مقارنه بين الأنمي B L E A C H و الأنمي N A R U T O

**زاراكـي كينباتشي** · 24-09-2006, 14:58

السلام عليكم ورحمة الله وبركاته

كيف الحال يا أعضاء مكسات ؟؟؟

عساكم بخير؟؟

هذا الموضوع حبيت طرحه وهو مقارنه بين الأنمي B L E A C H و الأنمي N A R U T

طبعا من أشهر الأنميات وما يحتاجون تعريف

وأنا بالنسبه لي أشوف B L E A C H أفضل بكثير من كل النواحي

من ناحية طريقة القتال والرسم والكوميديا كل شيء أفضل ........

الشروط:

1- عدم خروج النقاش عن الموضوع.

2- احترام الرأي الآخر و احترام الأعضاء المشاركين .

وأرجوا منكم التفاعل .........

ويعطيكم ألف عافيه gooood

**::NOH::** · 24-09-2006, 15:44

Naruto أفضل..

**forte.exe** · 24-09-2006, 15:50

مشكور على الموضوع

ممممممممم

نوراتو مسلسل نينجا القتال سريع وحركات سوبر يتحول الى نصف ثعلبcoool

بليش مسلسل شبه ساموراي القتال سريع في بعض الاحيان والحركات ميجاسوبر يتحول الى نصف هولو coool

**princessofUSA** · 24-09-2006, 15:53

عن نفسي أنا أفضل ناروتو عل بليتش مع إنهم بالأمانة اثنينهم روعة و أنيميات قوية
بس أنا فضلت ناروتو لأن بليتش أحس قصته كلها بالقتال و البطل ما يهمه إلا إنه يقاتل و يحمي الناس .. انزين ليش تبي تحمي الناس ؟؟ ليش تبي تنقذ روكيا من الموت لما خذوها الsoul society? بس لأنه يبي يحمي الناس بدون سبب !! ((مع إن الأنيمي هذا من المفضلين عندي على فكرة ))
أما ناروتو فلمست منه شغلات أكثر يعني إهو لما يحمي أصدقاءه إحنا نكون ندري شنو قيمة الصديق عنده أو بالأحرى شنو معنات إن أحد يحبه مع ماضيه المؤلم فأحس إني أعيش معاه و أقدر شعوره أكثر حتى لما يقاتل أو يعصب إهو ما يعصب لأسباب شخصية كله يعصب إذا أحد من أصدقاءه تأذى فهذا الجانب الطيب منه و أنا فعلا فعلا أقدر هالشخصية الرائعة بس مو معناته إني ما أحترم إيشيغو بعد smile

أتمنى إني ما أطلت عليكم و كانت هذه وجهة نظري smile

**dk1993** · 24-09-2006, 16:31

Naruto أفضل..

**زاراكـي كينباتشي** · 24-09-2006, 16:51

أشكر الجميع على مرورهم

وأرجوا ذكر السبب يعني ليش هذا أفضل من هذا

وبالنسبه للأخ princessofUSA

ليش تبي تنقذ روكيا من الموت لما خذوها الsoul society?

لأنها أنقذت عائلة أتشيغو وجازفت بحياتها علشانهم وهو يبي يرد الدين ......

وشكرا

**KannaSwan** · 24-09-2006, 17:05

بصراحة الإجابة صعبة بس أنا افضل بليتش على ناروتو

هو ناروتو ماعليه قصور بس قلة الأدب اللي فيه أكثر من بليتش

و بليتش بالنسبة لي طريقة قتالهم رووووووووووووووعة و أكثر من روعة

كل مرة يفاجئونا بشي جديد و حركة الهولو اللي في ايتشيجو بصراحة عجيييبة

صحيح ان ناروتو نينجا و قتال حماسي و فيه مشاعر أكثر بس بليتش بالنسبة لي كل شخصياته

تنحب مهما كانت الشخصية شريرة مثل ايتشيمارو

اما بالنسبة لناروتو فهم حاطين شخصيات بعضها ممل مثل هذاك الدب اللي مع شيكامارو ماذكر اسمه

و كونوهامارو الصغير من يطلع تصير الحلقة مملة

و من ناحية الكوميديا افضل بليتش بعد

و شكرا عالموضوع

**abanda** · 24-09-2006, 17:25

ناروتو أفضل مع إحترامي لرأيك...
و الأسباب بالنسبة لي كالتالي:
1-الكم الهائل من الشخصيات ,والتي تتميز كل واحدة منها بالأسلوب الخاص...
2-الصور الرائعة و القصة التي فيها مغزى , و الجو العام الذي يسحر المشاهد...
3-عدد الحركات و المهارات القتالية و التفاصيل الواضحة للمتابع و لكل عشيرة حركات خاصة...

و المزيد المزيد

و هذا لايعني أن بلييش مب حلو,بل بالعكس ,ولكن ناروتو شي ثاني..

و مشكوور على الموضوع الرائع

**Y88** · 24-09-2006, 17:40

السلام عليكم
بنسبه لي انا اشوف ناروتو احلى من بليتش 100مره مع احترامي لمعجبين بليتش طبعا (هذا مجرد راي لا اكثر و لا اقل و ليس نقد)
بصراحه انا اشوف بليتش قصته مكسره و كثير من الاشياء مافيها ترتيب او سوابق !!
و مخلين البطل اقوى واحد بلكون !! (يعني تخيل ناروتو يروح يغلب اوروتشيمارو )و حتى لو حصلت بناروتو راح تصير بعد تدريب طويل لعده سنوات (و ليس خلال سبوع مثل بليتش!!!!)
يعني ايجيقو بالغو كثييير لمه خلو يهزم كل كابتن يطلع له و كانه هو صار كابتن 10 مرات (حتى لو كان في سبب لكن ليس لهذا الحد!!)
و لكن بليتش قوي جدا من حيث تقديم المفاجآت (يعني ما توقعت يكون الكابتن آيزن يكون وره كل هذا)
بس بصراحه انا اشوف بليتش ..كانه كاتبه كل ما جتله فكره جديده يظيفها على الانمي بس المهم تكون حلوه حتى لو كانت مو راكبه على الانمي(لدرجه اني اشك بان له مانجا!!)
حتى وصلت حلقه 60 و حبيت الانمي و عجبني (مع العلم اني كنت انتقده كثيرا خلال مشاهدته) و بعد ما تفرعت القصه و عجبني ما قدرت اكمل حلقه 62 او 63 !!!و شكيت اذا كان في فيلر من حلقه 60 الى حلقه 90 (لاني صرت اجيك في نص الحلقات اللي ما شفتها و كلها متصله بلقصه اللي بعد انقاذ روكيا!!و بعدها ما قدرت اكمل

و بطبع ناروتو لا يخلو من العيوب لان مصممه واحد من البشر
و لكن بصراحه قصته مرتبه و راكبه على بعضها و معطي كل واحد حقه و لكل واحد نقطه ظعف و مافي واحد لا يقهر بينهم (بس صراحه بليتش مخلين البطل سوبر مان ..انا خفت يواجه الشايب و يذبحه بعد ههههه) بس الحمدالله ما سواها
و طبعا غير الشخصيات اللي مالها لزوم تطلع في بليتش (مثل حارس بوابه الشينيقامي (العملاق) و في واحد عملاق بعد نسيت شسمه كان تافه)
يعني بليتش :
1-
مبالغين جدا في البطل و مخلينه سوبر زياده عن اللزوم ..حتى لو كان عنده قوه خاصه (اذا كان عنده)لكن مو لهدرجه !
2-
قوي جدا جدا من حيث تقديم المشاهد غير المتوقعه
3-
القصه مكسره (لا تساليني كيف مكسره) لاني شفته مره وحده بس و خلال مشاهدتي له كنت انتقده بشده (حتى لو اني مو فاهمه اخوي شايفه مرتين و يقول نفس الكلام)
4-
الفايت فيه ايييي كلام .ممل جدا ...لدرجه اني كنت بنام اثناء مواجهت ايجيقو بسول سوسيتي (بو صلعه) لوول هذا اول واحد واجه اهناك
و غيرها من الفايتات المتشابها (و كلها نفس لستايل)
بستثناء فايت ايجيمارو مع الكابتن لصغير (ما اعرف اسمه) هذا كان حلو

انا آسف جدا على هذا النقد صدقونو ليس قصدي الانتقاد و لكن طرحت راي لا اكثر و لا اقل

في نهايه
هل بليتش له مانجا ؟ و هل اللي بعد انقاذ روكيا كان فعلا فيلر ؟
و اكرر اسفي

شكرا على الموضوع

**BROOLY** · 24-09-2006, 17:53

abanda كلامك صح 100%

انا افضل ناروتو

**زاراكـي كينباتشي** · 24-09-2006, 18:26

أشكرك أخوي Y88 على المرور الطيب وبالنسبه :

و مخلين البطل اقوى واحد بلكون !!

