غـلاك خـنجـر ذابحـن حـيـل مغليه
ألعن أبو جـد الغلا زاد فيـّا
زاد الغـــلا وزادن عـليّه بلاويـه
تعال وشـف طعنك فـقلبي هنيّا
ماقـلـت لك الحــب كثيره شكاويه
وقـلتلـي بحـبك لا تبخـل عليّا
تكفــى حـبيبي وجـيـت لبيه لبيه
تكفـى تـراها حـيل مـنـك قويّا
جيتك كما حـرٍن كـفـخ فـي جناحيه
ساعـة مزاده حـاز راس العليّا
ما لـف راسه يوم كـلٍ (ن) يناديه
عـن الردايا وغبنت السبق عيّا
حرٍ (ن) سمـع بالصوت راعيه يدعيه
وقـّع عـلى كـف الغلا..قال هيّا
هيّا حـبيبي والـعـمـر لك بفـديه
ارخـص لك الغالـي ويصبح شويّا
والحين شوف القلب بان التعب فيه
سـبة غــلاك اليوم ذاق المنيّا
ماقـلـت لك الحــب كثيره شكاويه
وقـلتلـي بحـبك لا تبخـل عليّا



اضافة رد مع اقتباس







المفضلات