آلكساندر في قطر!

[رانزي الساحرة83]

السلام عليكم أخواتي وأخواني أعضاء ميكسات

واضح من العنوان؟ ها؟

يعني بعد بيات شتوي ( أو بالأحرى صيفي ) طويل وعميق استيقظت جميلتنا النائمة سينما قطر وعادت تعرض لنا أقوى وأجمل الأفلام

قرأت اليوم في جريدة الراية القطرية الغراء اليوم 25 نوفمبر ( ص. 18) أن فيلم Alexander الضخم ستبدأ عروضه الأربعاء القادم وستكون عروضه متزامنة مع عروضه في عواصم الدول العالم الأخرى..رائع أليس كذلك؟ خاصة وأن الفيلم افتتحت عروضه بالأمس فقط في الولايات المتحدة الأميركية

( المشكلة أنا وخطيبة كولن فارل شاكين في الموضوع لأن الأفلام اليديدة اللي تنزل في قطر تنزل أيام الخميس مو الأربعاء! على الله ما يكون مقلب يا ويلهم )

أتذكر أني كنت أموت غيظا لما يؤخرون الأفلام لتعرض في العيد أو ما شابه! مثل The Lord of the Rings آخر جزء عرضوه في أمريكا قبل الكريسماس - وهي متعودين أصلا يعرضونه على وقت الكريسماس لكن بما أنه كان الأخير والكل كان متلهف لرؤيته قدموا هديتهم بدري -أخروه عندنا أكثر من شهرين عشان يعرض في العيد! كأن أمريكا وأوروبا يسوون الأفلام لتعرض في مناسباتنا


وحتى لو ما كان عيد! تذكرون أخروا فيلم توم كروز The Last Samurai حوالي شهرين أو أكثر بس عشان افتتاح صالات سينما سنتر ( ذبحوني كل أسبوع يقولون بينزل الأسبوع الياي! يننتهم اتصالات كل أسبوع! ليما حفظوا صوتي حتى صاروا ما يردون يوم الأربعاء عالتلفون )

وأنا كنت ميتة من الخوف أخاف شي يتسرب من هالأفلام ويفسد علي متعة المشاهدة مثل لما مت قهر يوم قالو لي أن Bruce Willis بيطلع أصلا ميت في فيلم The Sixth Sense شفتوا تأخير الأفلام في السينما شيسوي! ليومكم مقهورة! كان أول فيلم رعب من نوعه


الله يعين! الحين ناطرة فيلم The Grudge لـ Sarah Michelle على أحر من الجمر! الله يستر بس لا يأخرونه سنة لكن بأكتفي بفيلم Gothika في الوقت الحالي


بس فيلم Troy ما صدقت عيني لما شفته ينعرض بعد 5 أيام فقط من عرضه بأمريكا


و حتى The Passion of the Christ عرضوه في وقت ترددت عواصم عالمية عرضه بسبب ضغوط من اللوبي الصهيوني أو تحفظات دينية أخرى


بس الحمدلله شكلها السينما استعادت نشاطها بعرضها لآلكساندر الأسبوع المقبل

و هالله هالله بفيلم The Grudge ترى ناطرينه

وفي أمان الله

[squal]

اولاً انتي سببتي لي صدمه يووم قلتي ان برووس يموت في فيلم الحااااااااسه السادسه!!! -بالمناسبه انا شااايف الفيلم-ان شالله انا مو اهووو
المهم المفروض ماتسمعين من فلان وعلان..
رووحي النت ودخلي على الموقع...وشوفي القصه...
ماعلينا..
بس بغيت اقوول صح النوم يا سينما قطر...
فيلم Gothika نزل على دي في دي واشرطة فيديو..ولاتقولين اني غلطان لان الفيلم عندي... وشبعنا منه..

وفيلم سار ميشل... شريته وجنه العيد....طبعاً كوبي بس نسخه روووعه في كل شي...
وترا فيلم اكساندر....
لاتتفاجأين عندي...وطبعاً كوبي...بس نسخه جيده...وكامل ومو مقطع..ياااحظي ههههههههه

يعني هالفيلم ماراح يسلم من المقص القطراوي في السينما هههههههه

انا اقووول

الله يخلي لنا الهنود اللي يبيعون في السر خخخخخخخ

ويسلمووووووو

[واحد من الشباب]

هههههه ضحكني ردك سكوال

ليكوون من عند صفوان ههه


المهم الموضوع بصراحه روووووووووووووووووووووووووووووووووووعه
ومنظم ومنسق
واشووف السينما 4 شهور راقدة ويوووم تييب فلم يديد

كل الافلام اللي حاطينها قديمة >_<
بس شنسوي
واتذكر انا رحت آلام المسيح في ثاني يووم عرض
كانت زحححححححححمه السينما
وفلم ساراميشيل عندي ياه ..~_^..

انا بعد قريت الخبر واستغربت مثلج
اكيد الجرايد مغلللطة
وثانكس على الموضوع الكووول

[رانزي الساحرة83]

أهلين squal

اولاً انتي سببتي لي صدمه يووم قلتي ان برووس يموت في فيلم الحااااااااسه السادسه!!! -بالمناسبه انا شااايف الفيلم-ان شالله انا مو اهووو
المهم المفروض ماتسمعين من فلان وعلان..
رووحي النت ودخلي على الموقع...وشوفي القصه...

أنا شايفة الفيلم..وبروس ميت فيه أصلا! شفت لما الشاب اللي كان يعالجه وهو صغير أطلق عليه النار؟ هو من هني مات! لكن طبعا ما بينوا هالشي لزوم الصدمة ! محد كان يقدر يشوفه أو يكلمه إلا الولد الصغير اللي يشوف الأموات! لأنه يشوف الأموات! وبروس ميت! تذكر لما الولد قال:
!I see dead people, walking around like regular people. They don't even know they're dead
فبروس ما يدري أنه هو ميت أصلا ودقق في هالثلاث مشاهد:

1.لما زار الولد في بيته (يوم يسأله عن ساعة يده) شلون دخل البيت؟ ما بينوا صح؟ الأم ما فتحت له الباب هو كان قاعد عالكرسي وخالص!
2.لما تأخر على زوجته بالمطعم يوم أخيرا وصل هي ما كلمته مو لأنها زعلانة ..لا! لأنه ما كان موجود أصلا!
3.لما بالمستشفى مع أم الولد والدكتور – اللي لعب دوره مخرج الفيلم- صج كان بروس منفعل لكن لاحظ الدكتور كان موجه كلامه للأم حتى ما عطى بروس ويه!

هو ما كان يدري أنه ميت تماما مثل ما قال الولد عن الميتين اللي يشوفهم..ما يدرون! ما عرف إلا بالنهاية يوم انكشف له أنه ميت لما راح يكلم زوجته وهي نايمة! يوم طاح الخاتم من صبعه وشاف جلده متغير وبعدين يوم راح يبي يفتح باب الدري ما قدر طبعا زائد مكان الطلقة النارية والدم ينزف! هني تذكر كلام الولد وأدرك أنه ميت! لا تقولي لي أنك شفت كل هاي وما شكيت ! الفيلم صعب أول مرة وايد ناس اضطروا يشوفونه أكثر من مرة عشان يفهمونه ويلاحظون اللي فاتهم لكن أنا لسوء حظي وقرادتي كنت عارفة خربوا علي الصدمة ! آخ ذكرتني بقمة قهري يوم كل السينما شهقت إلا أنا مالت على حظي طول الوقت كنت عارفة!
آه! تعبت!

بس بغيت اقوول صح النوم يا سينما قطر...
فيلم Gothika نزل على دي في دي واشرطة فيديو..ولاتقولين اني غلطان لان الفيلم عندي... وشبعنا منه..

بالنسبة لـ Gothika كنت بشوفه عالـ DVD لكن يوم شفت دعاية أنه بينزل بالسينما غيرت رأيي! قول عاد متى شفت الدعاية؟ يوم رحت أشوف مذبحة تكساس ! بل! غبرة!!!

وترا فيلم اكساندر....
لاتتفاجأين عندي...وطبعاً كوبي...بس نسخه جيده...وكامل ومو مقطع..ياااحظي ههههههههه
يعني هالفيلم ماراح يسلم من المقص القطراوي في السينما هههههههه

لا تخاف علي من صدمة آلكساندر! ترى أدري أنه فيه بلاوي زرقا وحمرا وبنفسجية بعد! ولا ليش عيل أجلوا عرضه بأمريكا من 5 نوفمبر إلى 24 ؟ إذا هناك حذفوا هني ما بيحذفون! الله يستر!

المهم الموضوع بصراحه روووووووووووووووووووووووووووووووووووعه
ومنظم ومنسق

مشكور أخوي واحد أخجلت تواضعي
أبذل ما بوسعي ليظهر الموضوع بأفضل صورة

واتذكر انا رحت آلام المسيح في ثاني يووم عرض
كانت زحححححححححمه السينما

عيل شتقول عني أنا اللي مشتطة ورايحتله أول يوم ! ذبحة موت ! طابـــــــــــور شطوله جدامي! وأنا على أعصابي أخاف الفيلم يبتدي وأنا بره!

وفيلم سار ميشل... شريته وجنه العيد....طبعاً كوبي بس نسخه روووعه في كل شي...

وفلم ساراميشيل عندي ياه ..~_^..

أدري الأفلام تنزل بالخش لا وبعد معظم الأوقات تنزل بالفيديو عيني عينك وهم للحين بالسينما قريبا وقريبا!
وتدرون أن وصل لي فيلم The Lord of the Rings الجزء الثالث و The Last Samurai من أمريكا والشاطرة أنا ما رضيت أشوفهم إلا بالسينما يعني نطرت شهووووووووور مو بس أسبوع ولا أسبوعين!
حتى Secret Window اللي سمعت قصته على هيئة تمثيلية إذاعية في إذاعة مونت كارلو من 4 سنين وبس كان ناقصني أعرف النهاية! على بالكم رحت شريت الـ DVD! نطرت لما حطوه توه من حوالي شهرين بالسينما وهو أصلا نازل في أمريكا من مارس ! إذا تكلمت عن الأفلام المتأخرة ما راح أخلص! شقول شخلي؟!؟

بس فعلا كانوا يستحقون الانتظار ! خصوصا Lord of the Rings لو تذبحوني ما كنت شفته إلا بالسينما! تدرون أنا كل عيد أحجز قبل بيوم لهالفيلم! أعرف نحاستهم ما يحطونه إلا بالأعياد! حفظت تصرفاتهم
>>>مينونة سينما! لو أقدر كنت شفت كل فيلم بالسينما! لا شي يضاهي الشاشة الكبيرة والـ speakers وكل شي فيها! كل شي!! ها ها ها!!!

انا بعد قريت الخبر واستغربت مثلج
اكيد الجرايد مغلللطة

لا ! أرجوك! أرجوك لا! لا تقول لا تصدمني! ما صدقت ينزل شي بوقته

ويسلمووووووو

الله يسلمك أخوي squal

وثانكس على الموضوع الكووول

العفو you're cooler

ومشكورين على مروركم الكريم نورتوا الموضوع

[Sassy]

انا كله اللي خاطري فيه الحين يكون عندي فيلم سارا The Grudge

هذا الفيلم اللي ابيه ينزل بسرعه بالسينما .. ابي اشووووووووفه بأي طريقة..

وياحظكم ياواحد وسكوال عندكم إياه..

وانا مومهتمة لهدرجة اذا كانت الافلام اللي بالسينما يديده ولا قديمة..

زين انه فيه سينما تعرض الافلام ..هذا يكفيني..

وشكراً عالموضوع..وبنشوف يوم الاربعاء اذا يبنزل فيلم آلكساندر ولا لا ...

[squal]

أنا شايفة الفيلم..وبروس ميت فيه أصلا! شفت لما الشاب اللي كان يعالجه وهو صغير أطلق عليه النار؟ هو من هني مات! لكن طبعا ما بينوا هالشي لزوم الصدمة ! محد كان يقدر يشوفه أو يكلمه إلا الولد الصغير اللي يشوف الأموات! لأنه يشوف الأموات! وبروس ميت! تذكر لما الولد قال:
!I see dead people, walking around like regular people. They don't even know they're dead
فبروس ما يدري أنه هو ميت أصلا ودقق في هالثلاث مشاهد:

1.لما زار الولد في بيته (يوم يسأله عن ساعة يده) شلون دخل البيت؟ ما بينوا صح؟ الأم ما فتحت له الباب هو كان قاعد عالكرسي وخالص!
2.لما تأخر على زوجته بالمطعم يوم أخيرا وصل هي ما كلمته مو لأنها زعلانة ..لا! لأنه ما كان موجود أصلا!
3.لما بالمستشفى مع أم الولد والدكتور – اللي لعب دوره مخرج الفيلم- صج كان بروس منفعل لكن لاحظ الدكتور كان موجه كلامه للأم حتى ما عطى بروس ويه!

هو ما كان يدري أنه ميت تماما مثل ما قال الولد عن الميتين اللي يشوفهم..ما يدرون! ما عرف إلا بالنهاية يوم انكشف له أنه ميت لما راح يكلم زوجته وهي نايمة! يوم طاح الخاتم من صبعه وشاف جلده متغير وبعدين يوم راح يبي يفتح باب الدري ما قدر طبعا زائد مكان الطلقة النارية والدم ينزف! هني تذكر كلام الولد وأدرك أنه ميت! لا تقولي لي أنك شفت كل هاي وما شكيت

اولاً ندري ان في البدايه ايي واحد مادري شنو سالفته الظاهر مختل عقلياً ويطلق عليه الرصاصه في بطنه!!!
ويطيح بروس على السرير وتلف القصه وتدور ونرجع حق الولد...الخ..فااااااااااااااهمج لكن انا ما اتقبل ان بروووس يموت في القصه<<<صج اني نحييس هههههههه
حتى فيلم ارمانجادون<<<مادري اذا صح الاسم بالانجليزي!!!
المهم...هو الوحيد اللي ضحى بحياته عشان ينقذ افراد الطاقم اللي معااه وينقذ العالم كله...ياااحراام يااابروس <<من يقدر تضحيتك !!والله كنت اتمنى ان بن افلك يموت بداله..<<<ليس كل مايتمنى المرىء يدركه...الخ

على العموم مشكووره..وسوري اذا تعبتج وخليتج تكتبين تقرير عن فيلم الحاااسه السااادسه..اللي للحين مو متقبل موت برووس ويليس...بس والله ان هالفيلم عجييب والمخرج الهندي اروووع منه مااافي...مادري احسه معقد..كل افلامه عن اشياء خياليه..
مثل فيلم signحق ميل جيبسون

وفيلم unbreakableحق بروس ويليس وصاموئيل جاكسون

سووووري مره ثااانيه على الاطااااله
___________________
واااحد من الشبااااااااااااااااب...
صح كلامك انا شريته من صفوااااان خخخخخخخخخ

[دلوعه]

الكساندر نزال عندنا توه باين عليه روعه

وانجلينا جولى دايمن افلامه حلوه

بس انا بعد نفس ساسى ابى اشوف

فلام ساره ميشيل اليديد

لانه باين عليه حلو ورعب وانا اموت على شى اسمه

فلام رعب لانى ما اخاف

[A.N.G.E.L]

شكرا على الموضوع بس انا الحين بروح ريزدنت ايفل

وانشاء الله الاسبوع الجاي ارح الفلم

وشكرا

[a b s]

[Glow]أقول لكم شي؟؟؟























أنا من الرياض يعني من السعوديه يعني مافي سينما الدعوه تهريب دي في دي وبس
ومشكورة رانزي على موضوعك المرتب جدا [/Glow]

[Colin Farrell]

الكسانرد في قطر
يا حياه الله

مشكووره رانزي

[واحد من الشباب]

مسكييييييينة تنطرين شهرين عشان تكملين الفلم ههههههه
مادري شلون تصبرين لو انا مستحيييل اصبر
المهم نسيت اقووول اني يوم الخميس رحت السينما
سينما الستي طبعا
وكانوا حاطين العرض القام آلكساندر
بس ما اتوقع يوم الاربعا الخميس
ههههههه
تذكرت ايام العمامي
اقصد الخوالي
ايام سينما اللاند والموول
صج اندثروا بعد سينما الستي ههههه
يالله انا ناطر آلكساندر على احر من الجمرررر
وبس ...

[Caroline]

مشكووووووووووورة رانزي الساحرة

انتو الافلام تتأخر

شنو تقولين عن السعودية ؟

ما فيها سينما الا في (,,,,وافلام قديمة ومو واضحة ههههههههه


الناس السعوديين دااااااااايما يروحون البحرين عشان يشوفون الافلام هناك احدث الافلام

[Colin Farrell]

مسكييييييينة تنطرين شهرين عشان تكملين الفلم ههههههه
مادري شلون تصبرين لو انا مستحيييل اصبر
المهم نسيت اقووول اني يوم الخميس رحت السينما
سينما الستي طبعا
وكانوا حاطين العرض القام آلكساندر
بس ما اتوقع يوم الاربعا الخميس
ههههههه
تذكرت ايام العمامي
اقصد الخوالي
ايام سينما اللاند والموول
صج اندثروا بعد سينما الستي ههههه
يالله انا ناطر آلكساندر على احر من الجمرررر
وبس ...

والله نفسي
لو شنو ما اصبر ولا يوووم عشاان اشوف الفيلم خخخخخ

[جـــورج كلوني]

ماعتقد بيعرضونه يوم الاربعاء
والعلم عند الله
شكرا على الخبر

[رانزي الساحرة83]

انا كله اللي خاطري فيه الحين يكون عندي فيلم سارا The Grudge
هذا الفيلم اللي ابيه ينزل بسرعه بالسينما

أمنيتي تماما

وانا مومهتمة لهدرجة اذا كانت الافلام اللي بالسينما يديده ولا قديمة..
زين انه فيه سينما تعرض الافلام ..هذا يكفيني..

صح زين أنه في سينما بس يا ريت أفلامها تكون جديدة أكثر مع أني مو ضد الأفلام القديمة..أنا ضد الأفلام المتأخرة زيادة عن اللزوم..ويا ريت يخصصون قاعات لعرض الأفلام القديمة الرائعة مثل Grease لجون ترافولتا أو فيلم The Exorcist المرعب وسينما ثانية خاصة بأفلام الـ anime وثانية خاصة بالأفلام غير الناطقة بالانجليزية وحدة بعيــــــــــــدة لعرض الأفلام العربية زهقت كلما أبي أحضر فيلم بالقاعة رقم 1 قالوا لي عارضين فيلم عربي فيه أففففف

وشكراً عالموضوع..وبنشوف يوم الاربعاء اذا يبنزل فيلم آلكساندر ولا لا ...

العفو حبيبتي Sassy والصراحة شاكة أنه بينزل يوم الأربعاء لو قالوا الخميس ما يخالف بس إن شاءالله صج

فااااااااااااااهمج لكن انا ما اتقبل ان بروووس يموت في القصه<<<صج اني نحييس هههههههه
حتى فيلم ارمانجادون<<<مادري اذا صح الاسم بالانجليزي!!!
المهم...هو الوحيد اللي ضحى بحياته عشان ينقذ افراد الطاقم اللي معااه وينقذ العالم كله...ياااحراام يااابروس <<من يقدر تضحيتك !!والله كنت اتمنى ان بن افلك يموت بداله..<<<ليس كل مايتمنى المرىء يدركه...الخ

نحيس! والله أنت اللي قلتها مو أنا وخلاص عاذرتك! نجمك المفضل!
حلوة هاي ما كل ما يتمناه المرء يدركه
ايه صح تذكرت.. اسم الفيلم Armageddon

على العموم مشكووره..وسوري اذا تعبتج وخليتج تكتبين تقرير عن فيلم الحاااسه السااادسه

لا عادي واشدعوى عاد خليته تقرير

سووووري مره ثااانيه على الاطااااله

عادي خذ راحتك

صح كلامك انا شريته من صفوااااان خخخخخخخخخ

منو هذا صفوان
لا أتغشمر ! أدري اللي تشترون منه أفلاكم

الكساندر نزال عندنا توه باين عليه روعه

والله؟ نزل عندكم بالسينما؟ توه نازل بأمريكا ما صار له أسبوع ما شاءالله سريعين أهلنا الكويت بس

لانه باين عليه حلو ورعب وانا اموت على شى اسمه
فلام رعب لانى ما اخاف

COOL هم أنا بعد أموت في أفلام الرعب بس أخاف عشان جذيه أحبها أحب الأشياء اللي تخوف
عندي موضوع - تصويت عن أفلام الرعب اسمه
? What's Your Favorite Scary Movie
حابة تصوتين؟

شكرا على الموضوع بس انا الحين بروح ريزدنت ايفل
وانشاء الله الاسبوع الجاي ارح الفلم
وشكرا

العفو أخوي بس إن شاءالله عاد ينزل الأسبوع الياي

أقول لكم شي؟؟؟

تفضل بس وينه؟ آه! كاهو تحت ما شفته

أنا من الرياض يعني من السعوديه يعني مافي سينما الدعوه تهريب دي في دي وبس

بس تدري..قريت من فترة أن يدرسون فكرة افتتاح صالات سينما حتى شركات الفيديو اعترضت لأنه بتخسر وايد خاصة إذا صار هالشي..بس ما أدري..صعب تصدق أي شي يكتب في الجرايد والمجلات

ومشكورة رانزي على موضوعك المرتب جدا

العفو أخوي abs لازم أرتبه خاطر عيونكم الحلوة

الكسانرد في قطر
يا حياه الله
مشكووره رانزي

والله نفسي
لو شنو ما اصبر ولا يوووم عشاان اشوف الفيلم خخخخخ

ايه كنت ناطرة ردك يا كولونو >>> مسروقة من Sassy اسمحيلي Sassy
لا..ما عاش اللي يهينك آسفين..يا سيد كولن فارل جذيه أحسن؟
ايه عاد هاي حبيب قلبك البريء براءة الأطفال مثل ما تقول
ولا عاد أنا أصبر حـــــــلاتـــــــــه الفيلم بالسينما جو مثير
و مبروك مقدما على نزول الفيلم
وعفوا

مسكييييييينة تنطرين شهرين عشان تكملين الفلم ههههههه
مادري شلون تصبرين لو انا مستحيييل اصبر

حرام عليك شهرين عشان أكمل الفيلم
أنا نطرت 4 سنين عشان أكمل نهاية Secret Window (والله الصراحة سنة! لأنه ما كنت عارفة اسم القصة وما دريت أنه بيسوونها فيلم إلا بعديـــــــن! ) بس عـــــــادي عندي مستعدة أنطر سنة كاملة إذا دريت أنه في فيلم أحبه بيعرضونه في السينما

تذكرت ايام العمامي
اقصد الخوالي
ايام سينما اللاند والموول
صج اندثروا بعد سينما الستي ههههه

أيام سينما المول والاندمارك هي أيامك الخوالي! ما تدري عني ..هذيلا عندي أيام العصور الوسطى
من نعومة أظافري وأنا أحضر أفلام بالسينما أيام ما كان في غير سينما الخليج الداقة ( لا حرام ما أقدر أسبها ذكريات ) الظاهر عشان جذي طلعت مدمنة سينما

مشكووووووووووورة رانزي الساحرة

العفو عزيزتي ماندي

انتو الافلام تتأخر
شنو تقولين عن السعودية ؟
ما فيها سينما الا في (,,,,وافلام قديمة ومو واضحة ههههههههه

بس عالأقل عندكم شبكة شو تايم! تدرين احنا ما صار لنا شهر من يوم ما حطوا وكلاء لها هني بقطر صح النوم >>> وهاي مسروقة من squal

