ياشباب بليز بدون زعـــــــــــــــــــــــــــل
نبدأ
شباب مكة
حبايبي وأهلي بس لازم من الحش والتقطيع
معروفيين بالمشاكل والمضاربات.. ومن شروط المضاربة انه يكون لديك ساطور أو سكين ..ويااااويلك اذا دخلت حارة وعملت مشكلة مع أي واحد منهم..صدقني وقتها راح ينزل لك منتخب كااااااااامل زي منتخب نيجيريا ..
وما احرق عليكم الباقي
بس الأمانة هم شباب دمهم خفيف مبسوطين دايماً..ما يعرفوا كلمة ما أقدر..
يعني لو قلت لأي واحد منهم هيا ننبسط ..يقولك اوفكورس وفي رواية "قدام"
ومفردهم مكاوي وجمع المذكر السالم مكاويين..وعلى رأي المثل"تيتي تيتي زي ما رحت زي ما جيتي" فل كامل!!!
ومن العبارات الشائعة لديهم : "ودين صلاة أمي" "ياواد سيبك الهيامة"
ويا جبهم للفلسفة..في كل شئ عارفين.. مافي أحد تسأله يقولك ما أعرف
اهتمامات البعض منهم منصبه على كرة القدم مع انه ما أدري فين يلعبوها
كل الدنيا عندهم جبال
نصيحة مكاوية:
لا تترك سيارتك مفتوحة اذا نزلت عند السوبرماركت ..هذي النصيحة برعاية أسواق بن داود!!!
شباب الطائف
عدا انتو سهل تتعرفوا عليهم بدون الحاجة لمعامل مخبرية أو تشريح..
راح تعرفهم من طريقة لبسهم للكوفية (الطاقية) ..من شروط اختيار الكوفيه المناسبة أن يكون ارتفاعها 150 سم ولازم تكون أكثر من 20 أدوار لما تمشي بينهم تحس انك ماشي بين ناطحات سحاب مو بشر ولابسين كوافي
ماشاء الله عليهم دايماً فيهم نشاط وحيوية لدرجة انهم ما يناموا الليل
ويتصف شباب الطائف بأن البعض منهم عدواني .. وإذا مثلاً صادف انه عينك جات في عينه ..راح يمدد صدره ويشمر عن سواعده ويقولك:خير !! ايش فيك تتطالع؟
وعليهم محشااااااااات رهيبه لا تفوتكم..وكله كوم والسواقه عندهم كوم تاني..
تحس انهم يلعبوا درايفر (بلاي ستيشن)
وبعدين تمسك معاهم على اهتمامات وأحلام البعض منهم:..الا لفلفة الشوارع ..أوبلوووت سبحان الله يستفيدوا منها في حاجه مفيده!!...التخرج من الثانوية العامةبتقدير جيد ويشتري دباب اربعة كفرات ويشتغل عليه- سيارة صغيرة حقت تحميل- (ما الومهم نظراً لتدني سعر صرف الدولار مقابل صرف عشرة ريال ياشباب)
او يشتري قراندي موديل 88 ويسدح خشمها في الأرض وهاتك تلميع في الكفرات والصدام بزيت فرامل
ومن ثم التوجه لمنتزه الردف ويجب انه يكون عندك شريط لمزعل فرحان أو فهد بن سعيد ويكون مسررررررررررررررع (ارجع حط شده على حرف الراء)
نصيحة:
اذا كنت مدرس في الطائف خليك أخلاق واعطي درجات ..اشبها من جيبك
ولا والله راح تنجلد في طلعه من الطلعات
شباب جدة
أهلاً وسهلاً وطالما اني اعرفكم عز المعرفة فما راح أوفيكم حقكم من الحش
قصدي الحديث عنكم
منتشر بين البعض نهم الكذب بصورة كبيرة ومخيفه..مثلاً:
أمس رقمت خمس بناااات ورا بعض !!(احلا يا ريكي مارتن)
وينتشر بينهم الخدم في كل بقعه في كل شبر في كل حفرة في كل شارع في كل شاليه في كل علبه في كل شنطة.. وبعدين معاكم انتم في كل محل!!
وعليهم تقليعات غريبة
زي اللي يكتب على سيارته:
Eminem…..Nana
انا اسم امي ماكتبته على سيارتي!!
