السلام عليكم
كيف الحال ؟؟؟
وش الأخبار؟؟ مع العطلة؟؟ عسى ما في طفش
بعد انتها الدراسة على خير والحمد لله ..
حبيت اخبركم عن العيال في حارتنا اثناء روحتي وجيتي من والى المدرسة
لا تظنون السوء ، ما شاء الله تبارك الرحمن عليهم الله لا يغير عليهم أدب وأخلاق
ليت كل عيال السعودية مثلهم.
بقولكم ثلاث مواقف حصلت معي منهم تكفي لشرح اخلاقهم وتربيتهم:
الأول :
طبعا انا احيانا رايحة راجعه من المدرسة على رجلي ،وأكيد بمر ببيوت الناس
ومرة كنت راجعه من المدرسة ميتة حرررررررر وامشي بجنب الجدار وآخر طرف الجدار على الزاوية في باب
وكان قاعد عليه ولد قول في ال15 سنة وانا أمشي جنب الجدار بخطوات خفيفة بدون صوت عشان ما اطلع ازعاج لان البيوت ملزقة مرة مع الشارع ومتقاربة ، فوصلت لآخر الجدار ومريت جنب الولد ما بيني وبينه الا تقريبا نصف متر لما مريت طبعا البشت أسود فــ شهق وشهقت انا من الراعة والخوف بس محد منا ناظر الثاني ، فتتوقعون ايش سوا طنكم :ضحك، تبعني ، تلفظ علي مع ان مافي الشارع كله الا انا وهو ، أبدا
تدرون وش سوا دخل وسكر الباب على طول مع انه كان يقدر يسوي اللي يبي والوقت متأخر بس تربية احترام الناس واحترام اعراضهم خلته يسوي كذا.
الثاني:
نفس الحالة مارة من نفس الشارع وكان فيه مجموعه عيال من نفس عمر الأول وأكبر منه وكانوا شبه سادين الطريق ما أدري شسوي أقولهم وخروا أرجع وأروح مع الشارع الأطول ولا شلون ، ولما شافوني على بعد تقريبا 15 متر تفرقوا كلهم ومو كذا وبس كل واحد راح لبيته ،عشان فيه بنت بتمر .
يا سبحان الله عليهم كذا الشباب صح.
ولا يهونون باقي الشباب لكن انا أقولكم اللي شفت
بعدين ان شاء الله اكمل لكم الثالث
إذا أعجبكم الاول والثاني
سلاااااام
اضافة رد مع اقتباس
اوهااااااااااايووو
المفضلات