برنامج dBpowerAMP Music لتحويل انساق الصوت ( بكل جوده ونقاء وسرعه ) لا تفوتونه
السلام عليكم ورحمة الله وبركاته
كيفكم اليوم ان شاء الله الجميع بخير
الحقيقه ادري انا مقصر معكم وكان في بالي انزل هذا البرنامج الممتاز من زمان
بس المشكله اني عجااااز
إلى ان طلب احد الأعضاء الأعزاء هذا البرنامج فا بدل ان اعطيه البرنامج " بالحاله "
قلت انزل لكم البرنامج لكي يستفيد منه الجميع
برنامج dBpowerAMP Music لتحويل انساق الصوت
بسم الله نبدآ الشرح المتواضع من قبلي
كلكم تعرفون برنامج ستريم بوكس الي بازين به وهو والله مهنا زوود
الفرق بينه وبين هالبرنامج الممتاز
1 - ستريم ما يعطيك النقاوه في الصوت اذا حول من الريل الى mp3 / wav
والبرنامج هذا يعطيك صفاوه عاليه وسرعه
2 - ستريم بوكس يبيلك كراك وقلت حيا ومشاوير وميزته الوحيده انه يحول الريل الى mp3
بينما هذا البرنامج ( مجاني ) ويحول جميع انساق الصوت بما فيها rm ,ram ,ra , MP3 , WAV , WMA , AAC
4 - البرنامج هذا يحول حتى الفيديوبنفس الجوده والبساطه والسرعه العاليه ( طبعآ اذا حملت كل وصلاته )
5 - البرنامج ذا صغير حجمه واجهته بسطيه لدرجه ان اخوك ابو 5 سنين يحول لك الملفات الين ترجع له من بساطته
___________________________________
اولآ عليك تحميل البرنامج
وحجمه ( 1.47 Mb )
وبعد ما تحمله وتنصبه تجد ان البرنامج لا يحول الا ( WAV , MP3) بتزعل طبعآ لأنك تبغى تحول (إلى ومن ) ملفات اكثر
بس بسيطه
ثم قم بإنزال هذا الملف اللذي سوف يسمح لك بتحويل ملفات الصوت من نظام الريل بلاير :
<< حفظ بأسم وحجمه ( 217 KB )
ثم قم بإنزال هذا الملف اللذي سوف يسمح لك بتحويل ملفات الصوت إلى نسق الريل بلاير :
<< حفظ بأسم , وحجمه ( 2 MB )
وبرضو اذا بغيت تنسيقات اكثر ومن ضمنها WMA ادخل على هذا الرابط واختار التنسيق الي تبغى
+-=-=-=-=-=-=-=-+ الحين خلصنا من تحميل البرنامج وتنصيبه " ست آب " +-=-=-=-=-=-=-=-=-+
نبدآ بالشرح بالتفصيل
اذا حملت كل الوصلات والتنسيقات على طول تروح للأغنيه الي تبغى تحول تنسيقها وتضغط كليك يمين مثل الصوره الي تحت
وبعدين اختار علامة البرنامج وعلى طول حول الأغنيه للتنسيق الذي تريد
لكن اذا ما حملت كل الوصلات
افتح البرنامج وأختار الملف الذي تريد تحويله مثل الصوره الي تحت
بعد ما تختار الملف المراد تحويله تطلع له هذي الواجهه وانا شرحت عليها عشان تتضح الصوره لكم
وبعد ما تختار جودة الصوت والتنسيق الي تريد وكل شي عن الملف المراد تحويله
يبدآ التحويل
شوفو كيف السرعه في التحويل
وبس هذا البرنامج من طقطق لسلام عليكم
وان شاء الله الشرح يكون واضح " مع اني ما اعتقد "
لكن اعذروني لأني مستعجل ومشغووول كل هذي الأيام
وطبعآ
انا في الخدمه اي سؤال اي شي عن البرنامج اسألوني وان شاء الله انكم تستمعون فيه وتستفيدون منه
وتقبلو تحياتي لكم اخواني الأفاضل وأن شاء الله لي رجعه لكم مطوله مع برنامج ثاني
اخليه مفاجئه وعيديه لكم
See ya
Flash Mix
اضافة رد مع اقتباس
المفضلات