وبالقوة يبغوا يقلدوا تكارنة امريكا
Hi brother…. What hab man
دايماااااااااااااااا على السنتهم
أما اهتماماتهم:
الفشخرة الكدابة – الطفش ..أي واحد تسأله ايش بك يقولك طفشان- سرقة الايميلات – تشجيع الإتحاد
نصيحة:
لا تخرج من البيت اذا فاز الإتحاد ..صدقني راح تكره حياتك!!
شباب المدينة
مدري ليه شايفين نفسهم....يتكلم شويه وبعدين يقول أنااااامن المدينة
على عيني وعلى راسي من المدينة بس أعصابك!!
ويا حبهم في النخوله
بس صدقني راح تحب المدينة بغض النظر عن شبابها لانها مدينة الرسول صلى الله عليه وسلم..
نصيحة:
بطلووووووغزل
شباب ينبع
هدول بصرحة تخاف منهم ..عندهم ثقافة اهل الطائف ومكة وجدة بالإضافة لثقافتهم الخاصة واللي تعتبر غريبة
فإذا كنت ماشي على رجلك في ينبع (تلفها في خمس دقايق)
راح تلاقي كل شويه واحد يضرب لك بوري هاه مشواااااااار
بس انت خليك ذكي وطنش
نصيحة:
انت مهدد بالطفش والإنحراااااااااف
واحسن حاجه اشتري بلاي ستيشن واجلس في البيت ولا تفكر تطلع مرة!!
شباب الرياض
راس مالهم الشماغ والعقال دايما لابسينه .. ماشاء الله عليهم مشخصين في كل وقت وفي كل مكان (اعلان نسكافة)
تلقاهم مشخصين عند الأكل ..عند النوم..عند الحلاق.. عند الإشارة تكون الساعة...
وبعضهم لما يشيل الشماغ عن راسه راح تشوف فيه جزر اندونيسيا
واصحاب مصانع الأشمغة مستغلين الوضع
كل شهر منزلين جديد ..مساكين تلقى الواحد ما يلحق يتهنى بالشماغ اللي اشتراه
وقمة الترفيه والترويح عن النفس انك تطلع القهوة مع اصحابك
بس انت قول السعودية فازت وشوف الجناااان........
اهتماماتهم مشاهدة أفلام التفحيط ..دخول الشات ثم كتابة عبارات غريبة
التسجيل في المنتديات بأسماء معبرة .. (ضفدع مضيع نضارته..ضب اطخم ..دولاب مطبخ)
الترقيم وتطفيش البنات ..مطاردة الضبان وتعذيبها
نصيحة:
لا تلعب معاهم بلوت ما عندهم تفاهم ..شويه ويضربوك عشان سرحت عن اللعبة ..والله ظلم
شباب القصيم
ما يحتاج تعرفهم
الله يحفظهم
بس بعضهم مرررررره ما تقدر تاخد وتدي معاهم شايفين نفسهم
ومره لاغين المنطقة الغربية من قاموسهم
شباب الدمام
رهييييبين وتحف في نفس الوقت..بس كرهونا في مطعم الطازج وبابا هباس كل مرة وعازمينك فيه يا شباب استحوا غيرو المطعم
وما عندهم سيرة الإ سوق الراشد
اهتماماتهم: يجيد البعض منهم التحدث باللغة الروسية والأوكرانية والإشتراكية وجميع دول الإتحاد السوفيتي السابقة
شباب الباحة
ونعم الشباب ..بس يلاحظ عليهم كثرة الحسد ونقل الكلام!!!
(سعيد اظهر له كامري جديدة وفيها بيجر-جرس السرعة-)
واليوم التاني المسكين سعيد يسوي حادث بالكامري ويصدم بيته!!
واذا مثلاَ عطست فالخبر راح ينتشر في كل مكان والله فلان عطس ويمكن يطلعو عليك اشاعة انك مصاب بحمى الوادي المتصدع؟؟؟؟؟؟؟
نصيحة:
ياناس قولوا دايماً "ماشاء الله تبارك الله"
اتمنى من الجميع استقبال الموضوع الملطوش "ما في احلى من اللطش"
بصدر رحب ولا أحد يزعل علينا أو يحقد
اضافة رد مع اقتباس
المفضلات