السلام عليكم ورحمة الله وبركاته
الحجاب عاده ام عباد؟؟؟
موضوع احببت ان اطرحه واناقشه مع جميع اعضاء منتدى مكسات
والموضوع ليس محتكرا على الفتيات فقط بل ارحب بالمشاركات من الشباب
اتتني فكرة الموضوع عندما كنت بالفصل بحصة الفقه
كان الدرس متعلق بالحجاب
فا نظرت المعلمه لنا وسالتنا : بنات هل تعتقدون ان الحجاب عاده ام عباده ؟؟ اللي تعتقد ان الحجاب عاده ترفع يدها
والمفاجأه ان كل فصلي رفعوا ايديهم الا ثلاث بنات وكان من ضمنهم انا
انا انصدمت صراحه
لان الحجاب وبدون نقاش وااااجب وفرض
فا لماذ حولوه لعاده؟؟
ولا اللي يقهر طالبه بفصلي تناقش المعلمه وتقول : لا يا ابله تغطية الوجه باكمله مو واجب
انا انفجعت من كلامها
مين هي عشان تقعد تحلل وتحرم على كيفها
وللمعلوميه الناس اللي تجي تحلل الحرام تاخذ ذنوب الناس اللي عملوا الحرام
يعني البنت اللي حللت كشف الوجه اللحين تاخذ ذنوب البنات اللي كشفوا وجيههم من فتوتها <<< على بالها شيخ ولا ايش؟؟
طيب في ادله وبراهين راح احطها للي مو مصدقين ولا الكلام مو خاش
قوله تعالى : { يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا }
وهناك دليل اخر
قال تعالى {وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ }
طيب الادله واضحه ليش الناس تفتي وتحلل من عندها؟؟
ولا البعض في بلدنا هنا تتغطى وتتستر ولما تسافر برا تكشف ..........
يعني ليش تتغطين من الاساس
هل انتي تتغطين من ابناء بلدك وتكشفين للي برا ؟؟<<< ليش تعبتي نفسك يقولك الاقربون اولى بالمعروف
يعني بعض البنات مادري تضحك على مين
يعني هل الله موجو ببلدك وبرا مو موجوده؟؟
ولو سألتها ليش
تقولك لو تغطيت برا الكل راح يطالع
طيب انتي تخافين الناس اللي برا يطالعونك صح ؟؟
فامبالك باللي خلقهم وهو يطالعك اربع وعشرين ساعه
(الله)
تخافين من ناس يطالعوك ولاتخافين من الله اللي يراقبك ويدري عن كل صغيره وكبيره
أأكد لك الناس هذي لو طالعتك في العشر دقايق الجايه راح ينسوك لانك انتي مو اكبر همهم لانهم بشر وعندهم هموم غيرك
.................................................. ...
في مثل اسمعه دايم لكن ما افكر فيه دايم
( ان الله غفور رحيم لكنه شديد العذاب ) اعيدي التفكير في هذا المثل
هل تعتقدين ان الله ناسيك ؟؟
(الله يمهل ولا يهمل)
تضمنين انك بكره راح تعيشين ؟؟
فكري وش سويتي لاخرتك؟
هل تضمنين حسن الخاتمه؟
هل تضمنين انك ماراح تموتين وانتي كاشفه وجهك ؟؟
هل تضمنين؟؟
.................................................. .................................................. ..
اسفه اذا قصرت بالموضوع لكني كتبته على عجله
واتمنى من الجميع التفاعل معي






اضافة رد مع اقتباس









المفضلات