الناس السعوديين دااااااااايما يروحون البحرين عشان يشوفون الافلام هناك احدث الافلام

للأسف قالوا أفلامنا بتكون حديثة مثل أفلام البحرين وفعلا أول ما بدت شركة السينما المشتركة بين قطر والبحرين كانت تعرض أفلاما حديثة لكن بعدين تعثرت شوي يعني مرة تصيب ومرة تخيب..بس الحمدلله على كل حال

ماعتقد بيعرضونه يوم الاربعاء
والعلم عند الله
شكرا على الخبر

لا حرام عليكم! كل ساعة ييي واحد يحبطني يقول ما راح يعرضونه الأربعاء
زين لا يعرضونه الأربعاء! خل يعرضونه الخميس
ومشكورين على مشاركاتكم يا إخوان

[رانزي الساحرة83]

خبر عن آلكساندر

ستعرض قناة Discovery يوم الأحد بتاريخ 05 -12 - 2004 الساعة GMT 19:00 - 22:00 KSA برنامج عن تقمص الممثل الإيرلندي المعروف كولن فارل لشخصية آلكساندر واسم البرنامج هو

Becoming Alexander

(بس يمكن يخرب على اللي ما شافوا الفيلم للحين - مثلي - فشكلي بسجله وبشوفه لاحقا ويه لا تذكرت! إن شاء الله ينزل الفيلم هالويك إند عشان أشوف البرنامج بوقته )

وهذه تواريخ إعادة البرنامج:

الأثنين 06 - 12 - 2004
GMT 03:05 - 06:05 KSA

السبت 11 - 12 - 2004
GMT 22:55 - 01:55 KSA

الأحد 12 - 12 - 2004
GMT 09:40 - 12:40 KSA

شفتونا احنا معجبين توم كروز شلون طيوبين ولطفاء وكرماء حلوين طيبين وبنحبكن!

وفي أمان الله

[squal]

يسلمووو...


مشكووره اولاً على الخبر اللي بيعرفنا اكثر على اجواء الفيلم..

وثاانياً انتي طيبه ما يحتاي تقولين خخخخخخخخخخخ ^_^

بااايووووو

[رانزي الساحرة83]

العفو أخوي squal

ومشكور



أنت أطيب!

أتمنى لك مشاهدة ممتعة! (ايه عاد شايف الفيلم وخالص )

[squal]

ههههههههههههههه

وليش عاااد سمايل زعلان ...عند كلمة مشكوور!!!

على العموم الفيلم ما يناااسب حق الــ ......

وزين اللي عندنا رقاابه على الافلام في السينما !!!

[رانزي الساحرة83]

ههههههههههههههه
وليش عاااد سمايل زعلان ...عند كلمة مشكوور!!!

لا هالسمايلي مو زعلان ..متأثر بكلامك الطيب

على العموم الفيلم ما يناااسب حق الــ ......

لا عادي أنا فوق السن القانوني ما يندرى عن الباقي
هاي أنت شايف النسخة المنقحة وتقول فيه بلاوي تعال لا يكون شفت النسخة الأصلية اللي قبل التعديل لا ..لا ما أعتقد! أمريكا أخرت نزول الفيلم 19 يوما عشان لقطات " مش و لا بد" !!! بس بعد ما حذفوها كليا!
و هايدا اللي أريتو وسمعتو

وزين اللي عندنا رقاابه على الافلام في السينما !!!

أففف! الصراحة! ساعات الرقابة يمصخونها زيادة عن اللزوم القصة تروح وما تنفهم والسبة مقص تقطيعهم يعله الكسر إن شاءالله مرة بالسينما شفت دعاية فيلم عادل إمام ( طبعا ما أطب أفلام عربية بالمرة! ) قلة أدب ومسخرة وسخيييييييييف! وتقليد لفيلم Meet the Parents بعد! هاي ما يقطعونه ويهالو على 8 و 9 سنين يروحون يشوفونه عادي عندهم لكن The Lord of the Rings البريء الرائع يقطعونه ويا ويههم؟! سخافة غباء قهرررررر

ما في إدراك ما في استيعاب ..الحمدلله والشكر