السلام عليكم
اكيد كلنا تمر علينا أشياء ماتعجبنا
نقول راينا فيها
نسخر
نتلعّب
ننتقد
و نضحك عليها او على تعليقاتنا
بهالصفحة ابغاكم تكتبون شي تلعبتون عليه او انتقدتوه و ضحكتو ^^
و اتمنى اشوف فناتك مكساتية غير شكل
ملاحظة هامّة
ياحبّذا البدليات* الي تصير و انتون تسولفون نعتبرها بهارات هالصفحة يعني تعليق على شي او بدلية تحفة
و يمنع التندر بمايقوله الأعضاء او اطلاق القاب من وراهم بسببها خخخ
رقم 1
مرة طالبة تسولف في الحصة و انا كنت اكتب على البورد و لما لفيت و شفتها سالتها واتز يور نيم ؟ كنت توني ادخل عليهم الحصة الأولى
قالت / ملاك
قلت ليها طيب ليش ماتصيرين ملاك و تسكتين خخخ
الفصل كله قام يضحك ماتوقعوا هالتعليق مني
و هي تنرفزت عليهم و قالت مايضحك و ظلت مفوحة طول الحصة ساكتة مطنقرة خخخ
هالبنت طلعت قوية عيون و انا من اول يوم جعمتها و انا ما ادري عن سوالفها
و مرة كانت معلمتهم العربي تشتكي لي منهم قالت لي و هذي ملاكوه تعلج علوج على طول و تحاول تستفزني
قلت ليها ملاك الي قاعدة في المكان الفلاني قالت اي
علمتها الموقف الي صار و كيف تفشّلت من ضحك زميلاتها عليها و من داك اليوم ملاك صم بكم بحصتي
حتى اذا اسالها اي سؤال ابد مو عايشة معانا الأخت معلمة العربي تشققت شمتت فيها طبعا ^^
انتقمت منها مرة ثانية عمدا شلون اقول ليكم
باخر اختبار سويته ليهم غابت انا محذرة لا حد يغيب لأنه اختبار تحسين و انا متكرمة عليهم به فوق الكرف عشان يعدلون درجاتهم
قلت بداخلي طيب افرجيش ملاكوه فرحانة بدرجتش بالإختبار الاول و انا عندي ماتفتحين كتاب
جا يوم كنت اتناقش مع مساعدة المديرة و احنا نسولف قالت اذا عندش بنات علل غابوا بالامتحان جيبيهم يمتحنون قدامي قلت بس الحين اوريهم شلون يتحدوني
صعدت للفصل الي هي فيه
قلت وين فلانة و علانة و فلتانة قالوا نعم قلت يالله انزلوا امتحنوا بالإدارة
وديتهم و عطيتهم الأوراق و رحت عنهم خخخ
هذا كان تعليق ماقصدت اسخر فيه و خلاها تفوح و الحركة الثانية قصدتها عشان لا تفرح بدرجة أول امتحان و اعرفها قدرها الكسلانة
بانتظاركم / زين أبيها
المفضلات