تعودنا على ذكر لقب الحمار على الغبي

والاسد المغوار
وغيره .
ودي اسألكم سؤال ..
وش فرق الاسد عن الحمار ؟؟
والذيب ؟؟
والحصان ؟؟
ولا حتى الكلب ؟؟
كلهم حيوانات .. قلباً وقالباً
والي يفرح بان الواحد يقول له يا اسد فهو خسران .. الاسد معروف عنه انه كسوووووووووول ولا يتحرك الا بالسنه مره ..
وريحة فمه شينه
وزوجته اللبوه هي الي تصيد الفرائس وتجيبها لحد عنده
وانه عمال على بطال ..

وفوق كذا غدار .. لو تربى عند انسان طول حياته وبيوم جاع .. يأكله بدون مقدمات ..
زي الذيب .. غدار ولا له امان .. واذا جاء يصيد الدجاج من طبعه يدخل ويقتل الي يقدر عليه من الضعاف المساكين وياخذ وحده ويمشي ..
يعني فيه خصلة النذاله

وفوق كذا جبان .. مايحارب اي حيوان اقوى منه .. ويخاف من النار ..
يعني ودي اشوف اللي يفرح اذا قالوا له ياذيب وش يحس فيه ...

على الاقل الحمار ماياكل الا عشب واشياء متوفره ولا تسبب هيجان باي حال من الاحوال ..
وفوق كذا الحمار طيب وحنون وداجن يتربي بالبيت ولا يتركه ابد .. ويشيل الحمل عن صاحبه ومطيع .. وينضرب ولا يقول اي ..

مع كذا .. حليب انثى الحمار اطيب واحلى من حليب الام البشريه ..

فقط انه ذكر بالقران وان صوته قبيح ..

الكلب الي نتشائم من قولته .. واذا احد قال لك ياكلب تزعل .. ليه ماتزعل اذا قال لك يا اسد ؟ بس عشان الاسد اشقراني وشعره طويل وعامل خصل ذهبيه ؟؟

الكلب على الاقل وفي .. مافيه زي وفاء الكلب ..دايم نسمع عن قصص كلاب ماتت من الحزن على اصحابها ..
الادمي مايموت من الحزن مثله ..
الكلب مايأكل لحم اوادم .. حتى لو جاع قليل يسويها الا بالمناطق المهجوره وجته لحمه طريه مالهاش صاحب ..

الكلب حارس امين ..

ليه بعد نزعل لو قال لنا احد يادجاجه كنية عن الخوف والجُبن ؟؟

الدجاجه مافيه احلى منها .. ولو اني للحين محتار من الي جاء اول الدجاجه ولا البيضه .. بس الدجاجه طيبه قلب .. دوبها دوب حالها .. تطيع زوجها .. تهتم باولادها ..

صدق هي عليها حركات اذا جت تأكل بحيث انها تنثر كل الحب الي قدامها برجولها على وراء..

شي يقهر .. بس بنفس الوقت مفيده ولذيذه ..

حتى الثور .. اشوف ناس ينعتون بعضهم بالثيران ..
الثور مفيد .. وطيب .. ولاهوب غدار .. وفيه حميه على بقرته .. وبنفس الوقت يحرث الارض ويجر العربات ويأكل ضرب ولا يقول أي ..

مشكلتنا احياناً نناقض انفسنا ..

ولا كم واحد منكم مايزعل اذا قلت له ياحيوان ..
لكن لو قلت له يا اسد يفرح ..
والاسد حيوان ..

انا طبعاً احب الحيوانات .. عشان كذا حبيت اوضح انه موب كل واحد يقول لك ياذيب ... يانشمي .. تفرح ..

قل له يا ادمي ...


بالمناسبه .. ودي اقول لكم عن حديقة حيوان في لندن ..
تدخلها وتلاقي طبعا كالعاده عند كل حيوان لوحه ارشاديه تتكلم عنه وعن مدى خطورته ..
وكل حيوان يكتبون بعده انتبه يوجد حيوان اخطر
وهكذا ...

حتى تصل الى لوحه مكتوب عليها ..
انتبه وخذ الحذر الان ستقابل اخطر حيوان في العالم ..

بالاخير ماتلاقي الا مرايه ...

المقصود منها ان الانسان .. اخطر كائن على الارض

وش رايكم انتم ؟؟

wink smile smile smile smile smile smile smile smile smile smile wink wink wink wink wink wink