مرحبا،
بصراحة ... أنا أول مرة أشارك في أي منتدى. الحقيقة اللي خلاني أشارك هو إهتمامي بالبحث عن رسوم متحركة معينة كنت أشوفها قديما -مو وايد عاد-!!
المهم، أنا ما كنت أعرف انه في مواقع عربية تهتم بالمسلسلات الكارتونية، وإلا ما ضيعت وقتي أدور في المواقع الأجنبية -حتي اليابانية و الصينية دورت فيهم- على العموم بحثي المضني كان عن المسلسل الكارتوني "صفر صفر واحد"، و عن "قصص عالمية". بصراحة ما قدرت أحصل أي صور عنهم، و بالطبع البحث كان بيصير أهون لو عرفت الأسامي الأصلية للمسلسلين (بالإنجليزي أو بالياباني).
أنا ما أدري اذا بالإمكان طلب المساعدة من الخيرين اللي بالمنتدى ، يعني أنا أشوفكم ماشاء الله كلكم تحطون مواضيع تفيدنا و أنا بالعكس أطلب مواضيع. سامحونا بنتعبكم شوي، لكن خلوني أضحكم شوي بعد ،، وانا أكتب هالموضوع صرت أطالع الأيقونات اللي فوق ... قائمة، سطر، أغنية ، ريال بلير!!!! أقول لنفسي "شو جاب الريال طوني بلير في الموضوع" .. شوي وإلا أنا كنت أقراها غلط!!
و شكرا لكل اللي بيساعدوني. :مذاكرة:
المفضلات