مشاهدة النتائج 1 الى 4 من 4
  1. #1

    رواية(دلع بنات)تجنن...لاتفوتكم...

    بسم الله الرحمن الرحيم
    رواية(دلع النات)
    للكاتبة/قمر14
    بمساعدة/نووونه

    عائلة عبد العزيز(أبو ريم):عمره 40 سنه يحب بناته كثير.
    الام فاطمة:عهرها 35سنة شديدة بعض الاحيان على بناتها.
    ريم:اكبر وحدة عمرها29سنة جبارة كلمتها ماشية في البيت والى الان مانكتب لها نصيب.
    رهف:عمرها 22سنة تدرس في الجامعة سنة ثالث تخصص تغذية...انطوائية ما تحب تطلع من البيت كثير..جذابة واطول وحدة في خواتها.
    منى:عمرها 21سنة تخصصها هندسة ديكور...حلوة ملامحها مختلفة تماما عن ملامح خواتها...ماتحب حركات المغازلة.
    روان:عمرها 19سنة آخر سنة لها بالثانوية وهي جدا مقربة لخواتها غادة وعبير لانها فرفوشة زيهم وتحب الخرجة كثير.
    غادة وعبير:أخوات توأم غادة عمرها 18 سنة وعبير 18سنة ودقيقة(هههههههههه)يشبهون بعض الفرق بينهم عبير شعرها طويل وغاده شعرها قصير.
    ترف:عمرها 16سنة مرجوووجة اهم شي عندها المظهر الخارجي.
    بداية القصة..........
    دق الجرس وقامت عبير تناقز تبغى تعرف مين اللي جاء..طلعت الخدامة من المطبخ تبغى تفتح الباب جاء صوت من وراها وكانت عبير قالتلها:لا انا بفتح الباب خلاص روحي...هزت الخدامة راسها ورجعت المطبخ...راحت عبير تفتح الباب وتفاجأت لمن شافت محمد ولد عمها على الباب...عبير وبكل هدوء:اهلين محمد تفضل البيت بيتك..
    محمد وهو يطالع فيها من فوق لتحت:مشكورة...عبير استحت من نظراته وصار وجهها احمر لانها كانت لابسه شورت فوق الركبة لونه فوشي وتوب ليموني....لاحظت انها بالمدخل لحالها وانتبهت لمحمد اللي دخل الصالة...راحت اخذت الانتر فون ودقت على غرفة امها ردت امها وقالتلها مامي بليز قولي لبابا انه محمد ولد عمي يبيه تحت قالتلها:طيب خلي موكاتي(الخدامة)تجهز القهوة...راحت للمطبخ وقالت لموكاتي جهزي القهوة وجيبيها الصالة....طلعت على طووول فوق لانها استحت من نظرات محمد لها...محمد استغرب انه هو الوحيد اللي بالصالة ماجاه احد فجأة....سمع صوت من الدرج يقوله:حياك تو مانور البيت...قام محمد وسلم على عمه وقاله:منور بوجودكم...لحظات سكووت بين الطرفين ودخلت موكاتي بالقهوة وهي تقول:تفدل(تفضل هههه) بابا....محمد صار يضحك على منظرها وقام صب لعمه قهوة ورجع مكانه وقال:ياعمي عندي موضوع بس ماقلت لابوي لانه متعصب واكيد بيزعل مني....ابو ريم قال في نفسه غريبة ايش الموضوع اللي بيقوله لي وما قاله لابوه..وقال:تفضل يابوك انا اسمعك....ارتاح محمد من ردة فعل عمه وبدأ في الموضوع على طووول وقال:ياعمي انا رسبت في مادة وخايف اقول لابوي ويزعل مني وابيك تقوله اذا ماعليك امر
    ابوريم:ابشر انا بساعدك وان شاء الله مايزعل منك....هنا ارتاح محمد واتاكد انه عمه بساعده فاستأذن من عمه وطلع من البيت.

    عبير كانت بالغرفة تفكر وجاها صوت شتت الافكار من راسها.... وقالت روان بحدة:عبووور ليش ماقلتيلي انه محمد كان موجود؟؟؟
    عبير بدون نفس:ماكان لي نفس اروح لغرفتك مشوااااار....هنا روان ارتفع ضغطها وطلعت من اغرفة وهبدت بالباب وراها.

    في مكان اخر من هذا المنزل كانت في بنت مندمجة مع فيلم على mbc2قاعدة تبكي متأثرة بالفيلم وتاكل بوب كورن(فشار)دق جوالها وكانت صديقتها جنى هي المتصلة....ردت غادة بسرعة عليها تبي تلحق على الفيلم ومن حسن حظها كانت فيه دعاية فسمح لها انها ترد....غادة وهي ترد بسرعة:هلا جنى كيفك؟؟...جنى:تماام الحمدلله انتي كيفك؟؟...غادة وهي تناظر التلفزيون خايفة الفيلم يبدأ فقالت:تماام بغيتي شي لاني قاعدة اطالع الفيلم.....جنى:أي انا بعد بكرة مسوية حفلة بالبيت عشان بنت خالتي ريوف وابيك تجين انتي وخواتك....غادة:ان شاء الله بس اكلم مامي واردلك....جنى:حبيبتي غدوو تبين شي عشان انا بقفل....ردت غادو بسرعة لانه الفيلم بدأ:لاتسلمين مع السلامة...وقفلت بدون ماتسمع رد جنى ورجعت تطالع بالفيلم....جاها صوووت وهي عرفته وقالتلها ريم:انتي ماطفشتي من هالافلام....غادة:لا ولو سمحتي لاتشوشين علي..هنا ارتفع ضغط ريم من رد اختها لها وراحت وهي معصبة.

