مشاهدة النتائج 1 الى 1 من 1

المواضيع: الللافية..........

  1. #1

    الللافية..........

    اللالفية(1)
    أ-ألف أولف بذكر ألله حروفي
    ونظم القوافي مقاطرات الصفوفي
    على وليف جعل شوفه ولووفي
    ومالي غنى عن شوفته يآهل اللوم
    ب_ألباء برب ألبيت ماأنسى وداده
    لو يبتعد عني ويزيد بعناده
    حبه يزيد في كل دقيقه زياده
    وماارضى بغيره لو يجوني كما القوم

    ت_ ألتاء تقول العين ماأرضى بدالك
    مهما يكون ويصير ومهما جرالك
    واللي تمناه منك لحظة وصالك
    شوفتك عندي تغني عن كل ملزوم

    ث_ الثاء ثلاثه شهور حبك كتمته
    في وسط قلبي ياحياتي دفنته
    يابنت زولك في عيوني رسمته
    سري وسرك يابنت الاجواد مكتوم

    ج_ الجيم جيت اللي تمنا وصالي
    أشكي عليه البعد وطول الليالي
    قلي تصبر وحالكم مثل حالي
    ودي أشوفك كل يوم بعديوم

    ح_ الحاء حلفت وأقسمت برب المدينه
    ما أحول عنه لو تطول سنينه
    وعلى فراقه القلب ربي يعينه
    بصبر على فرقاه لو عشت محروم

    خ_الخاء خرجت العصر وقصدي أشوفه
    ونقشت فوق الصدر أول حروفه
    ويوم جيت أشوفه عارضتني ظروفه
    قولي وش ألحل في حال مهموم

    د_ الداء درب ألخل صعب سلوكه
    ولامن نويت أجيه تزايد شكوكه
    خلي مثل وردٍ مسورِ بشوكه
    مسكين حال الخل بالظلم مظلوم

    ذ_ والذاء ذاب القلب من طول فرقاه
    واحترت ياهلي في غيابه وملقاه
    تهل عيوني الدمع لاحل طرياه
    وياويل عيوني من همها عافت النوم

    ر_والراء رموش اعيونها مالها وصف
    ومحدٍ قدر أبوصفها يتوصف
    لو الخلايق كلها واقفه صف
    حبيبتي ابوصفها كنها نجوم

    ز_ والزاء زل الوقت من ناظرتني
    وكن السحر بعيونها وأسحرتني
    وقفت اكلمها وهي كلمتني
    وأقفّت وأنا من بعدها سرت مغموم

    س_ والسين سال الدمع وأغرق جفوني
    من يوم ربعي عنها كلموني
    قالوا تناسا قلت أعموا عيوني
    وشلون أنسى وأنا لها سرت محكوم

    ش_ والشين شبت وسط قلبي لهائب
    على فراق اللي تناسا الحبائب
    ودي بشوفه كل ماهبت هبائب
    ياناس حيلي من فراقه اليوم مهدوم

    ص_ الصاد صبري مل صبري وقفى
    والحزن في عيون من أحبه توفى
    ياليت حزنه من عيونه يتخفى
    وأشوف الفرح بعيونها دوم مرسوم

    ض_ والضاد ضاع عمره ولاأحدٍ درابه
    مابين حزنٍ وبين همٍ سرابه
    يفوت وقته ولاتهنا بشبابه
    هذى حياته صاحبي دايم الدوم

    ط_ الطاء طواني صاحبي في صدوده
    ولامن نشدته قاسيات ردوده
    ويقول قلبك لايتعدى حدوده
    يكفي كفاني ما جرالي من علوم

    ظ_الظاء ظلمني في صدوده ورده
    وحتى منامي عافني وطال صده
    خايف أنا خلي يتناسا الموده
    ويصير قلبي بعدها من ألحب مصدوم

    ع_والعين عيونك كنها عيون شاهين
    لاناظرتني كن الولع بي له أسنين
    ياألله دخيلك من صبايا المزاين
    القلب مبلى وما عاد له زودولزوم

    غ_الغين غيابك مثل يوم الكسوفي
    ناس تصلي وناس تدعي بخوفي
    ياألله عساه يكمل زين الوصوفي
    خايف يطول فرقاك واموت محموم

    ف_والفاء فلالي غيرك أحدٍ أرتجيله
    لاضاق عليه الكون ويش الوسيله
    حني على قلبٍ مضيع دليله
    ساهر طوال الليل من الهم مسقوم

    ق_القاف قالت مرحبا ياهلا بيك
    بوسط قلبي ياحبيبي أداريك
    أنت منايه وبحياتي أنا افديك
    ومني الوفاء يوم الوفاء صار معدوم

    ك_الكاف كن الحزن لك دوم مكتوب
    وكن النهار دايم أبد ماله أغروب
    يابنت من حبك أنا وألله ما توب
    ألين يتوب ألناس عن ألحج وألصوم

    ل_ والام ليت اللي يلوم المفارق
    يعيش دايم بين الاحزان غارق
    ويضيع عمره بين رعد وبارق
    ولا بداب يلدغه ويموت مسموم

