ودي أتغلى .. بس مــــا أقدر ..

[زوجة جارا]

السلام عليكم ورحمة الله وبركاته ..


مسااااااء / صبااااااح الغلاا و الشوق



اشحالكم إخواني و خواتي ؟؟




بربكم إلا بخير وصحـــه ..




اليوم حاببه اتكلم عن موضوع .. غبي ..



وهو التغلي ..





الكل يعرف وش يعني تغلي ..



يعني .. أن الشخص يمتنع عـــــن الإتصال أو السؤال .. بسبب شي اسمه >> تغلي <<



يعني يبا يتغلى الأخ أو الاخت ..



للمعلومه .. كل اللي يسون هالحركات .. فيهم شي من التكبر ..





طبعا في صور كثير عن التغلي ..


بصور لكم اللي أقدر عليه ..


1- الخطيب ويا خطيبته ..


الريال يقول .. ما أبا اتصل فيها كل يوم عسب ما يقل مقداري عندها .. خلها هي اللي تتصل ..



البنت تقول .. وش بلاه هذا ما اتصل .. مستحيييل أنا أتصل به .. بعدين يقول عني خفيفه ..





ويمر سنه كامله .. ومحد إتصل بالثاني ..



وينسى الريال إنه عقد عليها .. ويعقد مره ثانيه ..



و يسوي بالثانيه شرات الأولى ..



لييييين ما يوصل للرابعه .. طبعا بعد أربع سنين ..



وقتها يذكره المأذون .. يقوله ترا هذي الرابعه ..



يرد عليه الريال .. أي رابعه الله يهديك ..



أووووووووووووووووووووه .. تصدق نسيت ..





خلك ناسي .. الله يحفظك ..







2- الأصحاب مع بعضهم ..


يمر وقت طويل محد يتصل بالثاني ..



بعدين .. يتصل أحدهم على الآخر ..



المتصل .. هلا ..



ربيعه .. هلاا فيك .. وينك يالقاطع ؟؟



المتصل .. أنا القاطع !! ولا أنت ؟؟



ربيعه .. لا والله أنا دايم أسألك أعنك ..



المتصل .. وليش ما تسألني أنا .. ولا مضيع رقمي ؟؟





ويضلون على العتاب .. ليـــــن ما يقول المتصل ..



إيييه بغيتك بخدمه .. !!



يعني لولا الخدمه محد يتصل بالثاني ؟؟





أنا بوجهة نظري .. أن ما في شي اسمه (( تغلي )) ..



يعني لا تفكر .. إنك لما تتغلى .. بيكبر مقدارك ..



لا .. المسأله مب هنا ..



تبغى مقدارك يكبر .. لازم أسلوبك يكون كبير ..








أنا بصراحه .. خالجني هذا التفكيـــر ..



بعدين طردته ..



لأن اللي يتغلى .... يتبخــــــر ..




وأنتم .. وش رايكم ؟؟

[نهر العطاء]

هههههههههههههه..

موضوع جميل ......... شكراً لك ..

لكل شيء حدود .......


يعني اتغلى بس بحدود ..!

يقولون الثقل صنعة ..!

لازم الواحد يتغلى شوي ..

علشان يطلع رزين ..

[Ze-MASA]

هو صحيح

ان التغلي نحتاجة في بعض الاحيان


ولكن ماله داعي

بس على قولة المثل كثرة السلام تقلل المعرفة

[زوجة جارا]

يسلمو ع المرور
وربي يحفظكم

[little miss]

من وجهة نظري :
يعني شوي نتغلى عشان نعرف قدرنا وغلاتنا شوي ^^
بس طبعا كثرته مو زينة بعدين نمل ووالخ ..

يسلموووؤ على هذا الموضوع الجميل ^^

[طيف الانــمي]

لابائس به في أوقات قليلة مو دايم

وفي مثل للي يتغلى دايم (من تغلى تخلى)^^

يسلمووووووووووو عل الموضوع

تقبلي مروري

[زوجة جارا]

يسلمو ع المرور

[النجمة الورديه]

السلام عليكم
التغلي بالنسبه لي أنا ولامره تغليت لكن أرى من وجهة نظري إذا كان لحدود فلا بأس بذلك
مشكوه

[Angello]

حسب ما فهمت

الريال = الرجل .

لكن هل هذا يعني

الرجل = ريال ?

[فتاة كرتونية]

وعليكم السلآم ورحمة الله وبركآته ,,
من المفترض أننا لا نفكر بهذا ,,
لكن إذا ما وجدت بعد مدة كبيرة مع إحدة الزملاء ,,
" ما دمت عليهم قائما " ردوا عليك ,,
وإن قصرت قليلا لا سؤال ولا اطمئنان عن حال ؟!
فما بالك نلام على تجاهلنا لهم .. ؟
الإحسان درجات ,, ولست بأعلاها للأسف
لكي أستطيع أن أصل من قطعني .. مم
على الأقل بالصداقات ,, ! أو الزمالة
بمعنى أصــح .. !

شكرا لكِ أخيتي بوركتم ,,

توقفت هنا ..

.
.
.

[مستر مبارك]

السلام عليكم

شلونج اختي شخبارج

انا بدخل بالرد على طول (( لا تقولين دفش ))

انا اختلف معاج بشغله انا احنا ما نتغلى يعني مو حلوة كل يوم راز وجهي و اد على كل اللي اعرفهم

و ازعجهم مو حلوة خلهم يبعدون شوي عشان لما نتقابل يكون بيننا كلام و سوالف

مو كل يوم معاه و كل السوالف اللي عندي تخلص

و هذا مو معناته اني اكون قاطع و لا اسئل ابدا

اي على فكرة حلو المثال الاول عن الريال اللي توزج اربع هههههههههه

هذا مدمغ و لا عندة فقدان ذاكرة

تقبلي مروري

سي يا

[.:GENERAL:.]

لوووووول موضوع ظريف ^-^

بالعكس موضوع مهم ..

على الأقل المفروض الواحد يوصل الناس في الأعياد ويفتج اجندات التلفون القديمة او يشوزف ارقام الموبايل ويتصل حتى سلام او سؤال ..

مع انه في موبايل وانترنت ورسائل قصيرة الا انه مع الأسف الناس في تباعد اكثر عن بعضها ..

[زوجة جارا]

يسلمو وكل شخص ليه راي
يسلمو ع المرور