    دق جوالها وهي كانت بالحمام تاخذ لها(شاور)سريع لأنها كانت تلعب بالحديق مع قطوتها وطلعت ترف بسرعة تبي تلحق ترد وتفاجأت.....لمن شافت اسم المتصل؟

    تتوقعون مين اللي دق على ترف؟؟؟
    وكيف بتكون ردة فعل أبو محمد لمن يعرف؟؟؟
    انتظر ردودكم


  2. ...

  3. #2

  4. #3
    سلام
    تسلم على الرواية شكلها حلوة بس يا ريت تكمل
    تحياتي
    some times when you happy...every one sees your smile
    Some times...when you cry...no one sees your tears

    تحيااااااااااااااااتي

  5. #4
    قراءة ممتعه
    x
    x
    x
    x
    x
    x
    x




    البــــــــــــــــ2ــــــــــارت
    حس بدوخه براسه من كثر الأوراق اللي قدامه....دخل السكرتير عليه وقال:أجيب لك بندووول استاذ تركي؟؟
    تركي:لا مشكور أصلا انا الحين رايح البيت واي مواعيد إلغيها لي.
    السكرتير(احمد):إن شاء الله.
    أخذ الجاكيت حقه من على الكرسي وطلع برى المكتب متوجه للسيارة.

    في يوووم جديد وبعد خروج الشمس وزقزقت العصافير ........نزل من الدرج وهو لابس الثوب لحقته فاطمه(ام ريم)وقالت:بتتأخر عشان الغداء؟؟
    أبو ريم:أظن اني بتغذا عند اخوي ابو تركي..
    فاطمة:يعني مانستناك ع الغداء؟
    أبو ريم:لا إتغدوا انتم ولا تنتظروني.
    فاطمة:في امان الله.
    طلع من البيت ولقاء محمد يستناه بالسيارة ركب وقال:كيفك ياولدي(على فكرة أبو ريم يعتبر محمد ولده لانه ماعنده اولاد)


    عايلة أماني(صديقة عبير)

    سعد(ابو سلطان):45سنة
    منيرة(ام سلطان):40سنة
    سلطان:عمره30سنة متزوج بنت عمه ماعنده اولاد وعنده مشاكل مع حرمته ومو متفاهمين.
    مشاعل:عمرها 23سنة تشتغل في مستشفى شعرها إلى نص ظهرها عيونها رماديه وجسمها رشيق.
    اماني(صديقة عبير):عمرها 18سنة شعرها قصير سمرة شوي طويلة وجسمها حلو.
    سلمان:عمره5سنوات دلوع البيت وهو اخر العنقود.

    قاعدة تحط لمسات خفيفة من الميك اب وقفت واتجهت للدولاب محتارة ايش تلبس طلعت لبسين الاول جيينز وتي شيرت اورنج والثاني هاي نيك اسود ونفس الشي جيينز...طق الباب مشاعل:تفضل...دخلت أماني وشافت اختها محتارة ايش تلبس...مشاعل:امووووووووون ايش احلى؟؟....اماني ردت بعد تامل في اللبسين قالت:البسي الهاي نيك الاسود....مشاعل وبدون تردد سمعت راي اختها ولبسته واخذت اللاب كوت (البالطو)وخرجت من الغرفة متجهه للسيارة.

    راحت ترف عند غادة اللي كانت بالصالة وقالتلها:نسيت أقول لك انه امس دق علي تركي ولد عمي وانا بصراحة استغربت وقال لي:ان اليووم معزومين على العشاء في مطعم water lemon.....غادة:ياااااي خلاص انا بقوم البس....ترف:تو الناس حتى الليل ماجاء هو قال لي بعد صلاة العشا نكون جاهزين.....غادة:لو سمحتي لاتقولين لريم عشان ماتسوي لنا سالفة....ترف:عارفة أصلا ولا افكر اقول لها....وراحت ترف قالت لاخواتها عشان يتجهزون ماعدا رهف اللي رفضت انها تروح معهم.


    بيت عبد الرحمن(ابو تركي):عمره 44 سنة متعصب جدا ونفس الوقت قلبه طيب.
    أمهم نورة ماتت من قبل 5سنوات
    تركي:اكبر اولاده عمره 24سنة يحب بنات عمه كثير وخصوصا ترف لانها اصغر وحده.
    محمد:عمره 22سنة يحب الوناسة واجمل واحد بين اخوانه وهو بالجامعه تخصص هندسة.
    مها:عمرها 12 سنة تحب تقعد مع صديقاتها كثير.


    وصل محمد وعمه للبيت لقي ابوه بالصالة يشرب شاي وطلع محمد على الغرفة وقعد أبو ريم مع اخوه يسولف....أبو ريم:أنت تدري ياخوي انه الدراسة بالجامعة صارت سهلة يعني الواحد اذا رسب يحمل المادة معاه....أبو تركي:وانا اخوك كانك قاعد تلمح على حاجة....أبو ريم:بصراحة اي ولدك محمد رسب في ماده بس لاتتضايق وانا اخوك.....أبو تركي وبكل برود:أصلا انا عارف هذا الولد مافي منه فايدة......استغرب ابو ريم من ردة فعل اخوه وحمد ربه انه ماعصب..

    هل ام ريم بتوافق على روحة البنات عند جنى وايش راح يصادفهم؟؟
    وايش راح يصير لهم اذا راحو مع تركي يتعشون؟؟؟

    --------------------------------------------------------------------------------

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter