مشاهدة النتائج 1 الى 2 من 2
  1. #1

    ][.. مسلسل سعودي مكسيكي.. (مدبلج)..هههههههاي..][


    السلآم عليكم

    ماعرفت وش أحط موضوع سياسى ولاأجتماعى ولاثقافى
    بس بعدين قلت نفسى يابنت عن الفلسفه


    وحطيت هالموضوع والله يستر عسى مايكون قديم
    وإذا اكان قديم يعنى؟! عادى تصير بأفخم العائلات

    لمسلسل المكسيكي المدبلج بالسعودية؟


    تررررررررن تررررررررن ..صوت الجرس يرن


    والده نينيتا: نينيتا اقحصي وافتحي الباب يابنيتي


    نينيتا :حسنا حسنا ياامي اصبري شوي البس نعالي


    من الطارق: فتحت الباب .استراخان وش عندك جاي وش تبي فيني.


    مو من حقي اسلم على حبيبة قلبي نينيتا ولا ماتبيني اسلم


    نينيتا(طرااااااااخ كف على وجهه) جاي تسلم علي بعد
    ماشفتك مع ذيك المغفله ضف وجهك ولاعاد تقبل علينا


    طلع استراخان وهو حزين ومتنكد وهو في الطريق سوى حادث والسبه نينيتا


    وبعد برهه..ترررررررن تررررررررررررن صوت التلفون ( مثل صوت الجرس )


    الخادمه:منزل رابين كارلوس من معي؟؟


    الو انا الدكتور اوكيستو هل لي ان اتحدث من نينيتا؟

    الخادمه : نينيتاااااااا نينيتااااااا

    نينيتا : نعم يا مال الوجعه

    الخادمه : هذا بابا دكتور في تلفون


    نينيتا:الو من انت وش عندك بعد


    اوكيستو:انا الدكتور اوكيستو وبصراحه مدري وش اقولك بس استراخان تعرض لحادث مروري وهاهو الحين عندنا مرقّد بالمستشفى


    نينيتا :آآآآآآآآه ياإلهي هل انت محق فيما تقول .....ذبت السماعه واغما عليها


    والدتها:ااااااااااااااااااااه الحقوووووني ماذا دهاك يابنتي ......؟؟؟؟؟؟ اخضروا الماء والعطر
    وتاخذ الأم السماعة ويقولها الدكتور نفس الكلام للي قاله لنينيتا ويغمى على الأم وبعد شوي قامو


    نينيتا:امي هيا بنا الى المستشفى لقد سوى استراان حادثا
    وهو في حاله خطيره


    الام:حسنا حسنا طيب هيا بنا لنخرج بس دقيقه بغير ملابسي


    نينيتا:حتى انا بغير ملابسي بس يلا بسرعه

    وفي المستشفى:


    عند الرسبشن(الاستقبال)

    نينتا:من فضلك ابي غرفه استراخان ماكسيما


    الرسبشن:روحي لاخر غرفه في الحوش


    حسنا شكرا لك..هيا يامي قومي بسرعه


    وعند باب الغرفه:

    نينيتا : يمه اخاف ادخل عليه القاه مكسر


    والدتها :امشي بس يابنيتي سمي ولا عليتس ان شالله


    والمفاجأه الكبرى عندما دخلت..........وجدت عشيقته لورانسا بجانبه


    نينيتا: بعد بعد هذا اللي ناقص وصلت فيك المواصيل انك تناديها عندك ولا وين بالمستشفى بعد الشرهه ميب عليك ولا عليها الشرهه على المتخلفه اللي تعبت نفسها عشان تزورك


    استراخان:لورانسا هيا اخرجي انا لا اوحيبكي نينيتا حبي الوحيد هيا اخرجي


    لورانسا:حسنا سأخرج ولكن بوريك شغلك مضبوط بس اصبر علي انت وذا الشيفه اللي معك < وطلعت معصبه

    استراخان:تعالي بقربي حبيبتي تعالي هيا


    قربت نينيتا وعيونها تصبصب دموع قام استراخان ومسحها لها وقال لاداعي لها ابتسمي


    نينيتا:استراخان لماذا دعوتها عندك بالمشفى؟؟؟؟ ألست انا من احببت اذن اتركها تكفى ودعنا نتزوج


    استراخان:تامرين امراصلا مدري وش جابها عندي(ابوك يالترقيع) خلاص ياروحي بكره بطلع من المستشفى ونتزوج اوكي؟


    نينيتا :اوكي حبيبي
    =====================
    اعلانااااااااااااااااااااات

    نتابع معكم المسلسل المكسيكي المدبلج
    (لماذا ياحبيبي لماذا)
    =====================
    جا بكره ورجعوا للبيت وطق استراخان عليهم الباب ودخل
    وكلم الام


    استراخان :عمه انا جاي اخطب بنتك نينيتا وابيها على شرع الله


    والدتها :ياوليدي هذي والله الساعه المباركه بس خلني اشاورها ..هاه
    يانينيتا يابنيتي نقول مبروك ( ما كأنهم جاحدين الأب )

    حمرّت خدود نينيتا وقالت اللي تشوفينه يمه وقامت والدتها :طيب قبل ماتروحين خذي رقم الطقاقات من جارتنا الي على اليسار: عشان نسوي عرس وطقطقه وننبسط ولاتنسين تتصلين على الصبابات بعد

    استراخان:اخيرا ياروحي تزوجنا ماني مصدق


    نينيتا:الله ياستراخان هذا اسعد يوم في حياتي


    استراخان:طيب ياحوبي وش بنسمي ولدنا؟


    نينيتا :طبعا بسميه رابين على اسم ابوي


    استراخان:اجل بيسموني ابو رابين الله وناسه


    نينيتا:طيب حبيبي وين بنسافر شهر العسل له؟؟


    استراخان :والله انا ودي اسافر للرياض بالسعوديه يقولون جوها مافيه
    ازين منه غير انها منتجع سياحي هاه وش قلتي نحجز من الحين؟


    نينيتا :اللي تشوفه ياروحي وين ماتروح خذني معك



    وفي المطار.......


    تعلن الخطوط المكسيكيه عن انطلاق رحلتها رقم 656والمتوجهه الى مدينه الرياض عن اقلاعها بعد عشر دقائق فعلا المسافرين التوجه لركوب الطائره وشكرا


    نينيتا:يالله يامي نشوفك على خير ان شالله اول مااوصل ادق عليك لايضيق صدرك امووووووووه بااي


    استراخان: يالله ياعمه توصينا بشي نشوفتس على خير ياوجه الخير


    الوالده:هاه عاد ياوليدي يااستراخان مااوصيك على نينيتا
    ترا ماعندي غيرها حطها بعيونك ويالله توصلون بالسلامه


    استراخان:نينيتا بعيوني ياعمه مع السلامه


    مشت نينيتا للطياره ولا حظوا انها لابسه تنوره فوق ركبتها وبلوزه مزلطه ولاجابت معها عبايه وعلى بالها انها مسافره لامريكا


    يوم وصلوا لمطار الملك خالد نزلت نينيتا على نياتها وطلعوا من المطار وراحوا يتمشون طبعا اول مانزلوا من التكسي جت الهيئه ومسكت نينيتا على ملابسها اللي لابستها وقطوها بالسجن(تستاهل)


    استراخان : يصيح لااااااااااااااااا نينيتا ونينيتا
    نينيتا :لاااااااااااا استراخان .استراخان
    المسكين استراخان قاعد يتكلم مع اللي بالسجن شوي ويحب رجله وذاك يقوله ضف وجهك انا ما اعرف عنقليزي عشان ارطن مكسيكي توكل على الله

    مل استراخان من كثر مايحاول يطلعها ومع الاسف مافيه فايده رجع لديرته الي ما يستحي وراح وتزوج لورانسا حتى مادرت امها انه رجع والحرمه مسكينه ماتدري عن شي

    والمسكينه نينيتا خاست سنه بالسجن وبعدها طلعها واحد على كفالته وسفرها لديرتها بعد ماراحت لامها وقالت لها السالفه راحت لاستراخان ولقته متزوج من لورانسا النذل قامت من العصبيه ذبحت استراخانو لورانسا وفي الاخير ذبحت نفسها ....


    النهــــــــاية



    جميـــــــــBSBــــــــــــــله.... smile
    اخر تعديل كان بواسطة » JaMeELaH في يوم » 15-11-2004 عند الساعة » 21:55


  2. ...

  3. #2
    يلللللللللللللللللللللعن اموت في المسلسل ذا

    متأكده انه مكسيكي لانه مكون من حلقتين وانا اذكر ان الافلام المدبلجه 200 حلقه بالقليل

    مشكووووووووووووووره اختي وانبهكي ان هذي اللغه الي انتي كتبتيها اظن انها لغة اهل الرياض او الشرقيه
    sigpic5452_1

    :: كلمات من القلب ::
    "اللهم إن كانت الحياه خير لي فأحيني وإن كان الممات خير لي فأمتني"

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter