بسم الله ,
نعومة اليد , وشكلها كل هذا يدل على مدى اهتمامك فيها ,
عني انا , تلفت نظري كثير شكل اليدين , لونها , ملمسها ( إذا جيت أصافح ) و برضوا
( ترتيب الأظافر )
يمكن يجي في بالكم انو ( ترتيب الأظافر ) يعني لازم تكون طويله ومبروده صح ../بس
لا , حنا هنا راح نتكلم عن العنايه بالأظافر بشكل عام , كيفية قصّها , ترتيب شكلها
لمعانها ,
فيه كثير نصائح مو من المفروض نتجاهلها , لأنها مهمه كثير , وراح تفيدنا ..
علشان تعتنين بأظافرك :-
* أفضل وقت تضعين المناكير عليها المفروض يكون بعد الاستحمام ، لأن هالشيء يساعد في التخلص
من الأوساخ والقشره الميته اللي تحت الظفر .
* اذا كنت تستخدمين ملمع أظافر وحابه يظّل عندك لفتر طويله , فاخليه في الثلاجه ،
لأن التبريد راح يخليه مده اطول قابل للاستعمال .
* بعد ماتغسلين يديك استخدمي كريم مرطب او لوشن علشان ماتجف بشرة اليد والأظافر تنشف
هالشيء مو زين لها ، الكريم ضروري كثير حاولي يكون معك طول الوقت
كل ماحسيتي ان يديك بدت تجف ’ حطي عليها الكريم ,
اذا كانت يديك من النوع الجاف مره استخدمي كريمات تكون فيها كمية الزيت كبيره ,
مثل الفازلين , ينفع للي يعانون من جفاف قوي .
* لما تجين تزيلين المناكير بالاسيتون حاولي مايبقى اي اثر على اصابعك بعده ,
لأنه مو كويس للأظافر , اغسلي يديك زين بالصابون , وانتبهي لما تحت الأظافر .
* طبعا الغذاء الصحي مهم كثير لحماية الأظافر وتقويتها , اذا فعلا حابه تكون اظافرك قويه
وصحيه , ركزي ع الفيتامينات ومصادرها .
-------------------
اذا كنتي تحبين تحطين مناكير فـ شوفي معنا ايش هي الأغراض اللي تحتاجينها ،
1/ مزيل طلاء الاظافر
2/ قطن
3/ وعاء فيه مويه + الصابون + شوي من عصير الليمون + شوي من زيت الزيتون
4/ مقص الأظافر
5/ منشفه صغيره
6/ المبرد
7/ الأساس المقوي
8/ المناكير باللون اللي تبينه
(هذا في حالة المناسبات ويكون اللون مختار على حسب اللبس)
9/ وأخيراً ،
المثبت
الخطوات ..
* بالأول اتأكدي ان أظافرك ماعليها بقايا مناكير او اسيتون , اغسليه بالصابون ودققي على اللي
تحت الاظافر .
* جففي يديك بشكل جيد
* ابردي اظافرك..
- يفضل المبارد الناعمه الخشبية الطويله..
* ابدئي دائما من اطراف الظفر الى الوسط..
* حطي يديك في المويه اللي انتي مجهزتها قبل..لفترة معقوله..
راح تحسين ان الطبقة تحت الظفر بتنظف وتنعم ..
* نشفيها وازيلي الاوساخ عنها..
هنا ممكن تستعيني بمقوي خاص للاظافر.. يساعدك في ازالة الجلد الزائد على
الظفر..
* ابسطي يدك وحطي الاساس .. عشان مايلطخ اللون على ايدك اذا جيتي تحطينه ..
<--عقدتها
وخليه ينشف شوي..
* حطي اللون اللي تبينه ..
(بس راعي الطريقة السليمه ) ..
/بأنك تبدين من نص الظفر بحط اللون وبعدين الاطراف..
/وبعد مايجف تكررين الخطوه مره ثانيه بنفس
الطريقه..
* بعد ماينشف تضيفين المثبت بعد بنفس الخطوات
وهنا ( ابلتكم كل الحب ) ودها تخصص لكم الطريقة الفرنسيه في المناكير
وزي مانتم عارفين انها هي اجدد طريقه للمناكير
واللي هي كالتالي..
# حطي الاساس..
# بعد مايجف حطي على اطراف الظفر بس اللون الابيض وخليه يجف
# حطي لون وردي باهت على كل الظفر
# وبعد مايجف حطي المثبت
( شكرااااا ابلا كل الحب )
-----------------------------
طبعا بما أنه اول درس لي , فـ ( ماراح يكون فيه واجب )
بس راح يكون التقييم على حسب الردود والوصفات اللي ممكن تفيدنا في هالمجال
اذا عندكم اي اضافات لا تبخلون علينا فيها ,
ان شاءالله يكون الدرس خفيف عليكم , وتكونوا اسفدتوا منه ..
المفضلات