--» السِـلآمْ عِليـڲمْ ۉ رحمِـہ اللِـہ ۉ برڲـآتِـہ
تدري وش اللي يجرح القلب جرحين
ويمد حبـل الحــزن فيـكـ ويشـده
إنك تناظر طفل من غير أبوين
يمشي ودمعه سايلٍ فوق خده
منظر صعيب ويقسم القلب قسمين
لا قـام يمســح دمعـه بكـف يــدّه
يمشي ولا يدري طرقه على وين
لين التعب من كثر ما تاه هده
أثقل حروف يشيلها فيه حرفين
لا أب يدريبـه ولا أمٍ تـــرده
في خطوته رحله ودمعه وسكين
وحظٍ توسد بالـمراسي مخـده
جيت أسأله بالله قل لي ولد مين
وبغى يجاوب وختنق صوت رده
أنا يتيم وما لدربي عناوين
وجزر الحزن فيني يساوي لمده
وطعم الطفوله ماعرفته لها لحين
وثوب السعاده صرت مانيب قده
أبكي إلى من شفت غيري سعيدين
لين البكا فيني يوصــل لحده
وأقفى ورحت أمسح دموعي من العين
وعينـي تنـاظر دمعتـه فــوق خـده
وهذا اللي يجرح القلب جرحين
ويمد حبل الحزن غصب ويشده
المفضلات