته قائلا:
    - ودلوقتى بقى نسمع الماتش بتاع كين واخ.....
    تنتقل الكاميرا الى احدى الحارات الشعبيه لنقل عركه اليوم بين ((سيد ابو عضمه)) الشهير بكين واخوه ((حوده ترابيس)) الشهير بالحانوتى وحواليهم ناس كتير ماسكين سواطير وسيوف وسنج وشوم فى انتظار ادوارهم والى لقاء اخر فى حلقه جديده من برنامج ((مصارعه المنحرفين)).. منحرفين بجد يعنى ... اى خدمه ياجدعان!!
    ياسر ضاحى



    وعند نقل الموضوع برجاء كتابه المصدر
    وارجو من المشرف عدم حذف الموضوع لانه تعبنى فى نقله كما ان هذا المنتدى اكثر حريه بالطبع من الدستور التى نشرت المقال وشكرا لكم
    باحترام على رشاد
    وياريت تكتبوا الرد
    ملاحظه نحن لا نعيب فى الرجل كخلق بل كتعليق واستفزاز


    منقول


    الراجل ده اللى اسمه ممدوح فرج اسوء معلق رياضى فى القرن العشرين
    confusedوالقرن الثلاثين ايضا

    انا نفسى اتصل ب ممدوح فرج
    confusedconfusedconfusedواساله كام سوال
    هو الاندرتكا خلى بالكو مش الاندرتيكر
    الاندرتكا اخو الحاتوتى ولا ده مجرد تشابه فى الوظيفه

    ومعانا اتصال من الجحش من كفر الشمام
    والنبى يا كابتن ممدوح عايز ماتش ل(سحر استرتش ) مع لوليتا
    حاضر السنة الجاية اخر الشهر اتفرج عليه

    والنبى يا خال عايز ماتش للاندرتكا مع الحانوتى
    ويرد عليه الكابتن مندوح بكل شهامه موجود ...موجود

    معانا اتصال اخر من السودان من الاخ عثمان
    يرد عليه الكابتن منبوح اتفضل يا بو حميد
    واللهى اوزين نشوف مباراه لجاكى تشان وبروس ليه لما كانو بيلعبوا مع فان دام وسلفستر استلامونى
    ويرد عليه الكابتن ان شاء الله الاسبوع الجاى الماتش ده عيتلعب مباشر
    والنبى يا كابتن امى الله يرحمها عايزه تكلمك
    ويرد اتفضلى ياحاجه ام حميده
    انا دلوقتى بكلمك من جوه الطربه اللى الحانوتى دفنى فيها ( الاندرتكا ) وايدى جاريرو
    بعتلى مسج من الطربه اللى جامبى بيبعتلك السلام والتحية
    وبيقولك سلملى على الكابتن (كريست بن وا )
    فاصل اعلانى ونييييييييييرجع لبعض تانى


  4. #3

  5. #4
    والله موضوعك جميل جدا

    والحين هو يقدم برنامج

  6. #5

  7. #6

  8. #7
    مشكور على الموضوع شكل الأخ ممدوح شغالة مسويتله سحر وبدال ما يكرهونه الناس حبوه

  9. #8
    ما ادري ليش متحاملين على ممدوح فرج ....با اخي يكفي انه شرف العرب في عالم المصارعه...

  10. #9
    و الله لا متحاملين علية و لا شي بس أن كاتبة في نهاية الموضوع أنوا ما بنعيب على شخصيتوا

  11. #10
    إقتباس الرسالة الأصلية كتبت بواسطة ما عندي لقب مشاهدة المشاركة
    مشكور على الموضوع شكل الأخ ممدوح شغالة مسويتله سحر وبدال ما يكرهونه الناس حبوه
    lolasianbiggrin

  12. #11
    ممدوح فرج شرف العرب...وحرام عليك تعيبه لاهو ولاشخصيته

    وقال الرسول صلى الله عليه وسلم ان الناس سواسية كأسنان المشط

  13. #12
    وربي كاااااااااااااااااااااااااااااااااااااي هههههههههههههههههههههههههههههههههههههههههههه


    ايت شرف العرب

    كان يصارع ايام جدتي

    ليته يصارع ايام اوستن والله ان يخليه يعرف ان الله حق


    بعدين فيه حلقه من حلقاته مستضيف مصارع والمصارع ضرب ممدوح

    بعدين ممدوح عصب وضرب المصارع

    ههههههههههههههههههههه كانت واضح انها تمثيليه بالله هذي حركات


    يضحك علينا هو وكرشه
    [SIGPIC][/SIGPIC]

  14. #13

  15. #14

  16. #15
    شكرا علي الموضوع
    وانا من اول الي ما يحبوه
    لاكن سيبوا الراجل في حاله شوية
    الي يهزأ فيه من هنا
    وال يشتم فيه من هنا
    عملكوا ايه
    ده حتي مشرف العرب في المصارعة
    ومرا ثانية شكرا

    d2df96c5049438962f26e8533855b195

  17. #16

    الفرق بين ممدوح فرج و ابراهيم الراشد

    أخواني مافيه شك أن اللي قالوه عن ممدوح فرج كل حقيقة وليس من باب الأستهزاء أو النقيصة بس ياريت

    نبتعد عن التجريح شويا شوي يا شباب - صلوا على البني - أختلاف الرأي لايفسد للود قضية - أما من ناحيتي

    أو رأيي الشخصي فأقول بأن ممدوح فرج ماعندك ماعند جدتي التعليق في وادي و أنت ياممدوح في وادي

    الله يرحم أيام الملعلق المرحوم في التلفزيون السعودي ابراهيم الراشد هذا إذا قالوا لك صج معلق يا أخي

    أنا ماحبيت المصارعة ولا شدني لها ألا هذا المعلق الذي يسحرك بتعليقه الجميل وبحق فأن هذا الرجل يستحق

    لقب أفضل معلق ومترجم لحركات المصارعة في الوطن العربي فرحمك الله يا أبراهيم الراشد

  18. #17

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter