//
دام سلوى كل عاشق بين آهات ونحيـب
كل منهم له رسالة توصل لـ/ فك الكلاب !
عاشوا ابـ/ فرحة وسعادة واحضنوا حب(ن) عجيب
ومن عقب رغْدْ السنين ../ أخبارهم صارت سراب!
لا اعرفوا من هو المنادي ومن هو اللي يستجيـب
تاهوا افـ/ لحظة تبخّر دمعهم لـ/ أعلى السحـاب
من بعد شعر ورسايـل تنقـل احسـاس وتجيـب
صار مرسى كل ذكرى عضّـه ابـ/ فـك الكـلاب
ماتت العشرة ومـات العيـش فـي ظـل الحبيـب
والمشاعـر .. ترثي الموقف .. ويكفّنـه الضبـاب
انكسارات الأمانـي بـ/ ايـد جانـي مـا تطيـب
ولا تعيـش آمـال غالـي لاتنفسـهـا عــذاب
كـل أنـواع التناقـض تلجـم العشـق الغريـب
وصلهم صار ابـ/ تلاسن صمت زفراتـه عتـاب
تسمع اللهفة تنادي .. آآه يـا هـل مـن طبيـب
وبلسم الطعنـات ضايـع فـي جفـون الاكتئـاب
تغمض عيـون المواجـع والونيـن بـلا مجيـب
وتنتهي العِشرة على صرخـات تطـوي هالكتـاب
هي حكاية كل من جـازف ولـم يخـش اللهيـب
وانكوى بجمـرة غرامـه وزاد شوقـه الالتهـاب
ينتظر لـ/ شروق شمسه ../ بس ينتابـه مغيـب
كيف يحقق كل مـراده ومـن ميادينـه يهـاب؟!
دام سلـوى كـل عاشـق بيـن آهـات ونحيـب
كل منهم له رسالـة توصـل لـ/ فـك الكـلاب !
تنوية بسيط :
هناك من ينتحل شخصيتي وينقل المواضيع بصفته "أنا"
اقول له / لك الشكر على كل شيء .. لأني أنا .. أنا / .. وأنت أنت.





اضافة رد مع اقتباس




















المفضلات