هذي أنت غلطان فيها أخوي لأن في ناس أقوى من أتشيغو في الأنمي أولهم (((آيزين))) وأظن ان الجميع شاف كيف قدر يصد ضربة أتشيغو وهو بالبانكاي بصبع واحد.

القصه مكسره (لا تساليني كيف مكسره)

لازم نسألك كيف بنعرف نتناقش

الفايت فيه ايييي كلام .ممل جدا ...لدرجه اني كنت بنام اثناء مواجهت ايجيقو بسول سوسيتي (بو صلعه) لوول هذا اول واحد واجه اهناك
و غيرها من الفايتات المتشابها (و كلها نفس لستايل)
بستثناء فايت ايجيمارو مع الكابتن لصغير (ما اعرف اسمه) هذا كان حلو

هذي وجهة نظرك وأنا أحترمها وهذا شي راجع لك....

و طبعا غير الشخصيات اللي مالها لزوم تطلع في بليتش (مثل حارس بوابه الشينيقامي (العملاق) و في واحد عملاق بعد نسيت شسمه كان تافه)

هذي أنا معك فيها ومدري مين تقصد بالثاني

ولكن في أيضا شخصيات تافهه في ناروتو مثل :

كونوهامارو وشلته ((البنت والولد الي معه))

وبالنسبه لسؤالك ؟؟

في مانجا لبلتش والحلقات الي فوق62 ماهي فيلر وهي مطابقه للمانجا

وشكرا

**Third Eye** · 24-09-2006, 18:40

Bleach

Bleach أفضل أنمي من جميع النواحي ...
القتال عجيب جداً مليء بالدماء و الكوميديا مو طبيعية رائعة جداً وهو الي امحببني بالمسلسل و القصة 100% ما في لها مثيل و الموسيقى أثناء القتال رائعة الموسيقى 10 على 10 كـــول و بطل الأنمي قوي جداً و أحلى شي لمن يتحول إلى نصف هولو و أيضاً الباونت عجيبين و آيزن و إتشيمارو ....

Bleach هو الأفضل ...^^

أما ناروتو فكان الافضل أما الآن و بسبب حلقات الفيلرز أصبح ممل و حتى لوانتهى الفيلرز حرام عليهم 50 حلقة مملة فيلرز يعني نصف المسلسل ممل ..

**UCHIHA SHARINGN** · 24-09-2006, 19:01

انا عندي ان ناروتو أحلى ومشكوور على الموضوع

**زاراكـي كينباتشي** · 24-09-2006, 19:14

حياك أخوي Third Eye بالموضوع

وردك صحيـــــــــــــــ100%ـــــــــــــح

ويعطيك ألف عافيه....

**modamer jahim** · 24-09-2006, 20:11

hi how are you guys for me Bleach is best all the characters are beutifull and handsome and all cool really very very cool series this is my feel
*Naruto: ehem for naruto its soooooo boring it wil be cool if the character are not boys if they men it wil be cool ........really i hate the geroes to be kids in a series like this sorry to everyone but this is my Words

and merci ya zaraki kenpashi and all members and i want to tell what do you think about to make a subkect about BLEACH and ONE PIECE what do you think one piece cool and thank u all

**زاراكـي كينباتشي** · 24-09-2006, 20:57

أشكرك أخوي modamer jahim على المرور الطيب

Bleach is best all the characters are beutifull and handsome and all cool really very very cool series this is my feel

كلامك صحيـــــــــــــــــ100%ــــــــــــــــــــح

*Naruto: ehem for naruto its soooooo boring it wil be cool if the character are not boys if they men it wil be cool ........really i hate the geroes to be kids in a series like this sorry to everyone but this is my Words

يمكن يصير أحلى بس ما أتوقع أنه بيكون نفس B L E A C H

and merci ya zaraki kenpashi and all members and i want to tell what do you think about to make a subkect about BLEACH and ONE PIECE what do you think one piece cool and thank u all

أتوقع أنها راح تصير مقارنه ساخنه بس

يضل B L E A C H الافضل ((هذا الي فهمته ))

وشكرا..........

