كيفكم شباب ؟؟ و بنات ؟؟
هذي قصتي مع زواج أخوي ^_^
أنا و اختي اتفقنا مع هوني نشوف بعض في المشغل ..
كل وحده راحت مع امها ..
يوم دخلت المشغل لقيت هوني
بعدين رحت أدور لي على تسريحة لشعري و أحوس في المجلات ..
آآآخر شي ماما اختارت لي و وافقت أهم شي أخلص بدري ..
أول وحده تحط ميك أب من البنات هوني .. أول ما شفتها ما تقبلت وجهها وهو عليه ميك أب كامل خخخخخخ بعدين أختي .. بديت أتقبل شوي حكاية الميك أب الكامل ..
و جا دوري .. و هي تحط لي كنت آخر وحده كلهم خلصوا
و طلبت وحده تسوي لي أظافري .. حسيت إني حركااات .. وحده تشتغل في وجهي و الثانية في أظافري ..
اللي تشتغل في أظافري صارت بينها و بين ماما محاثة عني .. احم احم
الفلبينية ( اللي تشتغل في أظافري ) : هدا بيبي انتا ؟؟
ماما : ايه
الفلبينية : ما شاء الله هدا هلو .. ما فيه خطوبة ؟؟
ماما وهي تضحك : لسا صغير
الفلبينية : كم عمر ؟؟
ماما : 17
الفلبينية : أنا فيه زواج عمر 16 .. و بنت أنا فيه زواج عمر 16
ماما : ليـــــــه لسا صغير !!
الفلبينية : ( كلام مو مفهوم )
ماما : لا هي عندها مدرسة
يوم خلصت أناظر نفسي في المراية .. شكلي متغير .. رسمت لي حواجب حرمه
كل ما ناظرت فلبينية أبتسمت لي و اللي تقول ما شاء الله هلوو خخخخخخخخ
عشان ما فيه إلا أنا في المشغل .. كلهم خلصوا و راحوا
و على طووول رحت لــ بيت هوني
و ألبس فستاني اللي يوم خلص من الخياطة قعدت أبكي ما عجبني .. لبسته طلعت من الغرفة .. جت هوني : الله يجنن .. ما شاء الله
نزلت تحت .. شافتني أمها : هذا اللي بكيتي عليه !! .. حلوو ما شاء الله
و أنا ما أقتنعت بكلامهم و قلت في نفسي : أصلا ما فيه مجال للتراجع .. هذا زواج أخوي ولازم أروح بفستان وع و لا حلوو
خسارة كل أهل العريس راحوا مع بعض إلا سيارتنا
وصلنا .. و كل ما سلمت على وحده .. قلت لها أنا أخت محمد
و أول ما وصلنا لطاولتنا .. غنوا الطقاقات .. راحوا البنات يرقصون إلا أنا و هوني .. بعدين تشجعنا و قلنا يلا ..
و أنا أرقص مع هوني .. جتني و هي ترقص تقول : أحس اني أنشليت خالنرجع هههههههاااي .. و رجعنا
و كانت هذي أول مره في حياتي أرقص في زواج
بعدها خلاص راح الخوف .. و صرنا كل شوي نقوم نرقص خخخخخخ .. أكثر ناس يرقصون طاولتنا هههههههه
و الطقاقه تناظرني و أنا أرقص و تقول عاشوا .. و تناظر شلتنا و تقول عاشوا الحلويـــن << احم احم
بعدين قالت الطقاقة : تغطوا
إنا غبيااااات ما جبنا طرحاتنا .. وااااثقين عشاننا ما نتغطى على العريس ..
و نسينا أخوان العروسة خخخخخخ
رحنا ( أنا و أختي و هوني و نودي ) نركض يوم قربنا نوصل .. قالت الطقاقة : يا هلا بالمقبلين ..
و نودي الهبلة قالت : جو جو .. و رجعنا .. و هم دخلوا من قدام .. ( يعني نقدر نروح نجيب الطرح .. بس نودي الهبلة دخلت و لحقناها .. و إنا أشكالنا تحـــــــفة .. ما تشوفون إلا أقزام يمشون ههههههه
و الحريم يناظرون و عليهم علامات التعجب و الاستفهام
و رحنا لأقرب طاولة بنات نعرفهم و تغطينا معهم .. و تفرجنا على رقص الأولاد .. و يوم راحوا الأولاد .. الهبلات نودي و اختي و هوني قاعدين يمدحون في واحد .. يقولون انه يجنننن .. و هوني الهبلة تدعي : يااا رب يجي يخطبني
و انا قلدتها مع اني ما شفته : يااا رب يجي يخطبني
بعدها عزمنا أهل العروسة في المزرعة .. و البنات هربوا لي الخبر التحفة .. خذتني هوني على جنب و قالت لي : فيه وحده سألت اختك الكبيرة عنك تقول : ما شاء الله مين هذي اللي لابسة أسود ؟؟ و الأسئلة الباقية مادري عنها
و إن أخوها الوحيد اللي ما تزوج هذاك الحلو اللي شفناه يرقص ..
أنا مادري أفرح ولا أبكي ولا أصارخ خخخخخخخخخخخ
بس الحمد الله قالوا لي قبل عشان لو خطبوني رسمي ما أموت من الصدمة و أبلع لساني و أنشل و كل شي خخخخخخ
بعد ما سمعت الخبر من هوني .. طلعت وهم كانوا لابسين عباياتهم بيروحون .. وقفت أقول لهم مع السلامة و جت وحده قالت لنا : عقبالكم يا بنات
قلت : إن شاء الله
بعدين قالت وهي تناظرني : إن شاء الله قريب
أنا خفــــــــــت مره
ندمت إني قلت كذا خخخخخخخخخاااي
وش رايكم بالقصة ؟؟
وش رايكم فيني ؟؟ هبلة مو ؟؟
المفضلات