مشاهدة النتائج 1 الى 13 من 13
  1. #1

    Thumbs up لازنيا.....من مطبخي

    سلام صبايا .......

    كيفكم؟؟؟ بتمنى تكونو دائما بخير,,,

    حبيت نزلكم وصفة اللازنيا ....هي الوصفة تعلمتها من شيف مغربي وبصراحة كل الي داقوها قالولي انها كتير زاكية ...بتمنى انها تعجبكم...

    طبعا اللازنيا مكونة من 3 طبقات المعكروتة، الحشوة والباشميل


    راح حط وصفة كل طبقة بالترتيب..

    بسم الله نبدأ..

    اولا:- المعكرونة:-

    1) نحضر معكرونة اللازنيا ( الكمية الي بدك اياها )وهي عادة بتكون شرائح عريضة بتلاقيها بالسوبرماركت ونسلقها بماء بنحط فيه كمية كبيرة من الزيت حتى ما تلتصق القطع ببعضها....انتبهي وانتي عم تسلقي المعكرونة افصلي الشرائح عن بعض قدر المستطاع واذا ما قدرتي مو مهم الزيت بيكفل بعدم الالتصاق

    2) بعد استواء المعكرونة حطيها بماء عادي ( يعني بمجرد ما تشيليها من الطنجرة حطيها في المي على طول).

    3) بعد دقيقتين شيلي المعكرونة وحطيها بصحن غويط ( غميق) بشكل مائل ( حتى تتصفى كل المي الي بالمعكرونة) وبعدين حطيها على جنب

    ثانيا:- الحشوة:

    المقادير:-
    1. لحمة مفرومة.
    2. بصل مقطع بشكل صغير.
    3. ثوم مهروس.
    4. زعتر اخضر ناشف.
    5. بندورة مقطعة بشكل صغير ( حطيها بماء ساخن هيك بتفصل القشرة عنها وبعدين قطعيها)
    6. رب البندورة _ ملعقة صغيرة)
    7. خلطة البولونيز (من ماجي بتلاقيها كمان بالسوبر ماركت)
    8. ملح وقرفة وفلفل اسود طبعا مطحونين

    الطريقة:
    1. قطعي البصل وشوحيه عالنار الا ان يصبح لونه ذهبي.
    2. اضيفي اللحمة المفرومة وحركيها
    3. اضيفي مباشرة الثوم والزعتر الاخضر وحركيه جيدا
    4. بعد دقيقتين اضيفي البندورة ورب البندورة(ذوبيه في قليل من الماء) وخلطة البولونيز وحركيه
    5. اضيفي الملح والفلفل والقرفة واتركيه الا ان يستوي.

    ثالثا:- البشاميل:
    لكل كاسة ماء ملعقتين كبار حليب وملعقتين كبار طحين يعني لو بدك تعملي 3 كاسات ماء :
    1.حطي 6 ملاعق طحين في طنجرة
    2. اضيفي زيت نباتي وحركيه جيدا ( هيك بتضمني انه الباشميل ما يظهر فيه تكتلات)
    3. اضيفي 6 ملاعق حليب وحركيه
    4. اضيفي الماء وشوية ملح وفلفل اسود
    5. ضعيه على نار متوسطة وحركي الا ان يجمد
    6. بعد ان يبرد الباشميل اضيفي بيضة او بيضتين وحركي جيدا.

    هلا طريقة رص اللازينا:
    1. في صحن بايركس حطي شوية باشميل وشريحة من المعكرونة.
    2. حطي شوية من الحشوة وعليها شوية باشميل.
    3. حطي فوق الحشوة شريحة اخرى من المعكرونة وهكذا...
    4. اخر شريحة حطي كل الباشميل عليها ثم ضعي اي نوع من الجبن المبشور
    5. ضعيها بالفرن لمدة ربع ساعة وبعدين حمريها عالشواية شوي

    صحتين وهنا .......بتمنى تعجبكم
    بانتظار تعليقاتكم...دمتم بخير
    sigpic415049_1
    True Love Never End


  2. ...

  3. #2
    أهلـيـن خيتوو ^^

    يــسـلموو على الوصـفـهـ asian
    أكيد كل شي منج حلوو ^^ .,

    وان شاءالله نجربهـآآ .,
    لآآ ننحرم من جديدك..,
    ســلآآمــووز.,
    ,

    آيـ'ـآآم حُ،ـلوه كَآنت آيَآم || مكـ،ـسَآاآت || ~5d4c3b9cc43945b8cb5f30659c72ca5e

    شُكراً على أح‘ـلى الذكـريآاآت =)

  4. #3
    اهلا عزيزتي

    تسلمي على مرورك وكلماتك الحلووووة

    دمتي بخير

  5. #4
    مشكورة اختي عالموضوع المميز
    ننتظر جديدك

  6. #5

  7. #6
    يسلمو
    طريقتها سهله وحلووووووه
    يعطيك الف عافيه ياعسل

  8. #7
    الله يسلمك عزيزتي

    اسعدني مرورك وميرسي على الكلمات الحلوة

    تحيااااتي

  9. #8
    وعليكم السلآمــ...^^||~

    الحمد الله بخييييييير حوبي..embarrassed

    مشكوووووووووووورهــ..classic

    ســـــــــــــايونارا...^_^
    attachment


  10. #9

  11. #10
    واو شكلها ماشاء الله ميه ميه

    انا بسوي لازانيا بس بطريقه غير بالمفروم

    يسلمووو حبيبتي

    وكل شي من ايدك لزيز

  12. #11
    إقتباس الرسالة الأصلية كتبت بواسطة ـآلبنت ـآلكويسه مشاهدة المشاركة
    واو شكلها ماشاء الله ميه ميه

    انا بسوي لازانيا بس بطريقه غير بالمفروم

    يسلمووو حبيبتي

    وكل شي من ايدك لزيز
    اهلا عزيزتي

    اسعدني مرورك

    طيب قوليلنا كيف بتعمليها حلو الواحد يغير

    الله يسلمك يا رب

  13. #12
    طيب قوليلنا كيف بتعمليها حلو الواحد يغير



    ولا يهمك ياقلبي

    بس اعملها اصورها وانزلها بموضوع

    وان شاء الله تعجبك وبصراحه طريقتك دي بالمره نفسي اجربها rolleyes gooood

  14. #13
    اوكيه عزيزتي ناطرة وصفتك

    لما تجربيها قوليلي شو رأيك؟

    دمتي بخير

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter