السلام عليكم ورحمة الله وبركاته
بين أيديكم ,,
احدى قصائدي المتواضعه ..
اتمنى انها تنال على اعجابكم وتوصل لمستوى ذوقكم الراقي
,,
بالصدفه شفت الاعلان عن المسابقه الشعريه ,,
ف حبيت اني اشارك فيها .. بالقصيده هذي
ولكم كل الموده
أقول :
آشوف نـاس ٍ يا عَرَب مـا هـي بــْــخير
تـركـض ورى شهـواتــهـا كـلّ حزّه
آشوفهـــا تغدر وتحقد علـــــــى الغير
واذا تصادف شخــْــص طيــّــب تجـزّه
فيهــا أذى للنـــاس فوق التعـــــابير
تقســى .. ومـــــا بين البشر دوم رزه
العقــْـل شـارد والقلــِــب دون تفكيـر
بـاع العـِـشـِــق حتـى نسـى من يعزه
لجـْـل المــِطامع كلــّـها صار شـرّير
أحلــى عبـــارات الغـــلا تستفـــزه
والنفس تامر بالمساوي بـَــــــلا ضير
دايم علــى منهو يــِـحـِـبـّـه تــِــوِزه
وش ذمبـه اللـي عــاش عمره مشـاوير
على طريق الحب شـوك ٍ يــِــغــِــزه
ذاق العـِـشـِـــق ما بين فرقا وتقصير
واللي يــِـحـِـبـــّه في شباكـه يــِـدِزه
مـا للخيـــانـه والــغــدِر أيّ تفسيـر
يـاللأسف حتـى العـِـشـِــق ضاع كنزه
كان الوفــــا عند البشر قدره كــْــبير
حتى شعور الشوق محد ٍ يــِــهــِـــزه
و الحين صــــار الحب هـذا شـرا الطير
يبقى فــْـغِصِن يترك غِـصِـن دون مغزى
صار العـِشِـق يـاخي بـَـلا أيّ تـــــاثير
ونــْــفــوس أصحــابـه بـَلا أيّ عــزه
وآخر كــــلامـــي هـــالغلا دون تقـدير
يــــقول : أحبـه وْ قدْرَهـَـا دون هــــمزه
مع كل الموده
شعر : خالد الشامسي
اضافة رد مع اقتباس
[/GLOW]
المفضلات