قصة حب في إيطاليا
& الجزء الأول &
للكـــــــــاتبه :-
ღ تـــآج الغــلا ღ <<صقيقتي
الساعه 8 صباحاً . راكان نايم على ظهرهـ قام و اخذ جواله وشاف الساعة..:. يـــوهـ والله تونا بدري اف . ..
قام راكان غسل وجهه ولبس البدله يلي تاخذ العقل ومحددهـ جسمه النحيل المعضل
راكان وهو يصلح شعرهـ ويعدل فيـه ..:..أكيـد أختي ريناد قايمه الحين عشان تروح تاخذ شهادتها ..
راح راكان تحت وهو نازل سمع همس أحد بالمطبخ ...دخل المطبخ ...
ركان متفاجئ :. ريـــــــــــنـــــــــــاد ما شاء الله عليك وش تسوين في المطبخ ..
ريناد تناظر راكان من طرف عينها :. طيب قول صباح الخيــر قول شئ مو كذا تدخل وبس ...
راكان مبتسمه ومقرب من ريناد:. ولا يهمك صبااح الخـــير ياختي ...
ريناد تناظر راكان من تحت لفوق :. أيـــه وش ذي الكشخه وين رايح بذا الصبح ..
ضحك راكان وباس أخته من راسها :. بروح افطر برا أخذ جوا بالسيارهـ ..
ريناد بضحكه شريرهـ :. أأأأأأيــــه .وانا اقوول وش ذي الكشخه ..
راكان مبتسم :. يلا تامرين على شي خيتو ...
ريناد بحب :. لا يا خيو سلامتك ..
خذ راكان نظارته الشمسية وخذ جوالــه وطلع من الباب الرئيسي للقصر الكبير والسواق جهز سيارة راكان (( بنتلي كوبيه )) فتح باب السيارة ركان يكلم نفسه :. وين تروح يارااكان ..!!..
مممم ويــن أروح ..!!..يلا خلني أخذ جوله ع الرياض ...
ركب السيارة وطلع وراح ولف الشوارع ماخلا شارع ما راحله ولا حي ما راحله وكان يدور مكان عشان يفطر فيته لأنه كان ميت من الجوع كان مسرع من بين الأحياء إلى فجئه صار له حادث بسيط بسيارة موديلها جديد ونزل راكان على طول إلا شاف اللي يسوق سواق واللي ورى فتاه ..نزل السواق يهاوش
السواق بعصبيه :. إنتا ما في شوف
راكان يهدي الوضع :. يا بن الحلال آسفين ما كان قصدنا
إلا انفتح الشباك يلي ورا السائق
( البنت ) بصوت ناعم :. يلا اركب يا علي (( علي يلي هو السائق )) بسرعة تأخرنا عن موعد الطيارة
علي متجه للسيارة :. مدام كيف روح وهذا كفر ما فيه كويس ..
( البنت ) تتافف :. أأف يررربيــه
راكان حس بموقف حرج على ان هو اللي سوى هذا كله وكان يبي يصفي النيات :. أنا أوديك ولا يهمك
( علي ) :. مدام يارا أركب بسيارة هذا ولد انا انتي ..!!..عشان روح مطار ..
عرف راكان أسم البنت وقال لنفسه :. عاشت الأسامي والله ..
يارا بأستعجال :. طيب معليش نستعجل ..!!..
راكان بأدب :. يلا حياك الله ..
أخذ راكان الشنط حقت المدام يارا وحطها بسيارته ...ودق على السواق حقه عشان يجي يشوف السيارة حقت يارا ...
ركبت يارا سيارة راكان بس السواق ما ركب طبعاً يعني قولوا بس يارا و راكان ..و يارا راكبه ورى ...
ركب راكان و ابتسم ليارا :. يا أختي لا تخافين أعتبريني أخوك ..
..وهم ع الطريق ما تكلموا ولا كلمه ..بس راكان يبي يكسر حاجر السكوت
راكان بابتسامه وخوف :. ممكن أعرف اسمك ..!!..إذا ما كان عندك مانع ..!!..
يارا مكتفه يدينها :. ليه تبي تعرف !!..
راكان تمنى أنه ما سالها ذا السؤال وهو اصلاً عارف اسمها ..:. خلاص مو لازم أعرف أســمــ......(( قاطعت يارا
راكان ))
يارا :. اسمي ....يارا ...!!..
سكت راكان 3 ثواني وخذ نفس ..:. عاشت الاسامي ..
يارا بود :. عاشت أيامك ....ما دامك عرفت اسمي أجل وش اسمك ..!!..
ابتسم راكان ورفع حاجبه :. ..ليه تبين تعرفين ..!!..(( وحدهـ بوحدهـ ))
لفت وجهها يارا من جهة الشباك :. كيفك مو لازم أنــ....(( قاطعها راكان ))
وقال بصوت دافئ و رجولي :. راكان اسمي راكان ..
ما كان يدري راكان وش ورى الطرحة لأن يارا ابتسمت ابتسامه تجنن وعضت الشفايف ...
وصلوا للمطار ...
فتح راكان باب السيارة ليارا ونزل شنطها وساعدها ..
يارا بخوف و ارتجاف:. يمــــــــــه
راكان يضحك :. وش فيـك خايفة ..!!..
يارا بتوتر :. أيه والله هذي أول مرهـ أجي للمطار ..
راكان مستغرب :. جد والله هذي أول مرهـ ..!!..
يارا :. أيه والله ..
راكان رفع حاجبه باستغراب :. طيب ليه تسافرين وما معك أحد ..!!..وين رايحه ..!!..
يارا :. أنا رايحه إيطاليا وأهلي كلهم هناك وأنا بس هينا يعني انا هينا في بينت خالي وامي ارسلت بطاقة السفر وكل شي وخالي مايقدر يترك عياله وشغله ويروح معي
راكان ميت من الضحك :. وأنتي الحين ما تدرين وش السالفة ..!!..
يارا بصوت بريء:. أيوهـ مدري وش السالفه ..!..
راكان مبتسم :. طيب عطيني جوازك أوديه هيناك ..!!..
يارا :. لا ما راح بعطيك ..
راكان بصوت عالي :. ليــــه ...!!..
يارا رفعت حاجباه وناظرته من طرف عينها :. أنت عارف أن فيها صورتي ولا ..
ابتسم راكان :. يا بنت الحلال أوثقي فيني
ناظرت يارا عيون راكان الناعسة العسلية اللي تلمع :. طيــب خذ وراح أستناك هيناك
..راح راكان وعطى حق الجوازات ...(( النساء )) عشان يشوفون متى موعد الطيارة وصاحبت الجوازات مدة يدها إلا طاح الجواز على الأرض
( المشرفة ) :. متأسفة والله ..
راكان بود :. لا عادي حصل خيـر ..
إلا صار الجواز مفتوح وفيـه صورة يارا ...يناظر راكان بصورهـ يارا ما قدر يوصف جمال يارا ..راكان بنفسه :. ما شاء الله جمال وأخلاق وأدب ...
أخذ الجواز ودق على أهلـه وقال أن عندهـ سفرهـ بالمرهـ ضرورية ...
راح راكان ليارا :. يا يارا بعد ساعة ونص موعد الطيارة ..
حست يارا أنها ضايعه :. طيب يعني أروح هناك وش أسوي ..!!..
قعد راكان يضحك عليها :. هههه اسمعي أنا دقيت على أهلي وقلت لهم أني راح بسافر معك ..
يارا مو مستوعبه أبداً :. أأأأيـــش..!!..
ابتسم راكان وقعد يحك راسه :. أسمعي يا بنت الحلال أنا قلت لأهلي أنهم يجهزون أغراضي ويخلون السواق يجيبها بأسرع وقت ..فهمتي ..
عقل يارا بوادي وهي بوادي ثاني :. يعني بتروح معاي..!!!..
راكان :. أيـــوهـ .....برووح معاكي ...ههههه
(( أتمنى تفاعلكم يزداد معي ))
؟؟؟؟
..
المفضلات