بسم الله الرحمن الرحيم و الصلاة و السلام على محمد سيد الخلق اجمعين
بلا مقدمات
انا مش عايزة من الموضوع ده ردود او تقدير او شكر
كل اللى انا عايزاه صدق كل عضو و عضوة يدخلوا هنا
صدقهم مع نفسيهم و مع الله عز وجل
ماحدش يعترض ياريت لانى وازنة الكلام اللى انا باقوله كويس جداً و عارفة الاسباب للى انا حاقوله
احوالنا كوطن عربى و كمسلمين ادهورت
و من الامثلة الحصار على غزة و الاوبئة المنتشرة
انا مش باتكلم كسياسة لانى لو كنت باتكلم كسياسية لكان زمانى فى سين و جيم و ورا الشمس
بس احنا بعدنا عن ديننا كتير جداً
مالاحظتوش كده
كلنا اتفقنا على ان احنا مانتفقش و ايه النتيجة تدهورت الاحوال و بدل ما كنا بنسمو بديننا و بننشره فى العالم بقينا بنحاول نحميه من محتل غاصب صهيونى
يمكن ده كله بعيد عن هدفى بس ياريت كده اى حد يقرا الموضوع ده يبعته لاكبر مجموعة ممكنة من الاعضاء المسلمين فى مكسات و برا مكسات و يبلغ رسالتى دى لاهله و قرايبه و جيرانه
طلبى ان كلنا نقوم و لو لليلة واحدة كلنا اعضاء مكسات نصلى الفجر فى معاده
خمس دقايق صلاة مش حيفرقا معانا الا مستقبلاً و يرفعوا من ميزان حسناتنا و يحسنوا من احوالنا كوطن عربى
اى عضو يوافقنى يكتب رد هنا
و بعدها نحدد كلنا يوم نقوم فيه كلنا على صلاة الفجر حسب تواقيتنا طبعاً و نصليها و نكسب ثوابها
و لو كان فينا حد ما بيصليش يمكن ربنا يهديه و يصلى معانا المرة دى بس و ممكن مايبطلش صلاة بعديها
انا لقيت مكسات انسب طريق لنشر حملتى دى
و اتمنى من المشرفين ما يقفلوش موضوعى
و ياريت تحطوا الموضوع ده فى تواقيعكم علشان اى عضو او عضوة مسلم و مسلمة تسنح له الفرصة انه يقراه
و بما ان رمضان قرب فهو انسب وقت علشان ننفذ فيه طلبى ده ففى مهلة لحد مانحدد الوقت المطلوب
و ياريت يكون لى فريق عمل فى الموضوع ده ما يقللش عن 10 اعضاء حاكلمهم فيما بعد عاللى حيعملوه
اتمنى ان نفوسكم تنشرح للقيام بفريضة من فرائض الدين
الا و هى الصلاة على اوقاتها
فى امان الله و رعايته وحفظه
المفضلات