**goku--ssj2** · 24-09-2006, 21:07

الـسلام عليكم

مشكور يا غالى ع الموضوع الجيد

وانا عن نفسي افضل ناروتو وانا ما شفت بليتش عشان احكم عليه وتسلم

مـع الـسـلامـة

**Y88** · 24-09-2006, 21:22

زاراكـي كينباتشي
هلا اخوي
حبيبي انا قلت اقوى واحد بلكون بمبالغه (يعني على مزح شوي) اكيد فيه اقوى منه و اكيد الشايب اقوى منه
و لكني اقصد بانه حاطينه اقوى من الكثييير من الشخصيات و كانه صارله 100 سنه كابتن (اعتقد شفتو كيف تغلب على اكثر من واجه و منهم اقوى الكابتنز!!!) حتى لو كانت طريقه تدريبه مختلفه هذا الشي ما يبرر اللي تغلبه على اقوى الكابتنز (خصوصا بان اخو روكيا كانو واصفينه وصف اسطوري و كانه هو اقوى واحد بلانمي و فجاه اغلبه شينيقامي مبتدا)!!

بنسبله لموضوع القصه :
والله اني ما راح اعرف ارد عليك لاني شفته مره وحده و لكني اذكر اني كنت انتقد قصته بشده (و هذا شي انا متاكد منه....لاني انتقدت القصه كثيييير ) و بعدها لغيته !

و بطبع ناروتو في شخصيات بايخه جدا مثل شينو (بنسبه لي هذا اتفه انسان على وجه الكون لووول)
لكن بليتش شخصياته اسخف بكثير ..في واحد عملاق بعد غير الحارس كان تافه جدا ما اذكر اسمه و لا اسم اللي واجه(واجه اللي يادي صوته نفس اللي يادي صوت ساسكي)
يعني في شخصيات في بليتش والله اول ما تشوفها تقول واظح بان هذي الشخصيه لها دور خفيف جدا

و شكرا على الرد على السؤال smile

و يا جماعه لحد يفهمني غلط ترى انا بس قاعد اقول رايي لا اكثر و لا اقل

**princessofUSA** · 24-09-2006, 22:01

بليتش بدايته كانت وايد وايد وايد قوية بس بعدين اللي صار مو ذاك الزود
أما بالنسبة لناروتو فالفيلر مو تبع القصة فقصة ناروتو أقوى من قصة بليتش بنظري

**زاراكـي كينباتشي** · 24-09-2006, 22:45

حياك أخوي Y88

و لكني اقصد بانه حاطينه اقوى من الكثييير من الشخصيات و كانه صارله 100 سنه كابتن (اعتقد شفتو كيف تغلب على اكثر من واجه و منهم اقوى الكابتنز!!!) حتى لو كانت طريقه تدريبه مختلفه هذا الشي ما يبرر اللي تغلبه على اقوى الكابتنز (خصوصا بان اخو روكيا كانو واصفينه وصف اسطوري و كانه هو اقوى واحد بلانمي و فجاه اغلبه شينيقامي مبتدا)!!

حبيبي هذا شي لازم يسوونه بكل أنمي أن البطل يقدر يسوي شي محد يقدر يسويه

وبعطيك مثال من ناروتو :--
لما سوا الراسينقن وش قاله جيرايا أن الهوكاج الرابع قدر يسويها بعد ثلاث سنوات وناروتو قدر يسويها
((بسبوعين أو ثلاث)) ما أتذكر صراحه

حتى لو كانت طريقه تدريبه مختلفه هذا الشي ما يبرر أنه يقدر يسويها بهذي المده

خصوصا أنهم كانوا واصفين الرابع وصف أسطوري ويجي ناروتو وهو مبتدئ يسويها بهذي السرعه

فعلشان كذا أخوي هذا شي عادي أنه يصير البطل يسوي هذي الأشياء المستحيله

و بطبع ناروتو في شخصيات بايخه جدا مثل شينو (بنسبه لي هذا اتفه انسان على وجه الكون لووول)

لاعاد هذا عندي رووووووووووووووووعهــ ((((وهذي وجهة نظري))) smoker