كنت أتصفح أحد المواقع الصديقة ولقيت موضوع غريب ما أعرف إذا تناقشتوا فيه ولا لا وهو على فكرة منقووووول (^_^)
والد ناروتو
السلام عليكم..
طبعاً كلنا عارفين الأنيمي الشهير Naruto .. أحسن انيمي شوفته في حياتي .. والي بيميزه ان كل شخصيه فيه ليها خط درامي مختلف عن التانية.. بمعنى ان الأنيمي ولو كان باسم شخصية واحدة.. لكن كل شخصية فيه ليها عشاقها وتعتبر شخصية بطولة في حد ذاتها ..
لكن الي شاف الانيمي ولسه بيشوفه.. ما فكرش مين هو أبو وأم ناروتو ..
المشكلة في أم ناروتو..
المشكلة في أبوه.. وأظن ان في كتير ومنهم أنا بيشكوا ان أبو ناروتو هو الـ Fourth Hokage .. لوجود شبه كبير بينهم ..
لكن بعيد عن حكاية الشبه..
خلينا نتكلم بطريقة عقلانية نوعاً ما..
لو جينا فكرنا .. هنلاقي ان الDemon fox أو Nine-Tailed Fox أو الKyuubi المحبوس في ناروتو.. هو الي دمر قرية Konoha.. وموت شينوبي كتير .. والقرية كلها كرهته.. يعني ماحدش هيرضى انه يتحبس في ابنه.. بمعنى أصح.. أنسب شخص لحبس الكيوبي فيه هو ابن الـ Sealer أو الي هيقوم بتكنيك الحبس ( Fuujin ) نفسه.. وده يخلينا نفكر فعلاً ان ناروتو هو.. ابن الهوكاجي الرابع..
كمان لو فكرنا .. هنلاقي ان ساروتوبي -الـ Third Hokage - وهو بيعمل تكنيك الحبس لأورتشيمارو.. حبس روح إيد اورتشيمارو في جسمه.. وبعدها مات.. ونفس التكنيك هو الي استخدمه الهوكاجي الرابع في حبس الكيوبي.. يباه ليه ما حبسوش في جسمه وريح الناس منه ؟؟
قريت في منتدى أجنبي .. وجهة نظر عجبتني جداً.. وهي أن الهوكاجي الرابع ممكن يكون حاول يحبس الكيوبي في جسمه فعلاً.. بس بسبب القوة الهائلة للكيوبي .. جسم الهوكاجي لواحده ما قدرش يستوعبه كله.. فحصل Overflow أو زيادة اضطر الهوكاجي الرابع يحسبها في جسم تاني.. وأنفع واحد للحكاية دي .. كان ابنه ناروتو.. كمان تقريباً صاحب الرأي ده كان بيكره الهوكاجي الرابع.. فقال ان الكيوبي لما ان الهوكاجي الرابع مات .. الجزء الي اتحبس فيه من الكيوبي استولى على جسمه.. وبأه عايز الجزء التاني.. الي هو محبوس في ناروتو.. وده يفسر سعي منظمة الـ Akatsuki لناروتو.. والي قرأ المانجا .. هيلاقي فعلاً رئيس الـ Akatsukie فيه شبه كبير جداً جداً من الهوكاجي الرابع وناروتو .. لكن الفرق انه حاطط حلقان في وشه في مناطق مختلفه.. وان عينيه لونها أحمر..
صورة لـ " بين "رئيس الـ Akatsuki ومقارنة بينه وبين ناروتو :
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1024x768 والحجم 81 كيلوبايت .
وصاحب وجهة النظر دي بيقول ان عينيه ممكن تكون اتحولت من أزرق الي هو لون عين الهوكاجي الرابع الأصلي .. للأحمر لأن التشاكرا الخاصة بالكيوبي لما بتستولي على جسم المضيف بتحول لون العين لأحمر.. وده الي بنشوفه في ناروتو لما يبدأ يستعمل تشاكرا الكيوبي..
كمان لو جينا نشوف .. هنلاقي أعضاء الـ Akatsuki هو 9 أعضاء.. كلهم هاربين من قراهم، مرتبين حسب قوتهم.. كل واحد منهم بيلبس خاتم دال على درجته وقوته.. وهنلاحظ كمان ان عدد الوحوش دي هو 9 وحوش..تتراوح في القوة.. أقلهم قوة هو الي له ديل واحد وأقواهم هو الي له 9 ديول الي هو الكيوبي .. يعني ممكن نقول ان غرض المنظمة دي هو الاستيلاء على كل الوحوش دي وتتوزع عليهم بحسب قوتهم.. ولو فكرنا كده هنلاقي ان رئيس المنظمه وأقوى عضو فيهم.. هو الي فيه شبه كبير جداً من الهوكاجي الرابع ومن ناروتو.. فمحتمل يكون كل غرضه من المنظمه دي انه يجمع الجزء الباقي من الكيوبي المحبوس في ناروتو..ابنه..
بغض النظر.. انا فعلاً معتقد ان الهوكاجي الرابع هو أبو ناروتو.. بسبب الشبه الكبير بينهم.. خصوصاً وان تكنيك الهوكاجي الرابع Rasengan .. خلصه وما لحقش يطور فيه لأنه مات..والوحيد الي طور في التكنيك ده وغير فيه هو ناروتو.. الي محتمل يكون فيه نفس نوع تشاكرا والده..الـ Fourth Hokage .
كمان لو جينا نشوف هنلاقي أن السكرول الخاصة باستدعاء الضفادع.. مكتوب فيها اسم قبل اسم جيرايا.. والمترجمين والناس الي بيفهموا ياباني لم جم يترجموا الاسم المكتوب.. قالوا ان الاسم تم طمسه - يعني جعله غير واضح - .. وده يخلينا نفكر فعلاً ان في سبب لكده.. وان يكون الاسم المطموس ده هو اسم الهوكاجي الرابع..
ومعروف ان السكرول دي اتنقلت من جيل للتاني.. وكان آخرهم هو جيرايا.. لو كانت نظريتنا صح.. انها اتنقلت لجيرايا بعد الهوكاجي الرابع لأن اسم الهوكاجي الرابع مكتوب فعلاً قبل اسم جيرايا.. لأن رغم طمس الاسم انما تم تحديد كلمه منه ولو كانت غير واضحه.. وهي كلمة Minato وهي جزء من اسم الهوكاجي الرابع الي اسمه هو Minato Namikaze ..رغم ان صاحب فكرة الآنيمي قال اسم تاني.. وفي اسامي تانية..لكن الاسم ده هو الأقرب للحقيقة..
ودي صورة مصغرة للهوكاجي الرابع :
صورة تانية فيها شبه من ناروتو :
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 1024x768 والحجم 275 كيلوبايت .
أرجوكم حطوا لي تقيم![]()






اضافة رد مع اقتباس








المفضلات