تره الدنيا صفت مو دنيا بعداك
لذت يا ريت بالخــــــــوان بعداك
انه منذكر الغربه وطول بعدك
ابجي الليل ونجومه عليه
اضعفت وما واحد بربعي كواني
وشلت حملي على اجتافي كواني
اموتن وجوع وابقى البس كواني[IMG][img]http://www10.*********/2009/06/25/11/746723754.jpg[/img][/IMG]
ولا فد يوم امدلهم ايديه
برضه الكلب اليحبك مارضيته
وياعظم بغيابـــــك ماضيته
حبيبك ليش خايب ما رضيته
بسبب فركاك خاوتني المنيه
اذا افتكيت انت انه شفتك
لان بحشاي تركــــض انه شفتك
ردت مره ابوســـــــن انه شفتك
لكيت اشفاك تغفه ابين ايديه
ابد لا يجي ابالكـــ ماكر اني
افر بهمومي عنكــــ ماكراني
الحزن سد نهر عمري و ماكراني
فرح وبيا بخت تحتار بيه
بعد ايامي من دونك متراد
جروحي ابغير طعناتك متراد
كل الي نظر وجهي متر رد
ما يعرفني ويشبه عليه
احبابي علمودكـــــ ودعوني
طحت ما شفت واحد ود عوني
انه بعرسك دعونــــي ودعوني
نفسهم جانو ايشتمون بيه
اشكثر هم ابدليلي يا معانه
وتعذب كلبي يا ما يا معانه
يعمي انته معاهــــم يا معانه
تهد وتفزع وتاهت عليه
شيضرك ان تسامح ونتهديت
وكلتلك لا تهدني ونت هديت
انه الهديت كلبكـ ونتهديت
وراي وهدتك صارت عليه
انه الميت بطعناتك شعدلاك
وحده اثنين شحسبلك شعدلك
عوج من جدمك لراسك شعدلك
عدلتك وانكطعت ابين ايديه
الدنيا حاربتني وحيل ياريت
والي بحبل النوايب غصب ياريت
جبت العمر كله ياريت ياريت
ولا بشارة فرح مرت عليه
حبيبي يا دغش مني بدالك
وصفه غير الهجر مامش بدالك
اذا ظنك احب واحد بدالك
احب روحي لانك روحي بيه
مهموم الكلب بي حزن بيداي
ونه مسودن ودك اثر بيداي
تره من اول لبابك وادك بيداي
احس الباب هو يدك ايديه
املازم حزن دهـــري لازماني
ولا صاحب فزعلـــي لازماني
صم من الجمر بيدي لازماني
حركني وماكلت محتركه ايديه
الوكت انصف معه الشامت وعلاه
وتركني اعله الحزن اطرب وعلاه
الف داي الصفت بيه وعلاه
ومثل جرحك جذب مامر عليه
اضافة رد مع اقتباس
المفضلات