سلاااااااااااااااااام لأحلى أعضاء في أحلى منتدى
طبعا مثل كل فترة اختبارات تجيني حالات هستريا الضحك و حالات أصير ودي أرقص .. و فضااااااايح ....
بس لا تتوقعون إني متبلده حسيا و ما أجتهد في المذاكرة ..
بالعكس .. سهر و تعب و إرهااااق نفسي و عقلي
و أكبر دليل هالاتي السوداء اللي وصلت نص خدودي << صار برقع خخخخخخ
بس الله يعينا ..
<< و هذي حالاتي مقسمة إلى أجزاء >>
قبل الاختبارات :
الأسبوع اللي قبل الإختبارات كنت ناويه أدخل لمكسات آخذ جرعة قبل ما انقطع بس .. للأسف الشديد .... كان كميوتري مخرف ( يقول : كان الخط مشغولا )
صرت أحلم يوميا بمكسات .. بس حلمي يكون ملخبط .. يعني إذا قمت من النوم ما أقدر أتذكر كل اللي صار .. بس لو أقول لكم بتضحكون علي .. خصوصا a b c d ( a b s (
عشاني حلمت فيه ..
مادري وش جابه في حلمي !!
حلمت إني أنا و honeyالحلوة في الشارع نمشي بدون عباية << نادر ما ألبس عباية في أحلامي خخخخخخخ
بعدين جا a b c d لابس لبس اللي يركبون دبابات .. (و أذكر لونه أحمر و فيه أبيض و أسود) ..
و قال : أخيرا حققتوا حلمي << خخخخخخ قصده إننا نركب معه في الدباب
و أنا طرما في الحلم مادري وش فيني ما أتكلم بس ساكته << شي غريب مني
بعدين أنا غبية خذت جاكيته حق الدباب و لبسته و أقول : الله حلووو .. بس أوسع مني بشوي << ناويه تزرفه = تسرقه ( مقتبس من الأولاد و بالتحديد أخو honey )
المهم .. ركبنا أنا مع a b c d ... و honeyالحلوة مادري مع مين ركبت
هذا المقطع اللي أتذكر من حلمي خخخخخخ
بعد الاسبوع الأول من الاختبارت :
يوم خلصنا إختبارات الأسبوع الأول مخططه إني أذاكر يوم الأربعاء عشان أخلص بدري و أشوف برايم ستار أكاديمي ..
يوم جا يوم الأربعاء .. شغلت الكمبيوتر عشان أجرب الكمبيوتر صلح ولا لا .. و صارت نفس المشكلة ( كان الخط مشغولا ) طفشت و شغلت أغنية من الكمبيوتر و قمت أرقص .. شوي .... رحت أجيب شال و ربطت خصري << العمه مطوله
أختي تقول : شغلي باذاكر و اتفرج عليك و انتي ترقصين .. يوم شغلت أغنية و رقصت .. جت ربطت خصرها و قعدت ترقص .. ولا كأننا عندنا مذاكرة و إختبار نهائي !
و في المدرسة :
و أنا قاعده أسولف مشتغله على الهزاز .. تعرفون الكرسي اللي يهز ؟؟ أنا مثله .. أهز قدااااااام وراااااااا قدااااااااااااام وراااااااااا و صديقتي مثلي .. عاد إنا جنب بعض صرنا مراجيح خخخخخخخخخخ
أختي و صديقتها كانوا يتمشون .. و أنا و صديقتي نهز مرااااااجيح خخخخخخخ
صديقة أختي : ايوه بعــــد ... و عاديتي اللي جنبك بعد
قالت أختي : Anastasia خلاص شكلك يضحك
و صديقتها : كأنك رقية اللي في طاش ما طاش ( عشاني رابطة شعري من جهتين = قرنين )
أنا : يا معفنات ... واضحه أشكالنا ؟؟
قالوا : ايــــــه .. شفتكم من بعيــــــــد
و يضحكوووووون علينا المعفنات
و حتى صديقاتي يعلقون علي ( هم عضوات في المنتدى : thalia & pepsi girl )
تاليا تقول : انتوا هيـــــه .. خلاص .. هههههههه .. مو كأنهم ( الطنطاوي ) << أظن كذا اسمه .. نسيت
و ببسي جيرل تحب علم النفس .. كل ما هزيت تناظرني نظرات تحليلية .. أحس إنها تشوف نفسيتي .. << تخوفني بنظراتها .. و أقول لها : هيـــه غضي البصر عيـــب .. و ببسي جيرل تضحك علي
بس أنا أسويها و أنا ما أستوعب و حتى لو استوعبت ما أقدر أوقف ..
بس وناااااااسة الاختبارات النهائية في المدرسة سواااااالف و ضحك و هباااااال .. ما أرجع البيت إلا و فمي طايح من الضحك و حلقي ناشف هههههههه
و جبت لهم أونو و قعدنا نلعب في المدرسة خخخخ << أولى ثانوي يذاكرون عليهم فترة ثانية مسكينات .. و إنا لعــــــــب ... فاليــــــنها
و الأيام الأخيرة قاعده أقول في نفسي : أنا ليش ما أهتم في شكلي في المدرسة ؟؟!!!
و صرت أتكشخ بعدساتي الزرقاء و أزين شعري و أكحل عيوني << فالتها الأخت
ويوم جا يوم الاثنين ( قبل آخر يوم )
ذاكرت بسرعة و رحت أسوي بروفه لشعري ( كيف باسويه بكره ) و مره متحمسة و فرحانه و الابتسامه تعلو وجهي الجميل ..
و آآآآخر يوم إختبار
رن منبه جوالي الساعة 5 قبل صلاة الفجر .. و أنا أقول في نفسي : يووووه وش يبغى ذا ؟؟ يا ربيــــــــه مضايقني .. مزعـــــج << تحسب نفسها عطلت
بعديــــــــــــــن أستوعبت و قمت أركب العدسات و أتصلت على صديقتي عشان نطقم لون أحمر .. يا سلااااام كل شي أحمر .. بلوزتي و جزمتي و أساوري اللي أنا سويتها بنفسي و قلمي الريش الأحمر .. و أكحل عيوني و ... الخ
يوم وصلت و شفت صديقاتي لقيت الابتسامة تعلو وجوهنا .. مبتسمات سعيدات عشان اليوم آخر اختبار <<< من قبل ما يدخلون القاعة و هم مبتسمات .. أجل كيف لو عطلوا ..
يوم طلعت من القاعة .. كل ما شفت وحده من صديقاتي أقولها : مبرووووووووك .... عطـــــــــــــــلـــــــــــــنــــــا
و تكلمنا عن كل وحده وش بتسوي أول ما توصل البيت .. يعني قمــــــة السعادة
آآخر يوم بعد المدرسة :
أول ما وصلت البيت .. الكمبيوتر كنت مجهزته عند الباب عشان أوديه لمستشفى الأمراض العقلية .. بس رحت أشبكه عشان أشغل أغاني من الفرحة ..
شغلت الكمبيوتر و حطيت أغنية و قعدت أرقص و أردح و أنا بالمريول توني ما غيرت خخخخخخخخخ
و أنطنط و أصارخ و أقول : عطـــــــــــــــــــــــــــــــــلــــنــــــا
بس اللي نــــــــــزع الابتسامة من وجهي ... إني تذكرت إن النت ما يشتغل
جاني جنون البقر خخخخخخ قاعده أقول : مكسات .. مكسات ... مكسات ... مكسات ... مكسات و أصارخ << من جد مجنووووووووونة
بس رحت ألبس عشاني مواعدة بنات أخوي نودي و honeyالحلوة ... بعدين قلت : ليش ما أجرب النت ... يمكن صلح
رحت أجرب ... و صلـــــــــح !!!!!!
أنا ما صدقت عيـــوني قلت : لا مو صدق ... أكيد أحد يلعب علي << مين بيلعب عليك يا هبله !!
بعدين شكيت قلت : يمكنني فاتحه عالمحفوظات ...
بس تأكدت يوم شفت مواضيع جديدة في مكسات و فرحــــــــــــــــــــــــت .. فرحتي ما تنوصف ...
ناديت أختي و أنا أقول : أشتغـــــــــل النت ... و أنطنط و أنطنط و أصارخ ... ما كفاني التنطيط على الأرض ... رحت فوق سريري أنطنط زي البزارين خخخخخخ
و أختي تناظرني و تقول : مجنونه !!! ... مدمنة !!!
بعد القصة هذي .. باسألكم أسئلة أتمنى تجاوبونها
1- ايش الشي اللي ما قدرت تستغني عنه أيام الاختبارات ؟؟
2- ايش الشي اللي قدرت تستغني عنه أيام الاختبارات ؟؟
3- ايش الآثار اللي صارت لك من الاختبارات ؟؟
إن شاء الله تكونون أستمتعتوا
إلى اللقاء = اوغفوا = تشاو = باي = مع السلامة = سايونارا = إترشاي = تشوس = آوفيدازين << ما خلت لغة إلا و قالتها خخخخخخخ
أختكم الهبلـــــــــــة AnAsTaSiA
بايوووووووووووووو
المفضلات