أبقول لكم سالفه صارت معي...عارفه أنكم راح تضحكون علي لكن تمونون...
في يوم من أيام الأجازه الماضيه تعرفون أجازه فسهرانه الى الصباح وكانت عند بنت عمي...المهم جالسين وعين الله علينا..فبدأت عصافير بطني تصفر قصدي تغرد ..جلسنا نتشاور أيش نسوي لنا فطور .؟؟ورسينا على بطاطس مقلي===>(ترى هذا فطور مش عشا ولا غدا...خوش فطور)خصوصا أن البطاطس هو الوجبه المفضله عند حضرتي وعادي عندي تكون فطور ولا غدا ولا عشا ما تفرق معي...
فقمت للمطبخ وجلست أحتاس ...المهم حصين الزيت على النار وجلست أنتظره يحمى...طبعا أنا ما عندي صبر أبدا فمليت من الأنتظار===>( خبركم عصر السرعه)
عاد أيش سويت؟؟؟
طولت على النار للأخر وطلعت من المطبخ ...ورحت الغرفه وجلست أقرأمجله...وراح من على بالي البطاطس..والزيت...و النار ..
وما حسيت بنفسي الا وأنا أسمع بنت عمي تصرخ بأعلى صوتها ... نــــــار ..نـــــار
ألحقوني.....و أطيح من على الكرسي وأنا قايمه مفزوعه ومادري وش صار؟؟
أركض على المطبخ وعينكم ما تشوف الا ذيك النار قايمه.....
وماني عارفه أيش أسوي ..وراحت بنت عمي تركض تنادي اخوها......قام حضرته وهو يتمشى
مايدري وش السالفه..و أنا أشده من يده و أقوله يله بسرعه...الى ما وصل لباب المطبخ
وتوه يفتح عيونه الا ويشوف النار قايده ...
ما أقدر أوصف لكم شكله كيف كان هذيك الساعه..ما أدري أضحك ولا أبكي..ويركض يجيب طفاية الحريق ويجلس يضغط عليها يضغط..وطلعت فاضيه هذا وقتها هذي بعد..ويروح يجيب ثانيه و أنا ميته من الخوف والضحك (فاضيه جالسه تضحك)على اللي سويته..ويجي يرش الماده اللي في الطفايه و الحمد لله عدت على خير هذي المره وما صارت الطفايه فاضيه ولا كان أحترق البيت كله ...ولو تشوفون حالنا بعد هذي السالفه..
مو قادرين حتى نوقف على رجولنا من الضحك...
وطبعا أحترق جزء من المطبخ...لكن الحمد لله سيطرت على الوضع و أنقذت الموقف(و أنتي أيش سويتي غير الضحك)
*****************************
مع تحياتي...
كتكوتة...
المفضلات