هذه رسالة وجدتها فى ايميلى وحبيت انقلها لكم
........................
يمه وينس
يمه يمه
الام : هلا بوليدى وش فيك سلامات وش جايبك فى هالوقت الساعه 10 الصبح وطالع من دوامك !!!!عسى ماشر ورنى راسك فيك حراره فيك شى !!
الدلخ : يمه الله يرحم والديس ما فينى شى اراس تعاملينى كنى بزر تلمسين فى جبهتى وراسى ويدينى !!
الام : والله ياوليدى انى اخاف عليك من الهوى الطاير !! هذا جزاى
الدلخ : لايمه انا ما اقصد الله يعافيس بس انا جاى ابقولس انى ابى اعرس ودى اعرس !! مليت يمه من العزوبيه
الام : الحمد لله ياوليدى اخيرا اقتنعت بالزواج .. ما اصدق عيونى .. ومن سعيدة الحظ .
الدلخ: !!
الام : قل ياوليدى تكلم لا تستحى !!
الدلخ : وحده يايمه وحده يوووووووووه يمه يازينها شمحوطه .. طول رهيييييب وخصر وشعرن طويل ولا الوجه يمه قمر خمسطعشر
الام: منهى ياوليدى شوقتنى ..
الدلخ : بنت الجيران يمه .. بنت الجيران عرفتيها
الام : اى الجيران .. الجيران واجد
الدلخ : ابو احمد اللى فى الزاويه شفته الصبح يركب بنته مع السواق حقهم ولحقتهم بسيارتى وراحو للابتدائيه اللى جمبنا .. ورجعت وسئلت السواق قال هذى سلطانه يمه والله شفتها عند الباب فاتشه وش زينها ..
الام : اللمحه ذبحه ياوليدى واخاف انك من الشفاحه صرت تتوهم كل شى قدامك زين وانا ياوليدى من سنتين ما شفت بناتهم بس ابروح اشوفهن اليوم العصر ..
الدلخ : يمه ورى ما تروحين هالحين !!
الام : منتب تقول انها رايحه قدامك للمدرسه وشلون اشوفها وهى فى المدرسه !!
الدلخ : اااااااااووووووووووووهه ناسى يمه انها فى المدرسه .. طيب يمه ورى ما اوديس للمدرسه تشوفينها !!
الام : هالحين صابر سنين ويوم صنفت معك تصير عجل اركد ياوليدى لاتفشلنا !!
الدلخ : يمه يعنى اروح للعمل وانتى ما شفتيها ... يووووووووووه الله اقوى بس العصر يمه لاتنسين ..
المهم العصر الام راحت وشافت البنت واعجبت الام مرررررره
راح الدلخ واخوه يخطبون البنت قال الاخ لاتكلم ابد بس انا اللى اتكلم وخذ هالسبحه معك عشان تلهى فيها ولا تبتسم ابد واذا سألك ابوها عن شى جاوب فى حدود سؤاله وبس ..
الاخ : جايين يابو احمد نخطب لولدنا رمزى ( ادلع نفسى برمزى ) ونبغى بنتك نوره زوجتن له على سنة الله ورسوله
الدلخ : لالالا مهيب نوره سلطانه المدرسه .. سلطانه اللى فى الابتدائيه اللى وداها السواق امس الصبح
ابو احمد : يا اخ محمد انتم تبغون نوره ولا سلطانه !!!!
الاخ: نبغى سلطانه بس انا زل لسانى وقلت نوره !!
ابو احمد : بس الرمح على اول ركزه وانتم قلتو نوره ومحد غصبكم على نوره انتم اخترتو نوره !!
الدلخ : زلة لسان وزودوها المشافيح يابو احمد !!
الاخ صار ينغز في الدلخ بمرفقه .. والدلخ يرد عليه مهوب انت تقول زلة لسان !!
الاخ : خلك ساكت الين اخلص كلامى
ابو احمد : اوه نسيت اجيب الشاهى لحظه ..وراح ابو احمد يجيب الشاهى .
الاخ : انت غبى يالدلخ تراك تهزء الرجال فى بيته تقول زودوها المشافيح يعنى هو زودها !!
الدلخ : اوووووووه وش درانى ياخى ياخى قللى وفهمنى ترا انا غبى بعض المرات
الاخ: اعتذر منه وقله انك تبغى سلطانه وان امك جت وشافتها واعجبتها .. خلاص
ابو احمد : هاه وش قلتو تبغون نوره لانها هى الكبيره وانا مستحيل ازوج سلطانه قبلها !!
الدلخ : وراه يبو احمد الحريم صارن مثل الغنم كبيره وصغيره .. هذى تضحى وهذى لا
الاخ : انت اسكت يخوى وخلنى ارد على الرجال .. يبو احمد الله يهديك قل للبنت وشاورها قبل ويمكن توافق تتزوج قبل اختها !!
ابو احمد : ابروح اشاور امها واشوف شوى وارد لكم خبر !!
الدلخ : اخوى اخوى وش دخل امها يشاورها ليش ما يشاور البنت !!
الاخ : اقول اركد شوى وش فيك تحقرص وكبيت بيالة الشاهى على طاولتهم !! قم امسح الشاهى قبل يجى الرجال بسرعه
الدلخ : نعنبو الزواج ياصعبه صعباه حتى رجلى قامت تصافق تقل فى عز الشتاء بردان ..
ابواحمد: لااله الا الله السلام عليكم .... اقول امها وافقت وتقول كان وده يشوفها قبل الملسه ( الملكه ) يجى بعد نص ساعه (حار بحار)
الاخ : الله يسلمكم يبو احمد وهذا من طيب اصلكم
الدلخ : الله يعافيك ياخالى ابو احمد ما قصرت ..
ابو احمد : بس ودى انك انت تجلس ياولدى ابغاك شوى
الدلخ : هذا اخوى وما بينى وبينه اسرار قل يا ابو احمد اللى فى بطنك قدامه
الاخ : يالله انا استاذن
الدلخ : وين اخوى تكفى لاتخلينى لحالى تكفى اقعد
ابو احمد : سلامات ياولدى وش فيك خايف !!
الدلخ : وشو يا بواحمد وش عندك ولا تورينى سلطانه ..
ابو احمد : ابخلى البنت تدخل عليك واسالها سؤالين بس ولا تكثر اسئله
وان قالت لى البنت انك سئلتها واجد والله انى لطردك من البيت وازوجها غيرك !!
ودخلت البنت وهى ترتجف من الخوف ورجليها يالله تشيلها وقالت السلام عليكم ومعها ولد صغير ودى انى خنقته .. بس يتلص عيونه فينى تقل شايف فلم مرعب !!
سلطانه جلست على الكنب وكنها جالسه على قلبى
الدلخ : انتى سلطانه ولا نوره
الولد الصغير : هذا السؤال الاول ترى ما بقى لك الا سؤال ثانى بس !!
الدلخ : لالالالالالالا تكفى ممكن اغير السؤال تكفى تكفى ابغير السؤال
الولد الصغير : ياخى هذى سلطانه انادى نوره
الدلخ : ايه رح ناد نوره بسرعه قبل يجى ابوك
راح الولد يركض
الدلخ : اه ياقلبى وش هالجمال وش هالزين ذبحتينى يابنت الكلب !!
سلطانه :
الدلخ : تكلمى ما ابغى ابتسامه وبس ودى تقولين شى ودى اسمع صوتس
سلطانه
الدلخ : انتى مدرسه
سلطانه : هزت راسها بنعم
الدلخ : اقول احد قايلس انى العب معس لعبت نعم لا جاوبى قولى شى ودى اسمع الصوت
سلطانه : انت دارى انى مدرسه
الدلخ : ايه دارى
سلطانه طيب اسئلنى سؤال احلى منه
الدلخ : طيب كم الراتب
سلطانه : اشرت بيدها سته وليه تسئل
الدلخ : حب استطلاع
سلطانه: انت موظف
الدلخ : ايه فى شركه
سلطانه: وعندك اجازات سنويه
الدلخ ايه عندى بس قليله مره وكارفينا كرف الحمير نداوم ليل ونهار ونتعب وارجع لامى نفسيتى شينه مره وبعض المرات ازعل امى من القهر ..
سلطانه: انت جاى تخطبنى ولا تخوفنى منك !!
الدلخ : لالا امزح انا عملى حلو مره انا اشتغل فى عمل ميدانى ودايم اجلس فى البينت عند امى الله يعافيها ويخليها
سلطانه : بعد اذنك ابروح لامى تنادينى
الدلخ : الله يلعن امك هذا وقته
سلطانه : انت وش فى لسانك وسخ مره بس تلعن فى امى وابوى
الدلخ : سلطانه قربى عندى ارجوك لحظه بس ودى اشوف طولك عندى اطول منى ولا اقصر
سلطانه :لالالالا ارجوك لايجى ابوى لالالالالالا ارجوك
الدلخ : تكفين تكفين بس بوسه بس بوسه تكفين
سلطانه : عمى عمى وش فيك انت قليل ادب ........ طرخ ( كف سريع مع الخد الايمن)
مادريت الا افتر راسى وطق فى السرير وانا اللى اصحى من النوم واتعوذ من الشيطان وقلت زاد انا منيب وجه زواج ....... وصار كله حلم فى حلم والله المستعان
..............................
ها وش رايكم
اضافة رد مع اقتباس
المفضلات