    م_والميم مالي في هواء غيرك أحساس
    إنتٍ ملكتٍ القلب من دون مقياس
    مالي بكل الخلق ناس مع ناس
    يكفي على لامت قلت لي مرحوم

    ن_النون نون العين إنتي ودواها
    وشوفة عيونك ماتمنى سواها
    وادري الهواء مايحرك هواها
    الا لمن حبه غدا في القلب موسوم

    هـ_الهاء همومي زايده عن همومك
    ويوم الفرح عندي بساعة قدومك
    أشوف أنا زولك واسمع علومك
    وأخاف يكون البعد ذا أمر محتوم

    و_الواو وألله أن حبي لك حقيقه
    وعلى غيابك ما أقدر أصبر دقيقه
    مهما يكون الحب باتبع طريقه
    لو كان حبك دربه الموت مقسوم

    ي_الياء ياليتك ماأعترفتي بحبك
    وياليت دربي ما لقى يوم دربك
    وشلي أنا بالحب ويش ذنب قلبك
    قلبك حزين وقلبي من ألحب مضيوم--

    --.................................................. .................................................. ....................
    اللالفية(2)مثلك لازعل ماكل شي يرضيه



    حتى الأسف وأن زاد مايكفيه


    لأنه غالي وجب عليه التغلي


    ولايعرف قدره غير من يغليه


    وأنا أمرت الحروف تنوب عني


    بالعذر وشيطاني معها راح يغويه

    """""""""""""""""""""""""""""""""""""""""""""""""" """""""""""""""""""""""""""""""""""""""""""""""""" """"""""
    الألف أحاول أنساك بس ماأقدر

    ماقوى قلبي نسيان حبيب راعيه

    الباء باقي قلبي على حبك

    ومعك حبل الموده قلبي مايرخيه

    التاء تدري كم أتحمل لابغيت فرقاك

    أتحمل طول مده كلمه مثلك ماأبيه

    الثاء ثلث قلبي لي والباقي تملكه

    دامك عرفت ودي قلبك علي ماتقسيه

    الجيم جرحي لانزف معروف طبه

    بعد الله غيرك مايقدر يشفيه

    الحاء حلم حلمته جعله يتحقق

    أنك لحب غيري قلبك تعميه

    الخاء خلدت أسمك وسط قلبي

    ويبطي أنسان أسمك بقلبي يمحيه

    الداء دره محبتك أنك ماتدري

    وش ورا حبيلك تقدر تجنيه

    الذاء ذرفت عيوني دموع المفارق

    بغيبتك ولو دمعي بوادي الرمه كان يجريه

    الراء رمز المحبه لك يبقى

    ودعاي أن الله لأآخر حياتي يبقيه

    الزاء زينك ساحر كل مخلوق

    حتى بليد الأحساس في حبك تشقيه

    السين سهم الموت لاشفت عيونك

    دونها عن عيني بالحسد أرقيه

    الشين شفت نفسي من كثر ماتحبك

    ودها غيرك من الخلق ماحد تطريه

    الصاء صومت نفسي عن حب غيرك

    ولاأفطرت مايكفر ذنبي غير الموت ويمحيه

    الضاد ضعت في هواك ومحبتك

    ولحبك حطيت سد منيع للأختراق يحميه

    الطاء طموحي أنه يقلل غيابه

    حتى دقايق غيابه كتبي تقدر تحصيه

    الظاء ظماء روحي معروف نوعه

    لاصرت من أحساسك العذب تجفيه

    العين عين تبي التمتع بلا شوفتك

    مثل الحطب بيشتب بدون النار لاتجيه

    الغين غم وهم عشته بغيابك

    والصعب أني عن العالم أخفيه

    الفاء فرح أعيشه من راسي لاساسي

    لاصرت قدمي لو فرحي الزعل يغطيه

    القاف قمر مثلك ليته مايطلع

    للحساد ولا نظره منهم تنهيه

    الكاف كحل عيني في شوفتك

    لأن شوفتك تبعد الهم وتجليه

    الام لاحد يحاول يفرق بيننا

    لأن قلبي مات بحبه وصعب نحييه

    الميم ماقدر على فرقاك ألا

    لاصار كل مخلوق بالأرض الرمل يحصيه

    الهاء هلابك عندي بكل حزه

    لأن غيرك مستحيل القلب يطريه

    النون نشيل أحزاننا عن بعضنا

    وباغي وضعنا مايستمر عسى الله يخزيه

    الواو وادي مايرتوي من فيض حبك

    مطمعه زايد وصعب أحد يرويه

    الياء يبطي أحد ياخذ مكانك

    قلبي لك ونبضه لاصرت بالمحبه تغذيه

    جيتك بالحروف الهجائيه ورجواي حاجه

    تسامحني ولا قراري لموتي ماراح أثنية
    اخر تعديل كان بواسطة » abo(^_^)odi.... في يوم » 26-07-2009 عند الساعة » 15:54
    [SIGPIC][/SIGPIC]Njl39806
    ،،،،،،الـد نــ اخذ ,و, عطى ـــــيا,,,,,


  2. ...

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter