سوالف هبله
سلام عليكم جماااعه الخير
اباكم تقرون هذي الحوار اول شئ بعدين تعطوني رايكم
الزوج : سلاااااااااااااام عليكم
الزوجه: وعليكم سلام شو مايبت الغدى معاك اليوم من المطعم .......شو بنتغدى عيل
الزوج: لا والله وانتي شحقه ما طبخين يعني حرمه على فاضي
الزوجه : شو حرمه على فاضي انته تعرف قبل ما تخذني اني ما اعرف اطبخ ... بعدين ييبلك بشكاره تطبخلك
الزوج : تحريتج بتتعلمين وبشكاره اذا بتطبخ لي انته شو فايدتج
الزوجه : لا والله تحسبني بشكاره عندك ... لا بوي تراني بنت فلان بن علان لا تنسى بنت منو انا
الزوج : لا حووول ردينا على سالفه بنت فلان وعلان .... والله ما ادري انتي شايفه عمرج على شو
الزوجه : يحق لي اشوف عمري .... بعدين لا تنسى نفسك حبيبي انته اصلا معرسني عسب تاخذ فلوس ابوي
الزوج : اي فلوس الله يرحم والديج تراني ما خذيت منكم غير الهم و مشاكل ... بعدين أحمدي ربج اني ماخذج كان عنستي الحين
الزوجه: احمد ربي على شو على شكلك الي يوع الجبد ولا على بخلك ولا على كلامك الي نقط سم
الزوج : لا حووول يعني اليوم مابمر بخير .... الله يعيني عليج
الزوجه: شو قصدك ............ ولا الله اليوم ما بمر على خير ..... انا ساير بيت هلي الحين
الزوج : اسمعي عاد ... البيت هذا بيتي وكلمتي انا المسموعه واذا ظهرتي من البيت مالج رده له
الزوجه : لا والله تهددني ......... عاد اسمعها مني انا طالعه من البيت ومب راده مره ثانيه ... ( طلقني )
الزوج : والله زين يت منج اول انتي طالق بثلاثه .... والله فتكينا منج
ونهارت الزوجه تصيح وتصيح
( جماعه السالفه وما فيها اني وبنت خالتي و تعودنا اننا نسوي سوالف هبله يعني نتخيل عمرنا في شخصيات مختلفه ونتقمصها وانأديها وكاننا من صدج هذي الشخصيات يعني هذي السالفه ماصارت بس نحن تخيلناها وادينا دوور شخصياتها ودووم نحن نسوي سوالفنا الهبله قبل الرقاد ونضيع وقت فيها وأنا حبيت اسليكم فيها شرات ما نحن نتسلى ( طبعا الي قام بتمثيل دوور الزوج (بنت خالتي) ووالي قام بدوور الزوجه أحم أحم انا ( إليون ) وأجوا ان سوالفنا الهبله تعجبكم .
تحياتي
إليون
اضافة رد مع اقتباس
[/
المفضلات